الـ بيبروني ولحم الخنازير !!!

بسم الله الرحمن الرحيم

السلام عليكم ورحمة الله وبركاته


امبارح كنت باكل بيتزا من بابا جونز .. المهم اكلت نوع اسمة سوبر بابا .. وعليها بيبروني ..

المهم لما خلصت اكل وواحد صاحب اخد قطعة لما اكلها قالي لحم خنازير ومش عارف اية راح راماها.. وقالي عارف يعني اية البابا وكدا ( انا عارف بس مش ده الموضوع ) .. بدات افكر ليكون فعلا لحم خنزير ومن امبارح وانا عمال اعمل سيرش ف جوجل والنتايج بتحبطني ؟؟


وانا كنت بطلب دايما بيتزا البيبروني من بيتزا هت خايف لتكون هي كمان بتتعمل من لحم الخنازير وبطني مقلوبة xD


هل فعلا الحاجات دي من لحم خنازير ولا بقر !!

وهل لحم الخنزير محرم في مصر زي بعض الدول العربية ولا عادي بيتباع ؟؟

الي مكتوب عليها بيكين هي الي فيها لحم خنزير
لكن الببيروني لحم بقر

مبدئيا لحم الخنزير يباع في مصر عادي

لكن بالنسبة للبيتزا
انا كنت في بتزا هت قريب وكنت بطلب بيروني وسوبر سوبريم
وكنت اللي مهتم بيه قوي هو البسطرمة ولحم الخنزير (سالت عنه سؤال عابر) قالي مش بنستخدمهم تماما في اي بيتزا عندنا

عامة اطمئن

اقتباس:

---

المشاركة الأصلية كتبت بواسطة saadelden

الي مكتوب عليها بيكين هي الي فيها لحم خنزير
لكن الببيروني لحم بقر

---

ماخدتش بالي بتكتب فين دي ؟

اقتباس:

---

المشاركة الأصلية كتبت بواسطة أبو صلاح

مبدئيا لحم الخنزير يباع في مصر عادي

لكن بالنسبة للبيتزا
انا كنت في بتزا هت قريب وكنت بطلب بيروني وسوبر سوبريم
وكنت اللي مهتم بيه قوي هو البسطرمة ولحم الخنزير (سالت عنه سؤال عابر) قالي مش بنستخدمهم تماما في اي بيتزا عندنا

عامة اطمئن

---

طب الحمدلله بالنسبة لبيتزا هت .. ياريت لو حد عندة علم بموضوع بابا جونز ,,,

بص يا باشا

صديقي والده صاحب مكتب المحاسبة اللي ماسك بابا جونز

بيقولي فروع بابا جونز لحد دلوقتي محققتش مليم مكسب و بيخسروا كمان

بسبب انهم بيراعوا اقصى حدود المنضافة و الجودة مقابل انهم مرتبطين بسعر باقي المحلات يمكن ازيد حاجات بسيطة

لك ان تعلم ان مياة العجين بيستخدموا مياة نستلة

فا مظنش هيجي في اللحمة و يعملها

هم عندهم قايمه لوحدها للبيكين و بتبقى شبه مخصوص

اقتباس:

---

المشاركة الأصلية كتبت بواسطة cheetos_892005

بص يا باشا

صديقي والده صاحب مكتب المحاسبة اللي ماسك بابا جونز

بيقولي فروع بابا جونز لحد دلوقتي محققتش مليم مكسب و بيخسروا كمان

بسبب انهم بيراعوا اقصى حدود المنضافة و الجودة مقابل انهم مرتبطين بسعر باقي المحلات يمكن ازيد حاجات بسيطة

لك ان تعلم ان مياة العجين بيستخدموا مياة نستلة

فا مظنش هيجي في اللحمة و يعملها

---

طب ما تتكرم عليا وتسالة السؤال ده :)

اقتباس:

---

المشاركة الأصلية كتبت بواسطة saadelden

هم عندهم قايمه لوحدها للبيكين و بتبقى شبه مخصوص

---

اها .. بعيدة يعني عن الطلبات العادية :)

[QUOTE=Nistelrooy;3874012963]طب ما تتكرم عليا وتسالة السؤال ده :)

يا باشا دول بياكلوا من هنده اكتر ما بياكلوا فول

اطمن :S_thum1[1]:

