كدة غالبا جوان وش سلندر
MMamdouh
عرض للطباعة
كدة غالبا جوان وش سلندر
MMamdouh
بس الميه في القربه نظيفه تمام مش مطحنه وكمان الميه ماكناتش بتنقص قبل كده قبل ما غير الميه وانا سمعت قبل كده انك لما بتغير ميه العربيه بتحتاج تزود ميه للعربيه بعد شويه وبعد كده بتظبط معاك
ومان مؤشر الحراره مبيعلاش ابدا وكمان
وبرده للعلم يا هندسه هو كان في تسريب قبل كده من الحنفيه بسبب عدم قدره العصفوره انها تجز الماء فسددت الحنفيه بلحام حديد تماما وبعدين حطيت ميه في الردياتير وبعدها بكام يوم لاقيت الميه مش موجوده في القربه وكمان انا فكيت البوجيهات لاقتها حريقها زي الفل ومفيش عليها اي نقط ميه او نقط زيت
طيب دلوقتي انا هاتوكل علي الله وعمل جوان وش سلندر اتاكد ازاي انه جوتن وشسلندر ولا جلد صباب ولوكان جوان اجيب نوع جوان ايه واخلي بالي من ايه وهو بيركب عشان الميكانيكيه انتم عارفينهم ممكن يبوظوا الدنيا ارجو الرد وهل ممكن اطمئن علي البساتم والشمايز لما افتح الموتور وازاي اطمئن عليها وشكرا ويا تري ممكن امشي بالعربيه قد ايه قبل ما اعمل جوان وش سلندر من غير ضرر علي الموتور مع العلم ان الميه بتنقص بشكل كبير مع العلمان الحراره ما رفعتش معايا قبل كده مش عارف الجوان جه منين
معني ان الجوان ضرب وميه القربه طحنت ان مجاري الزيت دخلت علي مجاري الميه..
احيانا بيحصل تاكل في مجاري الميه نتيجه تزويد ميه حنفيه والتاكل ده بيوصل للغرفه وتلاقي ميه القربه بتنقص والشكمان بيجيب ميه وتفكر انه عرق والقربه نظيفه وتستبعد موضوع الجوان وهو جوان هيتغير ووش سلندر هيتملي ويتفرز ,واعتقد دي الحاله اللي عندك.ربنا يوفقك
نسيت اقولك لو الوضع كان كده ومشيت بالعربيه مفيش مشكله مع تزويد ميه القربه طبعا ولكن في وقت معين العربيه هتبرجل وتقف مش هتدور لو الميه زادت داخل الغرف .
شكرا لحضرتك هو ممكن يكون استخدام فلاش لتنظيف دوره الزيت يعمل كده لان انا استخدمت الفلاش وبعدين حصل الكلام ده
بس لنهارده عشان اتاكد من موضوع الجوان رحت اكشف علي العربيه سكانر ولاقيت الاتي
كبس الموتور 99% ولاقيت ان حراره العربيه تصل عند المشي بيها تصل الي 96 دزجه واكثر والراجل الي بيقيس بالجهاز قالي ان ده معناه ان العربيه جابت جوان وش سلندر فهل كلامه كده صح وعلي فكره الميه عندي مش مطحنه خالص بس الميه بتقل في القربه بشكل كبير جداولو كان جوان ايه افضل نوع جوان لعربيتي نوبيرا 2 ومعليش يعني ايه ووش سلندر هيتملي ويتفرز
اولا مفيش مكنة كبسها 99% حتى لو زيرو
ثانيا طبيعى جدا ان حرارة الميو توصل الى 96 مع الاستخدام... مراوح التبريد بتبداء تشتغل على السرعة العالية لما حرارة المية توصل 98
MMamdouh
والنبي يا باش مهندس خليك معايا يعني الواد ده بيشتغلني ده وراني االرقم ده13.8 وقالي انه يعادل 99%موجود علي الجهاز الي معاه وبالنسبه للحراره وصلت ل 104 علي الجهاز ومفيش ولا نقطه ميه في القربه طيب انا كده لازم اغير جوان ولا لا ولو هاغيره اجيب واحد نوعه ايه واخلي بالي من يه رجاء الرد لحسن الراجل بتاع الجهاز ده قالي حاول ما تمشيش بالعربيه عشان ممكن تبوظ حاجات تانيه
قياس كبس الموتور بيبقى بجهاز قياس ضغط هوا زى بتاع الكاوتش و القيمة بتبقى فى حدود 120 الى 160 فى المتوسط... 13.8 دة رقم ملوش اى علاقة بحاجة
و معلش هو انت كنت بتكشف على ايه و العربية مفيهاش مية؟؟... يعنى لو انت شاكك فى حساس الحرارة هتعرف منين اذا كان شغال صح ولا لا و العربية مفيهاش مية؟؟... و اصلا حركة زى كدة ممكن تخللى العربية تجيب جوان لو مفيهاش جوان
نصيحة: روح لحد بيفهم و فكك من الكفتجية
MMamdouh
لا معليش انت فهمتني غلط لما قلت ان (بالنسبه للحراره وصلت ل 104 علي الجهاز ومفيش ولا نقطه ميه في القربه) انا قصدي ان الميه بتقل لدرجه ان مبيبقاش فيها ميه لاكن انا يا باش مهندس انا زودت ميه وبعدين كشفت علي العربيه بالسكانر وقلي ان حساس الحراره شغال وكمان ترموستات الحراره شغال والمراوح بتشتغل عادي بعد ماتوصل العربيه لدرجه تشغيل المراوح وعموما انا هانزل قراءات الاسكانر لاني هاخدها كوبي من علي الجهاز وانقلها لحضرتك )وعايز اقل حضرتك ان انا كشفت سكانر بس مش كبس مكنه لاكن الراجل بتاع الاسكانر او الكومبيوتر قالي انه ممكن يتوقع حاله الموتور من بعض النتائج الي بتظهر في القياسات وعموما هانقل كل الارقام الموجوده عنده عشان اعرف بس لان الي ميعرفش يقول ............... وادينا بنتعلم يا هندسه