برجاء النصح والارشاد: اشتريت لاب توب من علي النت وجة غير ايلي طلبتة
الاخوة الافاضل / اعضاء المنتدي الكرام...
بقالي فترة بافكر اشتري لاب توب ...ومحتار بين الموديلات والماركات وايضا الشركات...الي ان استقريت علي موديل وبعد السؤال علية في شركة رشحها بعض الاخوة ولم أجدة قصدت شركة اخري لها سمعة قديمة ..ويُقال انها في المجال من 10 سنوات...
المهم...وجدت اللاب ايلي انا عايزة علي النت ...وطلبت الشركة وراجعت معاهم مواصفات اللاب توب...وأكدلي البائع ان ايلي مكتوب علي الموقع هو ايلي هايوصلني...
ولما سألتة هل يمكن فحص الجهاز قبل الاستلام رفض...واتهمني بعدم الثقة...وانهم في المجال من سنوات وان عمليات الشحن بالعشرات يوميا ولا يحدث اي اخطاء...
توكلت علي الله (حسبي الله ونعم الوكيل)...وأكدت علي الموديل وشحنة....ورحت دفعت الفلوس قبل حتي ما اشوف الكرتونة...
المهم وصلت البيت بالكرتونة...وفتحت الجهاز...والحمد لله كل شيء شكلة عادي وزي مانا طالب...البروسيسور الرامات...جيت عن كارت الشاشة....واووووووبة...مش هو دة..
الكارت الموجود أقدم من المعروض...وذاكرتة النصف ..(يعني من كارت جديد 2 جيجا ...لكارت اقدم..و 1 جيجا فقط)...مع العلم ان كارت الفيجا هو ما جذبني لهذا الجهاز بالتحديد....
كلمت الشركة ووضحت المشكلة ...طبعا اعتذروا وقالوا ان دي غلطة علي الموقع وان الموصفات المعلن عنها سعرها أغلي بكتير......
طبعا كلام فارغ لاني لو اعرف ان الجهاز دة وبسعرة العالي دة كارتة 1 جيجا مش هاشترية وهاشوف غيرة...!!!
طيب حضرتك جرب الجهاز ...وان شاء الله يعجبك....دة الرد ايلي استلمتة من الشركة..
المهم قلت اسأل في شركة تانية لاقيت ان في اجهزة بنفس المواصفات ايلي معروضة وبنفس السعر ايلي انا دافعة!!!!.....يعني اية الكلام دة...!!
قلت اكلم صديق وأسألة....قالي لا طبعا ....لازم تكلمهم وتطلب جهازك او ترجع الجهاز وتاخد فلوسك....ياما تعملهم بلاغ في جهاز حماية المستهلك...
المشكلة انهم وعدوني انهم يبعتوا الفاتورة والضمان مع الجهاز ودة محصلش....!!!
اية رأيكوا يا جماعة.....أعمل اية....
منتظر آرائكم ....