| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 2 1 2 الأخيرةالأخيرة
النتائج 1 إلى 10 من 14

  1. #1

    الصورة الرمزية Ahmod

    رقم العضوية : 85958

    تاريخ التسجيل : 16Jan2011

    المشاركات : 3,132

    النوع : ذكر

    الاقامة : Egypt - Faisl

    السيارة: Verna , 1.5 , M/T

    السيارة[2]: Toyota Yaris , 1.3 , A/T

    دراجة بخارية: لا يوجد

    الحالة : Ahmod غير متواجد حالياً

    افتراضي مخالفة كافة شروط الترخيص ! مخالفة غريبة ! ! - Facebook Twitter whatsapp انشر الموضوع فى :

    hasad">

    السلام عليكم ورحمة الله وبركاته

    زي ماحضراتكم عارفين اني مع الاسف اتمسكت في كمين من حوالي عشرين يوم تقريبا واتعلقت وده بسبب الملزقات والاستيكرات اللى عاملها على العربية

    الكمين رفض اني اشيل الفاميه والملزقات والظابط سعتها قالي انت عربيتك كلها مخالفة

    سحب الرخص وكتبلي في الايصال 3 بنود

    "تغيير لون - زجاج ملون حاجب للرؤية - ملصقات "

    وانا والله مع الاسف وبسبب ظروف الامتحانات في الجامعة ماكنش عندي وقت اروح المرور

    امتحانات عملي بعدها نظري وشفوي فمافيش وقت نهائيا

    يوم السبت اللى فات كان اجازة قلت اروح اخلص موضوع الرخصة واعمل الفحص واشيل الحجات وامري لله

    رحت مرور فيصل وانا بركن العربية عند المرور السايس بيقولي تمن الجراش قلتله لاء انا كدة كدة نص ساعة وهرجع اخد العربية عشان هدخلها فحص فانت عايز جراش لايه بالظبط وبعدين انا راكن في الشارع

    راح قالي انت هتجدد الرخص قلتله لاء الرخص مسحوبة عشان الفاميه والملصقات وهروح ادفع المخالفات واجي ادخل العربية فحص

    قالي طب ماتخليك انت في العربية وانا اخلصلك الموضوع ده كله بدل ماتتبهدل وتتعب نفسك وتقف في طوابير

    قلتله هتاخد كام ؟ قالي 100 جنيه قلتله ليه ياعم مانا اعملها انا احسن

    قالي هوفر عليك الطوابير والوقفة والزحمة وهنجزك في الوقت والعربية هيبقى متوصي عليها طبعا كلام مالوش اي لزمة فالاخر وطبعا لاني عارف طوابير المخالفات وبالذات مرور فيصل ممكن تفضل واقف طوابير خمس ساعات

    قلتله خلاص ماشي صورتله ايصال السحب وقالي هروح اشوف المخلفات كام وارجعلك

    قلتله انا وريت الايصال لواحد معرفة في المرور وقالي المخلفات دي التلت بنود دول مخالفاتهم بالظبط 56 جنيه قالي انا هتاكد واجيلك

    قلتله ماشي

    المهم راح وبعد فترة رجع بيقولي انت اتخانقت مع الظابط ؟

    قلتله ظابط مين ؟ قالي اللى سحب منك الرخص

    شديت معاه يعني

    قلتله لا شديت ولا حاجة هو سحب الرخص وانا قلتله اشيلك المخلفات كلها دلوقتي وتديني الرخص قالي لاء فاخد الرخص وانا مشيت

    قالي اصله كاتب فيك تقرير في المرور قلتله نعم ؟ ؟ تقرير ايه

    قالي ده تقرير مش بيبقى موجود في الايصال وبيتكتب وعامل فيك تقرير هيخليك تدفع كتير وهيقرفك في الفحص

    قلتله كاتب ايه

    قالي كاتب انك مغيير كافة ملامح وهئية المركبة - مخالفة كافة شروط الترخيص - مخالفة فاميه واستيكرات وملصقات

