مكالمه مع منصور

**KHALED AYMAN** · 26-12-2011 11:50 PM

واحد معرفه عاوز يجيب كورسا الجديده ..
بس فاكر انه عايش فى شتوتجارت مثلا ...
بيقولى انا هجيبها سبيشيال اوردر
يبنى عيب الى بتقوله ده ..
الكلام ده غير مستحب مع التوكيل ...طيب قول يجيبهالك سليمه بس
بعد محاولات لاقناعه انه يتكل على الله فى اى عربيه تانيه ..مصمم
كورسا 2012 احمر ...1600 سى سى مانيوال ...
قولتله ماشى هتصلك بيهم اهو
اتصلت بمبيعات فرع اسكندريه و المكالمه كالاتى :
انا : عاوز اسال على كورسا 2012
هما : تيراااااااابررررررررررم تووووووو لىىىىىىى (حطونى على الهولد من غير اى كلمه ..متصل اشحت انا مثلا ماشى !!)
هما : ايوه !!
انا : عاوز اسال على كورسا 2012
هما : اوبل ؟؟
انا : تقريبا اه :)
هما : ب 133
انا : ايه الاوبشنز
هما :قعد يقر كتير ..فى كماليات من نوعيه اكصدامات بلون السياره و حاجات من دى
انا : هو التكييف دوال زون ؟؟
هما : تيت تيت تيت ..البرنس قفل فى وشى لان واضح ان السؤال فى حاجه قبيحه من وجهه نظره

طبعا صاحبى وشه جاب الوان ..قلتله اتقل انت لسه شوفت حاجه ..نجرب فرع تانى

انا : عاوز اسال على كورسا 2012
هما : بعد ما حطونى على الهولد ييجى 4 5 مرات 133
انا : ايه الاوبشنز ؟؟
هما : قعد يقر كتير زى الى فات ..
انا : (مسالتش بقى على التكييف عشان محرجش نفسى) هى تسليم فورى ؟؟
هما : لا طبعا يا فندم تحجز و تستلم بعد شهر :)
انا : طيب انا عاوز اطلب مواصفات معينه فى العربيه
هما : مينفعش يا فندم
انا : ليه ؟
هما : جنرال موتورز بتقول لا (فكرنى بغسان مطر لما قال لحزلئوم اعمل الصح )
انا : انا بس عاوزها 1600 مانيوال ..
هما : منا قولت لحضرتك مينفعش جنرال موتورز بتمنع !!
انا : طيب هى سقف بانوراما صح ؟؟
هما : لالالالالا فتحه سقف عاديه
انا : جنط 17 صح ؟؟ لالالالالالالالالا 16
انا : فى منها احمر ؟؟
هما : لالا
انا : طيب ابيض ؟؟
هما : لالالالا
انا : ينفع اجيب العربيه من المانيا باسمى انا و تعمل صيانه عادى مش عاوز ضمان ...
هما : لا يا فندم ممنوع
انا : جنرال موتورز بتمنع بردو ؟
هما : اه يا فندم
شكرا سلام عليكم
طبعا صاحبى كان عنده حاله فتح بوء و دخان طالع من ودانه !!
فعلا ..توكيل يستحق الماركه بجداااااااااااره