السلام عليكم جميعا
انا عندي مشكله في العربية انا عربيتي اوكتافيا a5 المشكله ان لما السرعة بتعدي ال 120 بلاقي هزه في العربية كلها حد يعرف ده ممكن يكون من اية
شكرا ليكم جميعا
عرض للطباعة
السلام عليكم جميعا
انا عندي مشكله في العربية انا عربيتي اوكتافيا a5 المشكله ان لما السرعة بتعدي ال 120 بلاقي هزه في العربية كلها حد يعرف ده ممكن يكون من اية
شكرا ليكم جميعا
سيدى
لو الهزه حاسس انها بالعرض فى السيارة
ممكن يكون كوبلن لان دا حصل معايا
بعد كده شوف الزوايا والترصيص والكاوتش واكشف على العفشة
روح ظبط ترصيص الاول و شوف
باشا اشرح اكتر هى رجة وللا هزة وللا دبدبة ولو سيبت الدركسبون بيحصل ايه واحبار المطبات الخفيفة ايه وانت مجنط وللا لا طكدا يعنى
تجربة الكبالن بتكون كالأتى:
امشى عالسرعة البتحس فيها بالرجة, و نزل الفتيس على ال n لو الرجة اختفت ديه بتكون كبالن, لكن لو فضلت زى ما هى او قلت بسيط غالبا كده يبقى ترصيص او حاجة فى العفشة.
خالى بالك بس ان طبيعى لما تحط ال n السرعة بتقل و ده بردو ممن يؤدى ان الرجة تقل مع تقليل السرعة, فحاول تعمل التجربة على طريق مضبوط او نازل, و تزود شوية السرعة عن السرعة البتحس بيها بالرجة.
مثال: بتحس الرجة على 120 او زيادة, جيب بالعربية 140 و حط ال n و لاحظ الرجة مع انخفاض السرعة الى 130 120 و 110, ولو محستش بأى رجة ساعتها بيكون كبالن.
بردو ممكن تتحس شوية مع ال كيك داون, لو كبسن كيك داون و حسيت ان العربية مش ناعمة فى ساحبتها و فى بردو زى رجه ده مؤشر لمشكلة فى الكبالن.
و أحيرا طبعا ده مشكلة فى الكبالن الداخلى و ليست الخارجى, لأنالخارجى بيعمل طأطأه و ممكن يتغير لوحدو, لكن الداخلى بيسبب الهزهو ساعتها لازم تغير الكوبلن كامل (داخلى و خارجى و للأسف ده بيكون مكلف جدا) لأن غالبا بتضطر تجيبو من التوكيل (معظم البتباع فى المحلات بيكون الكوبلن الخارجى لوحدو) لأن الداخلى مفروض بيعمر و مش بيعطل كتير و ناس كتير مبتحسش بيه ولا عارفة عوارض بوظانو.
طبعا ساعتها ممكن تجيب الكبالن كاملة استيراد, بس لازم تتفق مع التاجر على انك هتجربهم بعد التركيب لأن ممكن ميكونوش كويسين, و ممكن تلاقى الداخلى كويس و الخارجى بس البايظ ,و عموما ساعتها ممكن تمشى بالعربية شوية و تغير الخارجى بأخر جديد من المحلات العادية, لكن بعد شرائهم استيراد لو لقيت الداخلى مش كويس لازم ترجعه لأن ساعتها انتا كده رميت فلوسك فى الارض.
شكرا لكل المهتم بس انا لما روحت لبشمهندس خالد الموجود في الحي العاشر و قالي قبل كده ان الكوبلن الداخلي بيكون ظاهر في السرعة من 60 الي 80 مش عارف و كمان فية حد قالي عجل بس ممكن اجرب التجربة بتاعت الاستاذ toola وربنا يستر ميطلعش كوبلن داخلي بس انا سالت ميكانيكيا كتير اوي قالولي ان الكوبلن الداخلي بيبوظ من حادثة و مش سهل يبوظ خالص
انا برده عندي سوال هو مش غلط اني اجيب الفتيس للn وانا سايق بالسرعه ديا
مشاركة صغيرة منى
لسة الموضوع نفسة كان بيحصل معايا عند 120 كيلو و فى الأخر طلع رومان البلى الخلفى و ممكن تكشف علية الأول و مش حاتخسر حاجة
موضوع رومان البلى ده وارد بردو, انا اسمع ان ابه عوارض زى الرجة بس مقبلتهاش.