    قالي لو رحت بنفسك الشباك بتاع المخلفات وطلبت التقرير ده هيدهولك

    قالي والحجات دي مخالفتها هتبقى 350 جنيه

    قلتله ازاي يعني المفروض اني اتحاسب على المخلفات اللى مكتوبة في الايصال وبس ماليش دعوة بالتقرير ده

    قالي لاء هو كاتب كدة وانت لو رحت هتتاكد بنفسك

    قلتله ماشي متشكر ليك ورحت قلت اروح انا اشوف قصة المخلفات دي ايه

    رحت لقيت طوابير وزحمة جدا لاني كنت رايح متاخر على الساعة 11

    فقلت أأجلها يوم تاني

    فانا عايز اسال حضراتكم صحيح الكلام ده ؟ هل ممكن اتخالف بمخالفة مش مكتوبة في الايصال والظابط بيكتب فيك تقرير زي ماهو عايز والكلام ده

    وايه قصة مخالفة كافة شروط التراخيص دي ؟

    انا اللى مكتوب عندي في الايصال "تغيير لون - فاميه - ملصقات " هل فعلا ممكن تكون مخالفتها 56 جنيه بس ؟ زي ماواحد اعرفه قالي ؟ ؟

    ولو فعلا الكلام ده صحيح مش ممكن اعترض واعمل تظلم انه بيخالفني مخالفة انا ماعرفهاش ومش مكتوبة في الايصال ؟

    والف شكر ليكم

    ..


  2. #2

    الصورة الرمزية yoko

    رقم العضوية : 33656

    تاريخ التسجيل : 22Feb2009

    المشاركات : 20,472

    النوع : ذكر

    الاقامة : مصر الجديدة

    السيارة: Fiat 128

    السيارة[2]: Fiat Linea

    دراجة بخارية: no

    الحالة : yoko غير متواجد حالياً

    افتراضي -

    حاسس إنها إشتغاله لكن معرفش بس ممكن تروح النيابه تقوله أنا ملزم بالوصل

    [img3]http://img21.imageshack.us/img21/3957/28138510150332809507433.jpg[/img3]


  3. #3

    الصورة الرمزية Amr Axel

    رقم العضوية : 41844

    تاريخ التسجيل : 04Jun2009

    المشاركات : 8,706

    النوع : ذكر

    الاقامة : في بيتنا

    السيارة: هوندا سيفيك / بي ام دبليو 316i

    السيارة[2]: سوزوكي التو / رينو لوجان

    دراجة بخارية: جاية في الطريق

    الحالة : Amr Axel غير متواجد حالياً

    افتراضي -

    انا قولتلك الموضوع هيدخله في حدود 300-500 جنيه
    روح و اتأكد و سيبك من الحوار الوقفة و مش الوقفة ما كل الناس يا عم بتقف و كلنا بنقف و نخلص حاجاتنا بنفسنا و خلاص
    بلاش كسل و انزل بدري اعصر ع نفسك لمونه و اصحي بدري هههههههههه
    و ان شاء الله ميبقاش فيه حاجة و لو لقيت الكلام ده ممكن تدخل ع نيابة المرور و تقولهم اللي حصل و يحاولوا يظبطوا الدنيا
    بس لو جينا للحقيقة انت فعلا مغير في هيئة العربية بشكل مبالغ فيه شوية :)


  4. #4

    الصورة الرمزية Ahmod

    رقم العضوية : 85958

    تاريخ التسجيل : 16Jan2011

    المشاركات : 3,132

    النوع : ذكر

    الاقامة : Egypt - Faisl

    السيارة: Verna , 1.5 , M/T

    السيارة[2]: Toyota Yaris , 1.3 , A/T

    دراجة بخارية: لا يوجد

    الحالة : Ahmod غير متواجد حالياً

    افتراضي -

    اقتباس المشاركة الأصلية كتبت بواسطة yoko مشاهدة المشاركة
    حاسس إنها إشتغاله لكن معرفش بس ممكن تروح النيابه تقوله أنا ملزم بالوصل
    والله انا حاسس بكدة يا احمد بس مافيش وقت خالص بسبب الامتحانات وانا فعلا لو طلع التقرير ده صحيح هعمل تظلم واقول اني ملتزم بالوصل

