السلام عليكم و رحمة الله
كنت عايز اعرف حد كويس اشترى منه قطع غيار w203 c-class 2001 اصلية جديدة و يكون اسعاره معقولة و يريت لو يكون فى مصر الجديدة او مدينة نصر و لو فى مكانيكى او عفشجى فاهم يبقى ياريت
العربية فيها شغل قواعد و حجات مش عاويصة
عرض للطباعة
السلام عليكم و رحمة الله
كنت عايز اعرف حد كويس اشترى منه قطع غيار w203 c-class 2001 اصلية جديدة و يكون اسعاره معقولة و يريت لو يكون فى مصر الجديدة او مدينة نصر و لو فى مكانيكى او عفشجى فاهم يبقى ياريت
العربية فيها شغل قواعد و حجات مش عاويصة
بص حضرتك انا جنبي ميكانيكي الماني كويس اوي بيشتغل في كل الالماني من مرسيدس و بي ام و كله جديد و قديم وانا شخصيا لما كان عندي البي ام كنت بروحله و اي حد من صحابي بيسال علي شغل في الماني بوديهوله
لو تعرف شارع المقريزي (خليفه المأمون) بس خاليك ناحية كلية التربيه مش الناحيه التانيه المترو يبقي علي شمالك
تفضل ماشي مع المترو تعدي اول يمين بعد الكليه و تاني يمين هو بعده علطول اول ماتلاقيه و تنزل اسأل اي حد علي عوض هتلاقيه اسمر كده هو ده
خاليه يكشفلك علي العربيه الاول و تشوف عايزه ايه و هايقولك منين بردوا
الف شكر على الرد , انا بحاول قلاقى حد يكون متخصص شوية عشان بيكونوا عارفين العيوب الشائعة و ده بيوفر عليك وقت و مصاريف
انا سمعت عن واحد اسمه الزعيم فى شبرا يترا حد يعرفه او جربه
انا معايا c180 2002 kompressor وبصراحه كنت باتعامل مع الوكيل فقط . ولكن طبعا اسعارهم غاليه .ولكن لي صديق نصحني اروح للمهندس احمد عثمان عنده مركز صيانه محترم متخصص في المرسيدس فقط .اولا العاملين هناك علي درجه عاليه من الحرفيه والخبره .ثانيا لا يتعامل الا بقطعه الغيار الاصليه .ثالثا اسعاره معقوله جدا .انا شخصيا جربته وشايف انه مركز محترم جدا في الشغل وقطع الغيار وبيخافو علي سمعتهم جدا . ومكانه في جسر السويس خلف قسم شرطه عين شمس. ارجو ان اكون قد ساعدتك .اخوكم جمال.
الف شكر على اهتمامك و انشاء الله احاول اوصله, يترى حضرتك معاك رقم المركز
لا شكر علي واجب احنا المفروض هنا بنساعد بعض وبننقل الخبرات لبعضنا لان زي ما انت عارف المرسيدس عربيه قيمه ولازم اللي يشتغل فيها يكون علي درجه عاليه من الكفائه والخبره وطبعا الامانه قبل أي شيىء . وأرقام مركز المهنس أحمد عثمان هي 26382259 -26383603 ومحمول 01003640035 - 01003640034 وهما شغالين طول أيام الاسبوع عدا يوم الاحد. وبالتوفيق إن شاء الله.
الف شكر
العفو يا فندم.
ش الترعه انت جاي من رمسيس ورايح على خلوصي هاتلاقي بنزينه مصر على اليمين ادخل الشارع اللي قبل وعلى ناصيته البنزينه على طول ( اسمه شارع شوكلاني يعتبر تاني اشاره بعد نفق شبرا او اللي بعد اشاره شارع احمد بدوي مباشره ) ادخل تاني شارع شمال بعد البنزينه وانت في اتجاه احمد حلمي هاتلاقي الورشه ومركزالخدمه