الموضوع: استشارة فى اجازة اسبوع عسل

ياجماعة عاااوزين اسعار ( بس ياريت بالتفصيل ) يعني هدفع كام من اول لما اكوون في مكتب السياحة لحد لما ارجع مصر مرة اخرى :]

المشاركة الأصلية كتبت بواسطة abou_ruqi

انا ابو رقية بتاع ماليزيا اللي بيقولوا عليه هاهاهاهاها

نصحتي بقه

اولا انا مع الراجل اللي قالك خليك في مصر ، علشان الحالية الاقتصادية واكيد في شباب اتضرر في اكل عيشة ، فمساهمة منك نشط السياحة شوية

اما بقه لو عاوز تغيير او عندك حساسة زيي من طريقة معاملة العاملين بالسياحة في شرم بالنسبة للسايح المصري وتفضيلهم للاجنبي بطريقة مستفزة
فانا اولا مرحتش تركيا ومعرفش عنها حاجة
تايلاند وماليزية
نصيحة من واحد دايس الاتنين بلاش تايلاند ولا ليها لازمة
حتشوف سلوكيات ومناظر مش حتعجبك ولا حتعجب مراتك دعارة وشذوذ وسكارى في الشوارع
عصابات وجرايم ومخدرات
اما سمعة تايلاند ان فيها مناظر طبيعية احلى من ماليزية فده وهم كبير عاملته شركات السياحة ، ماليزيا احلى بكتييير يكفي ان اقولك ان ماليزيا محافظة على غاباتها ولا تزال الغابات تغطي 60% من ماليزيا بينما تاليلند اقل من 25% وتتناقص لانهم بيشيلوا الغابات بغباء
اؤكدلك ان جبال ماليزيا احلى واكثر خضرة ولا يوجد نشاط في تايلاند غير موجود في ماليزيا ، المهم تعرف تروح فين
اما الجزر فماليزيا ليها نفس المناخ والجغرافيا وعندها نفس الجزر واحلى بكتير يكفي ان في ماليزيا اتنين من احلى جزر العالمي في تصنيف رسمي واعلى من جزر المالديف وهما radang و sipadan

مزايا ماليزيا بقه ، في اذان ومساجد في كل مكان مش حتتعب في الصلاة
اكتر من 80% من المطاعم حلال بينما تايلاند حتتعب جدا جدا جدا علشان تلاقي لقمة تكولها المطاعم الحلال اقل من 1%
اخيرا تايلاند غرقانة تماما في الفيضانات علشان احنا في موسم المطر ، بينما ماليزيا معندهاش نفس المشكلة علشان الدولة صرفت مليارات على البينية التحتية والصرف فيها ممتاز الا في بعض المناطق النائية ومش حتبقى في برنامجك ، بينما بانجوك وباتايا اهم مدن تايلاند غرقانين تماما

دي نصيحتي والاختيار ليك

طيب التكلفة؟؟؟؟ ....أهم حاجة