    اقتباس المشاركة الأصلية كتبت بواسطة Axel مشاهدة المشاركة
    انا قولتلك الموضوع هيدخله في حدود 300-500 جنيه
    روح و اتأكد و سيبك من الحوار الوقفة و مش الوقفة ما كل الناس يا عم بتقف و كلنا بنقف و نخلص حاجاتنا بنفسنا و خلاص
    بلاش كسل و انزل بدري اعصر ع نفسك لمونه و اصحي بدري هههههههههه
    و ان شاء الله ميبقاش فيه حاجة و لو لقيت الكلام ده ممكن تدخل ع نيابة المرور و تقولهم اللي حصل و يحاولوا يظبطوا الدنيا
    بس لو جينا للحقيقة انت فعلا مغير في هيئة العربية بشكل مبالغ فيه شوية :)
    والله يا باشا ماقصدي مانا بقف زي ماكل الناس بتقف

    الفكرة كلها اني من حوالي سنة ونص كانت الرخص اتسحبت عشان اتاخرت في تجديدها ورحت مرور فيصل ادفع المخالفة قالي لاء ادفع في بين الساريات رحت مرور بين الساريات وصلت هناك على 8.30

    وقفت في طابور بتاع ساعة كدة وفي الاخر وصلت لشباك كل اللى عمله انه قالي مخالفتك 50 جنيه روح ادفعها في الخزنة

    رحت في الخزنة وقفت في طابور بتاع ساعة تانية برضوا عشان ادفع

    بعد مادفعت شاورلي على شباك كدة وقالي روح هناك عشان يمضيلك على الوصل

    رحت وقفت في طابور تاني انيل بتاع ساعة ونص لحد مالوصل اتمضى قلت خلاص هانت

    قالي لاء اقف في الشباك اللى جمبي عشان نقشرلك على الوصل وقفت في طابور نص ساعة

    بعدها وبعد عدة طوابير وصلت لفوق ال 4 ساعات اخر طابور خد مني الوصل عشان يتختم

    وعمال بعد مالوصولات اتختمت كلها بينادي لحد اخر ايصال قلت اكيد انا ورحت لقيته نادى على اسم تاني

    قلتله وانا فين قالي بكل برود انا ماخدش منك حاجة قلتله نعم ! ! قالي مش عارف يظهر ضاع ! ! طبعا بعد ماقال الكلمة دي انا اتفتح فيه وفتحت صوتي وقعدت ازعق جيه واحد مسؤل قالي بتزعق ليه قلتله بقالي خمس ساعات طوابير وفي الاخر تقولي الوصل ضاع

    راح عملي بدل فاقد

    وياريت الحكاية خلصت على كدة نزلت استلم الرخص من شباك الرخص قالي لاء رخصك تستلمها من مرورك روح مرور فيصل استلمها

    طلعت على مرور فيصل كانت الساعة بقت 2 الضهر علما وصلت هناك

    جيت استلم قالي انت اتاخرت تعالى بكرة عشان الشباك قفل

    فانا ماكنش عندي استعداد اني اقف في الطوابير والقصة دي تاني ولما لقيت حد يخلصها قلت مصلحة واهو ارحم من البهدلة

    وانا كدة ولا كدة ان شاء الله هروح بنفسي اتاكد واشوف الدنيا فيها ايه وربنا يستر

    وبالنسبة لتغيير هيئة العربية صدقني انا يعتبر مش عامل حاجة بالنسبة للناس اللى بتلعب في عربياتهم انزل بس شارع المرغني واتفرج

    ..


