إن شاء الله ناويت اشترى السيراميك والمونة ولان شقتى فى الدور الثامن فاكيد هتكلف نقل فلوس كتيير فياريت اللى ليه تجربة فى نقل الحاجة بطريقة سريعة وبدون تكلفة كبيرة ياريت يفدنى
إن شاء الله ناويت اشترى السيراميك والمونة ولان شقتى فى الدور الثامن فاكيد هتكلف نقل فلوس كتيير فياريت اللى ليه تجربة فى نقل الحاجة بطريقة سريعة وبدون تكلفة كبيرة ياريت يفدنى
ونش وده ييتأجر باليوم وده اريحلك ...........
انا مش عايز اصدمك يا فندم بس ها تكتشف انه سعر متر الرملة وتطليعه للثامن ها يكلفك اكثر من سعره اصلا !! يعني لو سعر المتر جنيه !! تطليعه للثامن ها يكلفك 10 جنيه :d عشان كده ريح دماغك واستخدم ونش !!
ونش طبعا اوفرلك واريحلك ..بس اتأكد انك تبقي جايب كل حاجه يعني السيراميك كله الرمل بزياده... الاسمنت ..والاسمنت الابيض ...
شكرا على الأفادة ياجماعة ربنا يخليكم بس محدش يعرف سعر تاجير الونش فى حدود كام وياترى بيتاجر باليوم ولا بالساعة وممكن الاقيه فين
انا شقتى بردوا فى التامن علوى ولسه بادىء توضيب فيها وجبت 3 افراد معاهم الونش علشان ينضفوا الشقه من الخرسلنه الناشفه والرمل والبلاوى اللى المقاول مسلمنى الشقه بيها
المهم ياسيدى الناس طلعت الونش وشالوا الردم وملو تقربيا 2 ونص مقطوره جرار ورموهم بمعرفتهم
وكنا متفقين على 450 جنيه ادتلهم بزياده علشان عملوا اللى انا عاوزه كله
بس طبعا هو اول ماقال قال 500 جنيه وماليش دعوه بالجرار. على فكره الكلام ده فى بنها اكيد القاهره اغلى.
ربنا يوفقك
اى استفسار بخصوص المصنعيات انت تأمر اخوك غارز نفس غرزتك اليومين دول
بص ياباشا انت هتجيب ونش
وعلى فكرة مش هتعرف تتفق معاهم بالساعة ولا باليوم لانك ببساطة مش مقاول
انت هتتفق معاهم المقاولة على بعض
وهات حاجاتك بزيادة علشان تريح نفسك مستقبلا
بس خد بالك الرمل يقفل عليك الدنيا علشان ده حصل عندي
بس ربنا ستر وكان عندي الدور اللي فوقي فاضي وحولت عليه رمل
نسيت اقولك انك لازم تكون فاتح على الواجهة مكان للونش بدون صور بلكونة او خلافة
انا هديت حيطة كاملة على الجار (كان عامل جراج عربيات)
كتر خيرك ياباشا ولو تقدر تقولى مصنعية الكهربائى والسباك كلفتك كام وانا ناوى باذن الله اجيب طقم الحمام مع السيراميك فهل ده صح ولا ممكن يتكسروا ولا حاجة وياترى اجيب سيراميك كليوبترا ولا رويال ياريت اى معلومة تفيدنى بيها يبقى كتر خيرك
شكرا ياباشا بس انا هكسر الحيطة اللى جنب البلكونة ولا اطلعها السطع مثلا وينزلوها تحت احسن
لا ياباشا كسر الحيطة ومكان صغير على قد الونش
هو لما ييجو ينصبوا الونش هيكسرو على قد احتياجهم
خلي اطقم الحمام في الاخر شيلها سهمل ممكن تطلعها بنفسك
لو عنندك محارة لازم تعرف هتحتاج فد ايه اسمنت ورمل
ولو لسه هتركب السيراميك لازم تعرف محتاج قد رمل وسيراميك واسمنت
لو لسه عندك تقسيمات ومباني لازم تعرف محتاج رمل واسمت وطوب قد ايه
افضل تشكيلة في السيراميك هي كليوباترا
وبلاط الحمام والمطبخ الحوائط ماتجيبش المقاسات 20*20 مصنعيته غالية شوية
الاسمنت هات بزيادة 25% على الاقل وحط الاسمنت كله في دور غير اللي فيه الشقة اللي هتشطبها في مكان جاف وبعيد عن الرطوبة
مصنعية الكهربائي والسباك بالاتفاق
والاهم السباك لازم يكون محترف علشان الغلط بزعل بعد كده
زى ماقال ابوصلاح المصنعيات بالاتفاق
بالنسبه ليه انا اتفقت مع السباك هياخد 1050 وطبعا هيعمل السباكه وبانيو واهم حاجه هيعزل بلك هيسيح البلك ويعزل بيه سيبك من البوتامين الجاهز هيلخد 800 جنيه و250 لما يشطب الشغل.
اما بالنسبه للكهربائى هيعمل الكهرباء الداخليه كلها وطبعا كل غرفه منفصله وفيها وصله نت ودش وتليفون ، والشقه فيها 3 تكييف، وبيعمل للشاشه lcd مكانها وتوصيلتها ويفضل انك تحدد مكانها علشان يكون السلك من الداخل ، وطبعا كل غرفه ليها مفتاح سيمنز خاص بها وكذلك كل تكييف والسخان ، بالنسبه للحساب هو قالى هيتحاسب فى الاخر بالنقطه علشان ولا يظلمنى ولايظلم نفسه انا قولتله موافق بس عرفنى رينج الحساب كام يزيد شويه او يقل شويه قالى تقريبا 1000 جنيه.
بالنسبه للسيراميك انا لسه ماوصلتش ليه ياريت حد من الاخوه يفيدنا بالافضل، انا ناوى اعمل الريسبشن وغرفه النوم بورسلين
تكلفة الونش علشان يطلع الحاجات دى حتكون فى حدود 600 جنية للدور الثامن والنش بيتركب فى السطح
زلما تتطلع الرمل خلية يوزعة فى الغرف علشان ميقفلش المكان
الونش صعب انه يطلع السيراميك علشان ممكن يكسره خلى بالك افضل حاجه عمال اه هتتكلف شويه بس علشان تحافظ عليه بالنسبه للرمل والاسمنت طلعهم بالونش اريحلك وارخص
السيراميك مش هيتكسر لو فاهمين شغلهم وعينك عليهم وياريت توزع الحاجه فى مكانها
يعنى الرمل يتوزع بنسب تناسب الغرف وسيراميك المطبخ قريب من المطبخ وهكذا علشان تريح اللى هييجى يكمل
السيراميك بيرصه تحت في العربية (البراويطة) ويطلع فيها ولما ينزل في الدور التامن بيمشي بالعربية دي على العجل بتاعها لحد المكان اللي بيترص فيه
وطريقة الرص مائل خفيف على سيفه ومسنود على الحيط وكله قدام بعضه زي الطوابير كده
ولما تيجي تطلع السيراميك افصل كل نوع لوحده
علشان عندي البهوات حطوه كله فوق بعضه وانا مخدتش بالي لان كان في كراتين شبه بعض