بالنسبة انك تنزل على ال N معلوماتى انها عادى لانها حتى مش نقلة مقفولة و بنزل من غير مدوس على الزرار ول انتا اوتو مش ستيب كأنك بضبط بتحط المور فى المانيوال, بس المهم انك متحطش ال D بعديها غير لما سرعة العربية تهدى يعنى تحت ال 60 مثلن, و طبعا لو وقفت خالص يبقى أحس.
أنا موضوع ان الكبالن الداخلى ما بين 60 ل 80 , ده سمعتو بردو من واحد عير الكوبلن بتاع A5 زمان فى التوكيل, و انا تجربتى كانت فى النترا 2005 عموما.
أخيرا يا ريت تبعتل رقم خالد و عنوانو, لأنى بفكر فى ال a5 و عاوز حد فى مدينة نصر احتياطى لو حبيت اكشف عندو.
ﻳﺎ ﺑﺎﺷﺎ ﺗﻮﻛﻞ ﻋﻠﻲ ﺍﻟﻠﻪ ﺍﻟﻌﺮﺑﻴﻪ ﻣﺎﺷﺎﺀ اللﻪ ﻭﺍﻟﺒﺸﻤﻬﻨﺪﺱ ﺧﺎﻟﺪ ﺭﺍﺟﻞ ﻓﺎﻫﻢ ﺍﻭﻱ ﻭﻧﻤﺮﺗﻪ 010-029-70564
لو غلبت جرب وضع الجنوط على جهاز الترصيص وراقب إهتزازها عرضياً فقد يكون الجنط خد خبطة - هذا النوع من العيوب لا يظهر إحتياجها لأوزان رصاصية ولكن هذه الرفة تهز العربية تماما مثل الجنط غير المرصص
انا كان عندي نفس المشكله في ال a4 وغيرت كوبلن داخلي واتظبطت الحمد الله
كان عندى نفس المشكلة فى a4 وغيرت كعب الكوبلن الداخلى والحمد الله اتظبتت
لا انا كان عندي نفس المشكلة في a4 بس بعد 140 و طلع حساس كرنك و مكانش ظاهر علي الكومبيوتر لانه بيهيس مش بايظ و الحمد لله اتظبطت بعدها
انا غيرت كويتش من الكوتشات و الهزه خفت كتير فاضل اني اروح اعمل ترصيص و ناس كتير قالتلي كده العجل مش حلو
هل فيه جديد طمنا عملت ليه ,و عشان نستفاد
والله لسه بحس بيها بس ان شاء الله هغير عجل الاسبوع الجي و اظبط الزوايا و تسارع العجل و نشوف لاني روحت للمهندس خالد قالي الكبالن الداخلية سليمة
بص انا كان عندى الموضوع ده حصل قريب و فجأة, و الشككنى ان فى عجلة طلعت على طوبة عالية مكنتش شايفها (بس على سرعة بطيئة جدا متزيدش عن 10 كم), المهم من هنا لهنا, موضوع الرجرجةقل بعد ما رصصت عند دارش فى الحرفيين, بس بردو فضل موجودة و الزوايا كنتش مضبوطة بالنسبة ليا,رحت لدرش الورا حديقة بدر (ده الفرع الأصلى ليه و البيتعامل معاه هانى سمير اساسا) بصراحة الراجل الهناك تحسو فاهم و معلم, ضبط الزوايا و الترصيص من تانى, مبدئيا الرجة راحت الحمد لله, و الزوايا ضبطت الى حد كبير (عندى حدفة يمين و غالبا من الكاوتش)