  5. #5

    الصورة الرمزية eldell

    رقم العضوية : 45064

    تاريخ التسجيل : 18Aug2009

    المشاركات : 5,052

    النوع : ذكر

    الاقامة : القاهره

    السيارة: BMW isa

    السيارة[2]: Lancer boma 2010

    دراجة بخارية: مش بحبهم

    الحالة : eldell غير متواجد حالياً

    افتراضي -

    ازاى 3 بنود دول 56 جنيه ده انا اتسحبت الرخصه فاميه بس وروحت دفعت المخالفه كانت 110 تقريبا ياريت حضرتك فعلا تروح وتتاكد بنفسك وربنا معاك علشان بجد حاجه خنيقه جداااااااا

    [rmade]http://nileup.com/up/uploads/nilemotors_13672356391.jpg[/rmade]
    Eldell only 1


  6. #6

    الصورة الرمزية eng.m7md.ali

    رقم العضوية : 55300

    تاريخ التسجيل : 09Dec2009

    المشاركات : 8,794

    النوع : ذكر

    الاقامة : مدينة العبور

    السيارة: PROTON GEN2

    السيارة[2]: ...

    دراجة بخارية: no bike

    الحالة : eng.m7md.ali غير متواجد حالياً

    افتراضي -

    كلام فارغ
    اعمل حاجتك بنفسك والا هيطلع عليك مصلحة حلوة

    eng f3lix سابقا


  7. #7

    SYD

    الصورة الرمزية SYD

    رقم العضوية : 94704

    تاريخ التسجيل : 14Apr2011

    المشاركات : 12,403

    النوع : ذكر

    الاقامة : Haram - Giza

    السيارة: OPEL VECTRA 2.0

    السيارة[2]: Seat IBIZA 1999

    دراجة بخارية: NO

    الحالة : SYD غير متواجد حالياً

    افتراضي -

    احساسي بيقولي انه بيشتغلك
    في حاجة اسمها كاتب فيك تقرير ؟؟؟ هو انت موظف زميله هيكتب فيك تقرير ؟؟؟؟

    اساسا تلاقي المخالفات 150 ولا 200 وهو عايز يشتغلك كمان في المخالفات

    انا كان عندي مخالفة ب75 جنيه (دوران في الممنوع) اخويا بعت واحد لقيتها بقدرة قادر 150 وخد هو 50 يعني دفعت 200 جنيه علي مخالفة ب75 جنيه

    روح بنفسك وانشاء الله هتلاقي كل مخالفة ب50 ولا ب55 جنيه يعني اجمالي 150 او 175 بالكتير

    والله المستعان
    ،
    ،

    Eng. Mohamed Sayed | MS Networking Trainer
    IBIZA MK2 (Typ 6K) APQ 1.4 MPI R4 44KW - 60hp

    <a href=http://www.nilemotors.net/Nile/signaturepics/sigpic94704_5.gif target=_blank>http://www.nilemotors.net/Nile/signa...pic94704_5.gif</a>

    صفحة القسم علي الفيس بوك


  8. #8

    الصورة الرمزية Ahmod

    رقم العضوية : 85958

    تاريخ التسجيل : 16Jan2011

    المشاركات : 3,132

    النوع : ذكر

    الاقامة : Egypt - Faisl

    السيارة: Verna , 1.5 , M/T

    السيارة[2]: Toyota Yaris , 1.3 , A/T

    دراجة بخارية: لا يوجد

    الحالة : Ahmod غير متواجد حالياً

    افتراضي -

    اقتباس المشاركة الأصلية كتبت بواسطة eldell مشاهدة المشاركة
    ازاى 3 بنود دول 56 جنيه ده انا اتسحبت الرخصه فاميه بس وروحت دفعت المخالفه كانت 110 تقريبا ياريت حضرتك فعلا تروح وتتاكد بنفسك وربنا معاك علشان بجد حاجه خنيقه جداااااااا
    هو انا استغربت فعلا ازاي 56 جنيه !

