إستقبال القمر الأوروبي

**Abo_Lina** · 27-12-2011 11:56 AM

عندي دش ثابت صغير كده بيستقبل النايل سات . و ريسيفر شيرينج ماعدش له لازمة إلا لمباريات الدوري الإيطالي و الأسباني كل سبت و حد و باقي الأسبوع مالوش لازمة بعد قفل الشوتايم و تغيير نظام تشفيرها
عاوز أركب دش لإستقبال الأوروبي
إيه هو القطر المناسب للدش لإستقبال الأوروبي و سعره في حدود كام ، و هل أجيب ثابت و لا متحرك ، و الثابت يعمل في حدود كام و المتحرك في حدود كام ?

و جزاكم الله خير الجزاء

**أحمد كمال** · 27-12-2011 12:11 PM

هات 110 سنتيمتر ثابت و lnb و مسطرة و دايزيك سويتش و خلي الفني يوسطنه بين نايل سات و هوت بيرد ثابت مش محتاج متحرك ..... هيركب المسطرة عالطبق و الاتنين lnb واحد يوجهه عالنايل سات و التاني عالهوت بيرد و سلك من ده و سلك من ده عالدايزيك و نازل على البيت عندك سلك واحد بس و خلاص

الليلة دي هتكلفك حوالي 120 جنيه للطبق و القاعدة و 50 جنيه لل lnb و المسطرة و 20 جنيه للدايزيك و الفني هياخد بين 50 و 100 حسب المنطقة اللي انت فيها

**أحمد كمال** · 27-12-2011 12:14 PM

و هتحتاج 5 كيلو اسمنت اسمر و 5 كيلو جبس

**أحمد كمال** · 27-12-2011 12:34 PM

لا بس عشان القاعدة بتاعة ماسورة الطبق تبقى ماسكة كويس مش اي شوية هوا توديه و تجيبه

**CryptonX** · 27-12-2011 01:45 PM

بس خلي بالك من حاجة ...

الشيرنج بتاع الاوروبي زفت .. يعني في شبكة اسمها sky و دي تقريبا مثيلة osn/showtime بس بقنوات اكثر و ناطقة بالايطالي و الانجليزي (خياري) بس بتقطع كتير جدا و مش حتعرف تتابع حاجة.

والقنوات المفتوحة اي كلام يعني متستحقش المجهود .. انا كان عندي طبق متحرك و لغيته و ثبته على ال nilesat بعد ماشتركت رسمي في osn وبتلط 285 جنيه في الشهر و خلاص :)