آلام الظهر والدكتور أحمد مشعل "جينز كار"
آلام الظهر
ـــــــــــــــــــــــــ
# الكرسي المتعب..
كلنا عارفين إن كراسي (الصني) متعبة جدا.. أنا طبعا أول ما اشتريت العربية قولت أعمل فيها فتك وأركب (تلبيسة) علشان أحمي الفرش الأصلي، والعربية معايا من شهر 4
# المقابلة
يوم المقبالة الرائعة.. اتشرف إني أتعرف بالحاج أحمد مشعل صاحب (جينز كار) والراجل ده غاية في الأخلاق والاحترام وحسيت إني أعرفه من زمان، والراجل بجانب طبعا الهدايا الجميلة اللي كان جايبهالنا عمل عرض للي حضروا المقابلة بإنه يضبط الكرسيين بتوع الصني وحل مشكلة الهبوط وقسوة الكرسيين لحد يوم 25 يناير مجانا وكانت معاه عينة من كرسي صني متبهدل نتيجة وضع التلبيسة وكثرة الاستعمال وفعلا الكرسي كان متبهدل
# يوم الذهاب لجينز كار..
اتفقت أنا وأحمد شما ومحمد نبيه إننا نروح نشوف موضوع الكراسي ده الجمعة اللي بعد المقابلة، ويوم الخميس كلمني أحمد شما علشان يأكد الميعاد وقاللي إن العمدة أحمد مصطفى هايجيلنا علشان يتابع معانا وطبعا أنا بفرح لما بقابل أحمد.. المهم روحنا للحاج أحمد والراجل استقبلنا أجمل استقبال والضحكة ما فارقتش وشه، وبصراحة قعدته ما يتشبعش منها.. وجالنا كمان حبيب قلبي sona ووليد وباقي الشباب علشان ما انساش حد، وبعد شوية كلام بدأ الشغل في عربيات أحمد ونبيه وبعدين عربيتي
# الكرسي وآلام الظهر
كانت الطامة الكبرى إني لقيت الكرسي بتاعي متبهدل زي ما الأستاذ أحمد صوره في تقريره والحاج أحمد اشتغل في الكراسي بنفسه وقام بوضع لباد وطبقة جلد على الجزئين المعدن اللي بيقطعوا السفنج وضبط الكرسي وبقى زي الملبن زي ما شفتوا في الصور، والنتيجة إن الكرسي علي بعض الشىء وبقى الضغط على دواسات العربية أسهل وغير متعب.
في النهاية طبعا أحب أوجه
شكر خاص للحاج أحمد مشعل
و(جينز كار) على المجهود
الكبير وحسن استقباله لينا