    بس معروف ان مخالفة الفاميه 30 جنيه انت ازاي دفعت 110 ؟ ؟

    اقتباس المشاركة الأصلية كتبت بواسطة eng f3lix مشاهدة المشاركة
    كلام فارغ
    اعمل حاجتك بنفسك والا هيطلع عليك مصلحة حلوة


    اقتباس المشاركة الأصلية كتبت بواسطة SYD مشاهدة المشاركة
    احساسي بيقولي انه بيشتغلك
    في حاجة اسمها كاتب فيك تقرير ؟؟؟ هو انت موظف زميله هيكتب فيك تقرير ؟؟؟؟

    اساسا تلاقي المخالفات 150 ولا 200 وهو عايز يشتغلك كمان في المخالفات

    انا كان عندي مخالفة ب75 جنيه (دوران في الممنوع) اخويا بعت واحد لقيتها بقدرة قادر 150 وخد هو 50 يعني دفعت 200 جنيه علي مخالفة ب75 جنيه

    روح بنفسك وإن شاء الله هتلاقي كل مخالفة ب50 ولا ب55 جنيه يعني اجمالي 150 او 175 بالكتير

    والله المستعان
    ،
    ،
    والله المشكلة كلها في الامتحانات والزنقة ربنا يسهل هروح يوم الخميس ان شاء الله وهقولكم عملت ايه

    بس االلى فمهمته من كلامك ان مافيش حاجة اسمها تقرير

    ..


  9. #9

    الصورة الرمزية nice_bird

    رقم العضوية : 19420

    تاريخ التسجيل : 18Sep2008

    المشاركات : 1,134

    النوع : ذكر

    الاقامة : SOHAG

    السيارة: Lancer 2006

    السيارة[2]: Sahin 1.4

    دراجة بخارية: CBR

    الحالة : nice_bird غير متواجد حالياً

    افتراضي -

    حصل معايا حوار شبه دا بس كانت زفة ايام العربية القديمة لقيت مكتوب فيا تقرير السير في موكب بدون تصريح وتركيب افراد علي جوانب السيارة وتعريض حياة الاخرين للخطر وتعطيل مرور وقصيدة كدا مش فاكرها ودفعت 625 ج فيها

    SOHAG CARZ
    [aldl]http://img140.imageshack.us/img140/6683/08122011105coopycopy.jpg[/aldl]


  10. #10

    الصورة الرمزية eng.m7md.ali

    رقم العضوية : 55300

    تاريخ التسجيل : 09Dec2009

    المشاركات : 8,794

    النوع : ذكر

    الاقامة : مدينة العبور

    السيارة: PROTON GEN2

    السيارة[2]: ...

    دراجة بخارية: no bike

    الحالة : eng.m7md.ali غير متواجد حالياً

    افتراضي -

    hasad">

    الكلام ده حصل قدامي اخر مرة روحت المرور علشان اجدد
    واحد واقف معايا في الطابور بيقول ان فيه واحد من برة المرور كان عايز يخلصلو تجديد الرخصة
    الراجل قالو ماشي وهياخد 200 جنيه
    بس شوية وبعد ماجبله المخالفات طلع عليه 600 جنيه مخالفات
    رجع البيت وبعدها بكام يوم جيه تاني علشان يشوف المخالفات تاني لقى مش عليه اي مخالفة
    يعني لو كان سمع كلام النصاب كان زمانه متخيط في 800 جنيه ( 600 مخالفات + 200 حلاوة )

    علشان كدة اعمل حاجتك بنفسك احسن .. على فكرة انا خلصت تجديد الرخصة في 4 ايام منهم 3 ايام علشان اجيب المخالفات بس

    eng f3lix سابقا



 
صفحة 1 من 2 1 2 الأخيرةالأخيرة

المواضيع المتشابهه

  1. اول مخالفة
    بواسطة zamba في المنتدى ساحة المرور وموضوعات التأمين في مصر
    مشاركات: 0
    آخر مشاركة: 25-09-2008, 03:14 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2