الزيت في الموتور فوق ال max ... الجيش بيقولك أتصرف :)

**Eng.Geo** · 27-12-2011 07:01 PM

بالمختصر المفيد .... ده ال status بتاعتي علي ال face النهاردة

طب انا هوضح أيه اللي حصل لحسان الناس تفهم غلط
الصور مش موضحة قوي :)
غيرت زيت موتور أمبارح واللي غيرلي الزيت حط زيادة عن ال max
كان لازم أشيل الزيادة .... الحل أني أنزل تحت الموتور أفتح الطبة ( مسمار سادد مكان الزيت عشان ماينزلش )
بس ممكن وانا بفتح يقوم الزيت كله نازل ... ساعتها ممكن أقع علي الأرض :)
ماقداميش غير أني أسحبه من فوق
أزاي يا واد يا جورج ... يا واد يا جورج أزاي :))))))
جت في دماغي أحط خرطوم بتاع الهوا بتاع سمك الزينة في المكان بتاع مقياس الزيت وأسحب الزيت وأحطه في أزازة برة
واحد صحبي أقترح عليا نجيب خراطيم المحاليل من الصيدلية
رحنا أقرب صيدلية ملقيناش .... شرحنا للراجل لأنه كان مستغرب
وكان أقتراحه .................................................. .................. حقنة شرجية
ههههههههههههههههههههههههه ههههههههههههههههههههههههه هههه
قلت مابدهاش بقي
حطيت البتاعة في لمكان بتاع مقياس الزيت وأسحب يا معلم
وطبعا صحبي كان قايم بدور الشفاط
بس طبعا بتاع 50 واحد عدي علينا ومسكنا تريقة ... باركينج الكلية
وأتصورنا صور :)
وفيديو .... يا خوفي من الفيديو :)
انا أتفضحت يا سعاد .... غطيني وصوتي

تفصيل بسيطة بقي ماكنتش قلتها :)
انا كنت عايز أقلد الحركة بتاعة نقل البنزين من التانك في جركن .... بس الزيت كان تقيل ومارضيش يتنقل
فأستخدمنا الخرطوم نفسه في نقل الزيت
نفس فكرة السحاحة في معامل الكيميا
ساعة بننقل في ربع لتر

**windofchange** · 27-12-2011 07:07 PM

ايه ده ايههههههههههه ده ياجو ,حصلت معاي برضه بس عندي بتاخد 3,5 بالفلتر بس يمكن دي حاجة فالزيت او العربية لأنها بعد ماخدتهم عند بتاع الزيت مبينة ان الزيت ناقص زودت انا فالبيت وبقي دلوقتي فوق الماكس,,ممكن تقوللي جبت ايه غير الحقنة الشرجية !!!!! من الصيدلية ) انا كنت هروح موبيل او اي بنزينة بتشفط الزيت بالمكنة واخليه يشفط لي الزيادة عملتها قبل كده في موبيل صلاح سالم بس موضوع جميل منك يا جو

**Eng.Geo** · 27-12-2011 07:11 PM

المشاركة الأصلية كتبت بواسطة windsofchange

ايه ده ايههههههههههه ده ياجو ,حصلت معاي برضه بس عندي بتاخد 3,5 بالفلتر بس يمكن دي حاجة فالزيت او العربية لأنها بعد ماخدتهم عند بتاع الزيت مبينة ان الزيت ناقص زودت انا فالبيت وبقي دلوقتي فوق الماكس,,ممكن تقوللي جبت ايه غير الحقنة الشرجية !!!!! من الصيدلية ) انا كنت هروح موبيل او اي بنزينة بتشفط الزيت بالمكنة واخليه يشفط لي الزيادة عملتها قبل كده في موبيل صلاح سالم بس موضوع جميل منك يا جو

جبت سرنجة :)
موضوع الشفط ده مجربتوض قبل كدة
غير اني كنت مغير في وطنية وقالي عندنا الجهاز بس مش هينفع لعربيتك !