المحلات دى (بيتزا هت, ماكدونلدز,...) فاتحة فى السعودية و لذلك أعتقد إن أكلهم فى الشرق الأوسط عموما بيبقى حلال 100%
على فكرة كلمة ham فى Hamburger معناها لحم خنزير, و رغم كدة فى مصر السندويتشات بتبقى لحم بقرى عادى
و كذلك ال hotdog فى أمريكا و أوروبا بيبقى خنزير, إنما عندنا بيبقى بقرى

شكرا يا جماعة :)

ايام ازمة انفلونزا الخنازير سمعت على برنامج غالبا العاشرة مساء محافظ القاهرة في مداخلة تليفونية بيقول ان كل اللحوم المصنعة بيدخلها لحم الخنازير وسجلت الحلقة وقتها ونزلتها في المنتدى في مشاركة في موضوع
بس للاسف مش فاكرة الموضوع ومش لاقية التسجيل عندي
ومن ساعتها وانا منعت اي لحوم مصنعة

على فكرة مصر بتستورد لحوم خنازير بكميات مهوله معرفش بتروح فين وانا مستحيل اكل لحوم فى اى مطعم حتى لو ماك ولا هارديز فراخ فقط--باكل فرااااااااااااااااااااااا خ --فرااااااااااااااااااااااا ااخ اضمن

هدوا اللعب يا جماعة

لحم الخنزير برة غالي جدا و اغلى من لحم البقر

ازمة انفلونزا الخنازير كانت ظرف استثنائي



bacon, pepperoni, salami الخ الخ الخ كل ده بيتعمل في مصر من اللحم البقري

الا لو مكتوب بشكل صريح انه خنزير

اقتباس:

---

المشاركة الأصلية كتبت بواسطة أحمد كمال

هدوا اللعب يا جماعة

لحم الخنزير برة غالي جدا و اغلى من لحم البقر

ازمة انفلونزا الخنازير كانت ظرف استثنائي



bacon, pepperoni, salami الخ الخ الخ كل ده بيتعمل في مصر من اللحم البقري

الا لو مكتوب بشكل صريح انه خنزير

---

كيلو لحم الخنزير استيراد من 14 الى 22 جنيه عاوز كام طن واقسم بالله فى مصانع بتستعمله فى اللحوم المصنعه فى مصر من غير ذكر اسماء عن نفسى مستحيل اكل لحوم مصنعه --دة حتى الفراخ بتتفرم الاحشاء مع الجلد مع بقايا تقطيعها وبيتعمل منها كل الى قلبك يحبه \

اقتباس:

---

المشاركة الأصلية كتبت بواسطة amado318

على فكرة مصر بتستورد لحوم خنازير بكميات مهوله معرفش بتروح فين وانا مستحيل اكل لحوم فى اى مطعم حتى لو ماك ولا هارديز فراخ فقط--باكل فرااااااااااااااااااااااا خ --فرااااااااااااااااااااااا ااخ اضمن

---

الله ينور عليك انا زيك تماما

اقتباس:

---

المشاركة الأصلية كتبت بواسطة amado318

كيلو لحم الخنزير استيراد من 14 الى 22 جنيه عاوز كام طن واقسم بالله فى مصانع بتستعمله فى اللحوم المصنعه فى مصر من غير ذكر اسماء عن نفسى مستحيل اكل لحوم مصنعه --دة حتى الفراخ بتتفرم الاحشاء مع الجلد مع بقايا تقطيعها وبيتعمل منها كل الى قلبك يحبه \

---

طيب انت كدة كهربتني
ممكن أسماء المصانع ومحلات الديليفري (مطاعم الوجبات السريعة) اللي ليها في السكة دي؟
ولو حتى على الخاص

وأنا متشكر جدا

ص و ع ...... ابعد عنه :)

اقتباس:

---

المشاركة الأصلية كتبت بواسطة أحمد كمال

ص و ع ...... ابعد عنه :)

---

أنا عمال أفكر اختصار إيه..اختصار إيه..
هجيبها برضه ههههه

صل.... و عب....

و ده اخرك معايا هههههههههههه

اقتباس:

---

المشاركة الأصلية كتبت بواسطة أحمد كمال

صل.... و عب....

