عندي لما شيلت كاسيت العربية في لمبة حمرا وراه شغالة تنور وتطفي شبه لمبة الانذار . وقفلت العربية ومشيت واللمبة مش عاوزة تطفي خالص .
هيا اللمبة دي ايه وظيفتها ؟؟
عرض للطباعة
عندي لما شيلت كاسيت العربية في لمبة حمرا وراه شغالة تنور وتطفي شبه لمبة الانذار . وقفلت العربية ومشيت واللمبة مش عاوزة تطفي خالص .
هيا اللمبة دي ايه وظيفتها ؟؟
وفي حاجة كمان اول لما اشغل الكاسيت اسمع صوت من ورا شبه صوت مكن الازاز كدة لمدة 5 ثواني ولما اقفله نفس الحكاية هو ده طبيعي
اللمبه دى بصراحه معرفش و ظيفتها ايه بس مافيش منها مشكله خالص العربيه معايا من 2008 و مافيش اى مشاكل بالنسبالها
الصوت اللى بتسمعه ده لو عربيتك فول اوبشن يبقى علشان الاريال الكهرباء بيطلع جرب تشغل الكاست و بص على الاريال فى ساعتها هتلاقيه بيطلع معاك و لما تبطل الكاست بينزل معاك برضو
مممممممم تمام كدة يعني مفيش مشكلة منها اللمبة دي لما تنور . طب استفسار تاني بعد اذنك هو الشاشة بتاعت عداد الكيلو متر بتفضل شغالة وباين فيها الارقام حتى وانت شايل المفتاح وقافل العربية
ايوة بتفضل الارقام موجودة وظاهرة حتى لو قفلت العربية
الارقام دي متتشالش غير لو فصلت كابلات البطارية وفصلت كهربا خالص
شكرا يا رجالة معلش اصل انا معلوماتي عن الفيرنا زيرو ومازال البحث قائم عن وظيفة اللمبة الحمرا اللي ورا وش الكاسيت
ده alarm الكاسيت
شكرا يا باشا بس طب ايه فايدته ولا هو كدة منظر وبس
نفس اللمبة دي كانت في كاسيت الشاهين لما كنت اشيل الوش تقعد تنور وتطفي .... الكاست رود ستار اللي الوش بتاعه بيتشال
الحاجات دي كلها طبيعية .....
الصوت ده بتاع الاريال ... لما تشغل الكاسيت او الراديو بيطلع ... ولما تطفيه او تطفي العربية بينزل ....
كله تمام عيش حياتك واستمتع بالفيرنا .... واشرب كوك زيرو