عرض للطباعة
مساء الخير علي وحوش اللوجان .. انا حجزت صيانة 5000 للوجي ف فرع العبور يوم الحد الجاي 1 -1 - 2012 متضمنة الأتى :
كشف علي سوائل العربية - تربيط العفشة - كشف عام علي العربية .. و زودت كمان حبه حاجات هاتتعمل بناء علي طلبى و هى : تركيب مجموعة البريك - كشف ع المقصات والمساعدين - تغيير زيت و فلتر زيت - تغيير العتبة اليمين .. و إن شاء الله هاكتب تقييم وافي وتقرير كامل مدعم بالفواتير والصور بعد مارجع .. ياريت يا جماعه اللي عايز يسأل علي حاجه او يعرف سعر اي حاجه يحط سؤاله هنا و هاحاول اجاوب عليه
ليه تغير زيت . تغيير الزيت و الفلترعلي 5000 كم أو سنه .
انا عندي حاجه غريبه في العربيه ومش عارف اروح ليهم ولا اروح لمين.. العربيه بحس انها مايله ناحيه اليمين شويه .. هل ممكن اسألهم ولا اروح لهم بيها ولا ايه..
فرحات بيه احب ف الاول اشكرك عشان فكرتنى بتركيب مجموعه البريك بالصدفه وانت بتتكلم عنها ف صيانتك وفعلا المارشدير كان بيعمل المواقف البايخة اياها بس إن شاء الله تتحل .. العربية يا حاج جايبها ف شهر 3 اللي فات يعنى فاضلها شهرين و تكمل سنة و يادوب عامله 4800 كيلو يعنى عشان استنى صيانة العشره يدينا و يديك طولة العمر فاقلت اغير زيت بالمره و كمان انت عارف الزيت ف اول 5000 كيلو بيكون معبي شوايب من تليين الموتور
بص يا باشا مفيش داعي تروح بيها التوكيل مادام الموضوع مش كبير عشان التوكيل زحمه و خنقة .. خدها وروح مركز خدمه رينو زي الميكانيكين العرب أو فرنش موتورز واكشف علي المقصات والمساعدين احتياطي وبرضه اظبط ضغط الهوا ف العجل و ان شاء الله خيراقتباس:
المشاركة الأصلية كتبت بواسطة amriar
مبروك ياباشا اعمل حسابك بقى على يوم كامل فى التوكيل علشان كل الحاجات دىاقتباس:
المشاركة الأصلية كتبت بواسطة wassim_nasser
او ممكن تركب الباص بتاعهم وتروح تتفسح فى مول الجولف سيتى وترجع تاخد الباص تانى - اعمل حسابك بقى على لابتوبك وفلاشتك علشان لو ماخرجتش وقررت تستنى عندهم ومنتظرين تقريرك الجميل ان شاء الله
ماتنساش تشيك على التكييف صحيح الدنيا برد بس انت مسافتك طويله وعلى ماالصيف ييجى ماحدش عارف ايه اللى هيحصل
متشكر ع المعلومة بس قصدك أشيك ع ايه بالظبط ف التكيف وبمناسبه اللاب توب .. انا عندي لاب اتش بي بافيليون دي في 7 والادابتور بتاعه اتحرق فاكنت عايز اجيب ادابتور جديد ياتري الاقي ف كومبيو مي الكوربه ولا اجيبه منين
راجع على ضغوط الاطارات...الكاوتشاقتباس:
المشاركة الأصلية كتبت بواسطة amriar
انت نازل تشهيص نفسك بقى فى مصر , بالنسبه للتكييف يشيكو على ضغط الفريون والفلتر ينضفوهاقتباس:
المشاركة الأصلية كتبت بواسطة wassim_nasser
طبعا هتلاقيه فى كومبيو مى لو مالقتوش ميل على مولات الكمبيوتر اللى فى السخاوى تجد هناك ما يسرك
ايوة يا باشا هى فعلا اجازة قصيره ف القاهرة و الواحد يفك من قرف الصيدلية .. حاول تيجي يوم الخميس 29 فيه مقابلة ف وسط البلد تقريبا او السيده زينب
ربنا يوفقك ان شاء الله , بس موضوع المقابله ده صعب
ايه يا وسيم باشا اخبار الصيانه والسمكره ايه ؟
معلش ممكن سوال ايه هي مجموعه البريك دي.
معلش معلوماتي ضعيفة.
اخبار الصيانة والسمكرة عشان انا اتخبطت فى الباب اليمين خبطة وحشة
بص انا رحت اسأل ع العتبه قالولي العتبه ب 300 جنيه و تركيبها 800 جنيه و خدمه وكده يعنى كله 1200 جنيه ! رحت عند سمكري شاطر رديتها ورشيتها بنفس درجة اللون ورجعت احسن من الجديده ب 300 جنيه بالبقشيش .. الخلاصة لو هاتعمل شغل ميكانيكا سواء تغيير كبالن مقصات سيور تيل فرامل روح التوكيل انما لو شغل سمكره ورش هايدفعوك فلوس جامده شوف سمكري شاطر و وفر فلوسك احسن
طيب هل ركبوا لحضرتك مجموعة البريك ببلاش ؟ و غيروا زيت بكام و نوعه ايه ؟
انا سألتهم ف قصة الزيت قالولى ان الزيت بيقعد ف العربية سنة أو لحد مايوفى المسافة ايهما اقرب .. يعنى زيت ال 10000 يقعد ف العربية سنة أو لو العربية مشيت 10000 كم يتغير و كده كده بيكشفوا ع الزيت يشوفوه حرق ولا تمام .. انا عن نفسى طلبت منهم يحطولي زيت 5000 لأن استخدام العربية بالنسبالي قليل و هما بيحطوا زيت توتال بيتحمل درجات حرارة وبرودة جامده و انا حسيت سحب العربية اتحسن جدا جدا وصوت الموتور بقى اهدى .. بالنسبه لمجموعة البريك فا دي بيركبوها ف حالة حدوث عضة و صوت ف الغيارات .. لكن هروب المارشدير لا يعتبر عيب علي حد كلامهم وبالتالي ماركبتهاش بس ان اضطريت تركبها ف هى ببلاش
شكرا للإفاده
لا أنصع بالتعامل مع فرع العبور أو المقطم أسعارهم أغلي من مراكز الخدمة مثل فرع الرحاب و كمان بيفتوا كتير بعد ما عملت 20 الف قالوا لي غير تيل فرامل أمامي طبعا أي كلام لان دي خامس عربية أركبها و انا أعرف بالضبط امتي التيل يتغير في صيانة 30 ألف كشفت عليه في فرنش موتورز و اشتغل معايا لحد 40 ألف