**ahmed_mido1889** · 28-12-2011 01:08 AM

حصلت معايا

العربيه كان الواد حط فيها ربع كيلو زياده

طبعا في الجراج رفعتها وقمت فاكك الطبه بتاعت الكرتيره

وعينك ما تشوف الا النور

الزيت بينزل بسرعه وتقله خلاني مش عارف اقفل الطبه بس لحقت نفسي وقفلت

بعد ماا خلصت نزلت العربيه

لاقيت الزيت ظبط

يعني كان فضل سنه والزيت ينقص كتييير

**windofchange** · 28-12-2011 01:53 AM

ممكن تفسير اكتر معلش,,يعني سرنجة وحقنة شرجية ووصلتهم ازاي ياريت تفاصيل )

**Eng.Geo** · 28-12-2011 08:45 AM

المشاركة الأصلية كتبت بواسطة ahmed_mido1889

حصلت معايا

العربيه كان الواد حط فيها ربع كيلو زياده

طبعا في الجراج رفعتها وقمت فاكك الطبه بتاعت الكرتيره

وعينك ما تشوف الا النور

الزيت بينزل بسرعه وتقله خلاني مش عارف اقفل الطبه بس لحقت نفسي وقفلت

بعد ماا خلصت نزلت العربيه

لاقيت الزيت ظبط

يعني كان فضل سنه والزيت ينقص كتييير

انا كنت خايف من كدة فعلا
وخصوصا كمان الزيت ليكوي مولي ولسة حاطه فكان هيبقي حوسة لو نزل مني كله :)

**Eng.Geo** · 28-12-2011 08:52 AM

المشاركة الأصلية كتبت بواسطة windsofchange

ممكن تفسير اكتر معلش,,يعني سرنجة وحقنة شرجية ووصلتهم ازاي ياريت تفاصيل )

الحقنة الشرجية بتبقي خرطوم طويل في طرفه كيس والطرف التاني حتة بلاستيكة
انا مش عايز غير الخرطوم
شيلت البلاستيكة والكيس ووصلت السرنجة بطرف من الخرطوم
والطرف التاني في المكان بتاع مقياس الزيت
انا للأسف ملقيتش سرنجة غير 5 سم
فمانفعتش قوي .... يدوب كانت بتسحب الزيت في نص الخرطوم ومكانش بيوصل السرنجة
شيلت السرنجة وشفطت ببقي ولما الزيت يوصل لمسافة معينة في الخرطوم كنت بسد الطرف اللي في بقي بلساني
وأشيل الخرطوم من المقياس وأحط الزيت اللي في الخرطوم في أزازة
عمت بتاع ربع لتر في 50 مرة شفط :) ومدة ساعة :)
لو في سرنجة كبيرة شوية كان ممكن تنجز كتيييييييييييير
ولو في البتاعة بتاعة نقل الدم كانت هتفرق أكتر وأكتر :)

**yoko** · 28-12-2011 09:02 AM

شفت الصور ومت على نفسي من الضحك

**mesaharaty** · 28-12-2011 03:02 PM

كان فيه أخ من إخواتنا فى المنتدى عامل طريقة لذيذة لسحب الزيت الزيادة تتلخص فى الآتى :
سلك دش طوله حوالى 40 - 50 سم ويتم تفريغه من السلوك الداخلية ليتبقى فقط العازل ثم يتم تركيب رأس بخاخة (زى بتاعت جلانس كده) فى طرف الخرطوم العازل ده والطرف الآخر يتم إنزاله من فتحة تزويد الزيت ثم يتم تحريك رأس البخاخة فيتم سحب الزيت المراد سحبه حسب الكمية .

ده كده باختصار
والله الموفق

-

الموضوع: الزيت في الموتور فوق ال max ... الجيش بيقولك أتصرف :)

LinkBack

أدوات الموضوع

عرض

الزيت في الموتور فوق ال max ... الجيش بيقولك أتصرف :) - انشر الموضوع فى :

-

-

-

-

-

-

-

-

المواضيع المتشابهه

ياجماعه الموتور بياكل الزيت

هو الزيت و هو جديد يكتف الموتور

ارتفاع صوت الموتور بعد تغير الزيت

تسريب الزيت من الموتور

ترشيح الزيت فى الموتور

الكلمات الدلالية لهذا الموضوع

المفضلات

المفضلات

ضوابط المشاركة