1+
تمام الكلام زي الفل
بس لو عاوز جري وشد بلاش الكريستالة يبقى تخليك في السيفيك
عرض للطباعة
من راى
السيفيك : اتوماتيك, 93 , 1600 , موتور قوى , جرايه قوى , يابانى
بس واطية شويه , اعادة البيع صعبة شويه , قطع غيارها ( بيقولوا اغلى شويه من الكريستاله )
الكريستاله : 97, مانيوال , 1300 , موتور قوى , سحبها كويس , يابانى
اعادة البيع جميلة , اعلى شوية من السيفك , قطع الغيار سعرها مناسب
انا محتار زيك بالظبط
بس الموضوع فى ايدك
السيفك من 40-45
والكريستالة من 45 - 50
وانا ناوى على الكريستالة ان شاء الله
سيفيا اقوى من الكرستاله لكن معرفش بخصوص السيفيك
ممكن تسال كل قسم عن العربيه
داخل الرابطه بتاعت كل عربيه
اقوى فى الماتوراقتباس:
اقوى فى اية ؟
انا سوقت الاتنين وطبعا الكرستاله عربيه جميله جدا
بس انا كان عندى فكره ان الكرستاله افضل بس ده اتغير بعد التجربه بتعتها
ممكن كعفشه وتعليق افضل من السيفيا
يا جماعه بجد انا كل شويه بحتار اكتر واكتر
انا بجد بقيت مش عارف اختار او احدد
طيب بالنسبة لشغل الميكانيكى فيها
هل فعلا السيفيك ليها ميكانيكيه مخصوصين وكمان قطع غيارها مش موجوده
لان بصراحه ترتيب العربيات بالنسبالى
اولا السيفيك
ثانيا الكرستاله
ثالثا السيفيا
وبجد يا جماعه متشكر جدا جدا على مجهودكو
خلي الترتيب
سيفيك
سيفيا
كريستالة
السيفيك لها ميكانيكية معروفين لو دخلت قسم هوندا هاتعرف اماكنهم بالتحديد .
الميزة فيهم انهم فاهمين العربية كويس جدا .
بخصوص قطع الغيار موجودة كتير استيراد . وجديد ليها برضة محلات معروفة فيها قطع الغيار . يعني اطمن
اسعار قطع غيارها كويسة جدا وتكاد تكون رخيصة . معمرة جدا جدا ماشاء الله .
الي بيميز السيفيا والكريستالة .
انتشار قطع الغيار .. هاتلاقيهم في حتت كتير
التكيف .. الاتنين افضل من السيفيك
الارتفاع عن الارض
صالون افضل مع الركاب
سهولة البيع ( طبعا كل واحد ورزقة ممكن تبقي معاة ومش عارف يبيعها )
السيفيك بتتميز عنهم ب
الصاج افضل منهم بمراحل وصاجها محترم جدا
الثبات علي الطريق في السرعات
قوة الموتور
عمر الموتور
قطع غيار معمرة جدا
(عربية مش هاتخذلك)
ندرة الاعطال
موفق ان شاء الله
بجد تسلم ايدك
طيب دلوقتى انا ان شاء الله خلال اسبوعين هايكون المبلغ معايا اكتمل او اقصاها على اخر الشهر باذن الله
وللاسف معرفش حد ممكن يجيب معايا العربيه او يكون بيعرف فى الموضوع بتاع البيع والشراء ده
والاعلانات اللى بشوفها على كونتاكت او فابريكا كتير بيقولولى انك تنزل منها على الاقل الفين وتلاته
فا ممكن حد يدلنى على الطريق الصح علشان اشترى عربيه وفى نفس الوقت ميضحكش عليا
انا فعلا استقريت ان شاء الله على السيفيك اولا
ثم الكريستاله ثم السيفيا بشرط الحالة الكويسه للتلاته (علما بان المبلغ معايا 45 اان شاء الله )
العفو.
اولا ربنا يوفقك ان شاء الله
ماتعرفش اي سمكري كويس ؟ ميكانيكي كويس ؟
دول الاول حد منهم يكون معاك . وبعد ما يقولوك انها تمام . تطلع بيها علي توكيل تكشف عليها . مادمت لسة اول مرة بتشتري .
حط عينيك في وسط راسك . وهاتدفع لك 500 جنية مثلا كشف عليها بس هاتكون مطمن يعني بتشتري ال 45 الف ب 500 جنية
وانت كمان تشوف العربية من جوة ومن برة تكون مش متبهدلة . التكيف اية اخبارة . صوت الموتور . مشي العربية . شكل ضفيرة الكهربا بتاعتها . فيها برومة في اي حتة .
كل حاجة شغالة فيها .دة بالنسبالك . كدة يعني
لو ماتعرفش حد خالص شوف اي حد من اصحابك او قريباك وبيتعامل مع ميكانيكي او سمكري .
وكمان مهم اوي حالة العربية . اوعا تجيب حاجة منهم حالتها تعبانة . العربية النضيفة بيبان عليها . والعربية المتبهدلة بيكون فيها بلاوي .
بخصوص السيفيك تركب ال si اوتوماتيك وفتحة سقف وموتور 1600
ان شاء الله بالمبلغ دة هاتلاقي عربيات حلوة .
اما تجيبها منين دور في كل مكان . الانترنت والمنتدي هنا والسوق (اوقات بيكون فية عربيات حلوة ) والاصحاب والقرايب
يعني ماتسيبش .
موفق
المبلغ الى معاك يجبلك1500 سيفيك ex مستريح وممكن si 1600 حالتها كويسة
والأخ الى بيقول إعادة البيع بتاعة السيفيك صعبة
خش قسم الهوندا وشوف فية كام شخص بيدور على الموديل دا .