ممكن برضة يتحط فى الحفرة اى علامة من العلامات المعدنية اللى على الطريق , قصدى اللوحة المعدنية المدورة بالعامود بتاعها زى بتاعة ممنوع الوقف او ممنوع الدوران و تتدهن أصفر فى أبيض مثلا و لو حد خبطها هيكون تأثيرها أقل بكتير من الطوب
عرض للطباعة
ممكن برضة يتحط فى الحفرة اى علامة من العلامات المعدنية اللى على الطريق , قصدى اللوحة المعدنية المدورة بالعامود بتاعها زى بتاعة ممنوع الوقف او ممنوع الدوران و تتدهن أصفر فى أبيض مثلا و لو حد خبطها هيكون تأثيرها أقل بكتير من الطوب
والله الحفرة دى على اما تتصلح هتكون بوظت 1000 عربيه دة انا كل اما اروح التجمع الاقى كارثه عند الحفرة الى بعد الكوبرى
يعنى المشكلة بألها كتير و على طريق سريع و لسة ماتحلتش ؟
هيصلحوها امتى ؟؟ سنة 2015 ؟؟؟!!!!!!!
الحفرة اتحط عليها كاوتش ومنفعش و الردم بتاع الحفرة منفعش برضه مع انه ملى جزء كبير منها.اعمل ايه تانى.؟لا حول ولا قوة الا بالله.
مثلث تحزير ابو 25 جنيه(مش متاكد من السعر) حلو وعصايه مقشه وثبتها عليها وحطها علي الحفرة تبقي زي الفلل
الاسمنت فكرة جباره
الرمل ممكن لكن لوحد فرمل عليه هيدعي علينا
السلام عليكم ياستاذ ايمن
بس اسمعني يابشا احنا بنبني فعندي خبرو حلوة دلوقتي
هي الحفرة علشان تتتسد لازم خرسانه يعني رمل +زلط +اسمنت ولو عايزها تنشف علي طول رش عليها جبس بس مش كتير علشان ميطرقعش من الميه
وخشبه وسويها هتفرش معااك
او من عند سن الحفرة اعملها مطلع كده بزاويه هتبقي اضرار اخف بكتيييير
وعليكم السلام ورحمة الله وبركاته.
مش هقدر اقف اعمل الخلطة ديه هناك لان ممنوع عشان منطقة عسكرية(ده كان كلام فرد امن طلعلى لما لقانى واقف بحط كاوتش وبرجع الردش) وبصراحة هو ساعدنى بعد كدة لما زميله طلع يقوله سيبه ديه الحفرة عاملة مشاكل كتير.
فيه ناس حطت يافطة هدى السرعة وتقريبا كسروها وحطوها فى الحفرة وبعد كدة اتشالت تانى :O_stupid[1]:
هحاول بكرة تانى بامر الله مع الطرق والكبارى يمكن حد يرد عليا.
أحييك بجد على اللي إنت بتعمله وجزاك الله خير
الحفرة دي فعلا واضح انها عاملة مشاكل كتير لأني كنت معدي من هناك يوم السبت اللي فات وكنت الساعة 9:00 بالليل والطريق ماشي كويس وبعدين بعد الكوبري لقيت الطريق بطأ وشايف عربيات كتير ركنة عاليمين أنا إفتكرتها حادثة في الأول لكن أما قربت لقيتهم كلهم بيغيروا العجل فافتكرت موضوعك ساعتها
جزانا الله واياكم ويبعد عنا شرور الطريق وربنا يسترها على الجميع.
الحمد لله تم الابلاغ عن الحفر على الطريق واللى رد على التيلفون قاللى سيتم عمل اللازم ورفع الشكوى لمدير المنطقة المركزية.
ربنا يسهل الامور ويستعجلوا نفسهم شوية.