تحذير من حفرتين على طرق مصر-السويس.

**أبو صلاح** · 29-12-2011 08:36 AM

المشاركة الأصلية كتبت بواسطة ayman-ahmed

حاولت احط عليها كاوتش قديم لقيتها كبيرة والكاوتش هينزل فيها.بس من حوالى نص ساعة لقيتهم حاطين عليها زى بقايا زينة نازلة من عمود نور على البلاعة وهى ممكن تنبه بعض الشئ ولكن للاسف كان فيه عربيتين بعدها بيغيروا العجل.والله انا مش عارف اعمل ايه بس لما وقفت سالت امن جاردينيا قالولى ديه حاجة تبع الصرف وعملنا بلاغ بيها فى وحدة المرور (وهى وحدة قريبة جدا) ومش عارف هيعملوا حاجة ولا ايه.؟

وخايف احط قالب طوب كبير واحد ياخد غرزة يمين يدخل فى الطوب.مش عارف فعلا اعمل ايه بس عربيات كتير اتبهدلت واخرهم عضو معانا فى المنتدى.

لو حد عنده افكار يساعدنى بيها ؟

اعتقد حلها المؤقت اسمنت ورمل وزلط وعليهم مياه وتتسد وتتساوى بقدر الامكان علشان لو عرية عدت عليها ميحصلهاش حاجة

بس مين يعمل كده ؟

لكن رمل بس هيطير في اقل من ساعة

**ASKAFRAWY** · 29-12-2011 09:16 AM

ربتا يجازيك خير دة انا مسافر الصبح على السويس
ربنا يجعله فى ميزان حسناتك
هو كوبرى الجيش( الكيلو 4.5 ) دة القبل شركة الحفر المصرية ومستشفى الكهرباء؟

**newcastle** · 29-12-2011 05:36 PM

طب هي تاخد رمل اد ايه عشان بفكر اعملها بجد

**Ayman-Ahmed** · 29-12-2011 09:37 PM

المشاركة الأصلية كتبت بواسطة أبو صلاح

اعتقد حلها المؤقت اسمنت ورمل وزلط وعليهم مياه وتتسد وتتساوى بقدر الامكان علشان لو عرية عدت عليها ميحصلهاش حاجة

بس مين يعمل كده ؟

لكن رمل بس هيطير في اقل من ساعة

مش هينفع اسمنت وكل ده لانها هتتردم ويرجعوا يفتحوها تانى لانها واضح انها فى المنطقة بحالها.لان فى نفس التكسير ده او ممكن نقول الحفر ده فى الطريق اللى بيوصل من طريق السويس للشيراتون(طريق الصاعقة).

المشاركة الأصلية كتبت بواسطة askafrawy

ربتا يجازيك خير دة انا مسافر الصبح على السويس
ربنا يجعله فى ميزان حسناتك
هو كوبرى الجيش( الكيلو 4.5 ) دة القبل شركة الحفر المصرية ومستشفى الكهرباء؟

الله يخليك.

الكوبرى لو جاى من شارع الثورة ومستشفى الكهربا على شمالك يبقى الكوبرى بعدها والحفرة بعد المنزل بحوالى 800 متر على اليمين وانت رايح على الرحاب-طريق السويس-طلعة الدائرى.

المشاركة الأصلية كتبت بواسطة wshawky

هى مين الجهه اللى المفروض نبلغها بحاجه زى كده؟ المرور و لا الطرق و الكبارى و لا الصرف الصحى؟ عايزين نعمل حاجه إيجابيه و لعل و عسى المشكله دى تتحل.

حاولت اسال مع امن جاردينيا قالوا هنقول للمرور ولا جديد.احتمال الطرق والكبارى.

المشاركة الأصلية كتبت بواسطة newcastle

طب هي تاخد رمل اد ايه عشان بفكر اعملها بجد

الرمل لوحده مش كفايه لانه هيطير بسرعة والاسمنت هيشيلوه تانى لانهم واضح انهم بيكسروا او بيحفروا كتير فى المنطقة. وحسبى الله ونعم الوكيل.

**El Prince** · 29-12-2011 10:04 PM

thank you

**Ayman-Ahmed** · 29-12-2011 10:08 PM

You are most welcome.

**amado318** · 29-12-2011 10:11 PM

والله من اربع ايام خمس عربيات مظبطين بعض فى الحته دى

**amado318** · 30-12-2011 11:00 AM

وامبارح بلليل برضه عربيه متبهدله على الطريق والله حرام دى مصيدة للعربيات واذيه الناس

**alaasaid** · 31-12-2011 10:28 AM

أنا فى الحالات اللى زى دى بحط طوبة كبيرة من بتوع الرصيف و بخليها واقفة على سيفها عشان تكون باينة من بعيد و بحط عليها بوية صفرا عشان تظهر أكتر , بس فى الطريق السريع دة ممكن يكون خطر بسبب السرعة العالية جدا و خصوصا ان الناس بتنزل مندفعة جدا من الكوبرى

الموضوع: تحذير من حفرتين على طرق مصر-السويس.

LinkBack

أدوات الموضوع

عرض

-

-

-

-

-

المواضيع المتشابهه

تحذير من منصور أوبل جسر السويس

تحذير من بنزينة Caltex جسر السويس

تحذير من حفرتين على طرق مصر-السويس.

تحذير من التعامل مع ياسن منصور جسر السويس

تحذير من رادار طريق مصر-السويس

الكلمات الدلالية لهذا الموضوع

المفضلات

المفضلات

ضوابط المشاركة