---

انا مش فاهم انت تقصد ايه ؟
بس اعتقد صلاح عبد الفتاح بتاع اللانشون واللحوم المصنعة ؟

هو صلاح وعبد الفتاح

شكرا جدا يا جماعة :)

على فكرة للعلم لحوم الخنازير ودهنها بتخلى الاكل طرى وطعمه حلو وممكن تدمنه وبتستوى بسرعه جداااا علشان كدة شغاله فى اللحوم المصنعه حلاوة والبرجر بلحم الخنزير انسى يا معلم -- طبعا زمان انا كنت باكل اى حاجه لحد اما اتعرفت اكبر مستورد لحوم فى مصر وعرفت القصص والشغل ماشى ازاى من يومها مبحطش اللحمه فى بقى من الشارع مع انى واثق انى اكلت لحم قطط وخنازير وحمير الحمد لله معندناش قرود كان زمان الواحد اكلها هيه كمان

سبحانك اللهم وبحمدك ، أشهد أن لا إله إلا أنت أستغفرك وأتوب إليك

اقتباس:

---

المشاركة الأصلية كتبت بواسطة cheetos_892005

بص يا باشا

صديقي والده صاحب مكتب المحاسبة اللي ماسك بابا جونز

بيقولي فروع بابا جونز لحد دلوقتي محققتش مليم مكسب و بيخسروا كمان

بسبب انهم بيراعوا اقصى حدود المنضافة و الجودة مقابل انهم مرتبطين بسعر باقي المحلات يمكن ازيد حاجات بسيطة

لك ان تعلم ان مياة العجين بيستخدموا مياة نستلة

فا مظنش هيجي في اللحمة و يعملها

---

اصدق قوي الكلام ده أنا بطلت آكل بيتزا في أي مكان اللى في بابا جونز عشان فعلا انضفهم
وبجد بيتزا هت جنبه زبالة طعم ونضافة

وبعدين فيه عجين مخصوص بيستورده اللي بيعملوا بيه ال xxl ومعندهمش منها دلوقتي عشان الاستيراد معرفش ماله

اقتباس:

---

المشاركة الأصلية كتبت بواسطة amado318

كيلو لحم الخنزير استيراد من 14 الى 22 جنيه عاوز كام طن واقسم بالله فى مصانع بتستعمله فى اللحوم المصنعه فى مصر من غير ذكر اسماء عن نفسى مستحيل اكل لحوم مصنعه --دة حتى الفراخ بتتفرم الاحشاء مع الجلد مع بقايا تقطيعها وبيتعمل منها كل الى قلبك يحبه \

---

وليه من غير ذكر اسماء
لو متأكد قول

اقتباس:

---

المشاركة الأصلية كتبت بواسطة honda4ever

أنا عمال أفكر اختصار إيه..اختصار إيه..
هجيبها برضه ههههه

---

بتاع اللانشون اللي مفضوح في كل حتة
صلاح وعبد الفتاح ودايم

شوف الى فعلا معندهمش لحم خنزير همه امريكانا بس عندهم لحم مستورد هندى يعنى منتجات امريكانا حلال حتى لو طعمها مش حلو انما اى اسم تانى مهما كان حجمه بيخلط اللحمه والمطاعم زى ماك وهارديز وبابا جون وديرى كوين كل المطاعم بتاعت الفاست فود دى بتاخد اللحمه من مورد لحوم وبتكون نصف تصنيع او تصنيع كامل وما فيش حد بيدقق دى لحمه ايه المهم انها تكون متسلمه تحت درجه حرارة -18---يعنى لو المورد بيخاف ربنا هتكون لحمه حلال مورد يهمه المكسب وخلاص يبقى لا تسأل انته بتاكل ايه انته وحظك بقه

على فكرة نظافه المحلات ليس لها اى علاقه بنوع اللحم المهم اللحم يكون صالح للاستخدام البشرى بغض النظر عن النوع وموضوع المحلات الى بتخسر دة كلام فاضى --دة مجال عملى ممكن يخسر سنه او اتنين بعد كدة بيحقق مكاسب وهميه لا تتخيلها ارقام فلكيه---وللعلم ماكدونالدز بيتبع نظام نظافه صارم غير هارديز ومؤمن الى ميعرفوش نضافه يعنى ايه ---دى نظافه مطبخ مش محلات --وكوك دور المطابخ بتاعته فى العبور فوق الممتازة بغض النظر عن المطاعم

انا مريح دماغى وباكل فراخ بس ومش دائما ده كل فين وفين الحمد الله

اقتباس:

---

المشاركة الأصلية كتبت بواسطة MoHaMed HaMeD

انا مريح دماغى وباكل فراخ بس ومش دائما ده كل فين وفين الحمد الله

---

+1

كنتاكي
هارديز
ماكدونالدز

بالترتيب كده الاقذر فالاقل قذارة

Fish is the best

اقتباس:

---

المشاركة الأصلية كتبت بواسطة Moe86

المحلات دى (بيتزا هت, ماكدونلدز,...) فاتحة فى السعودية و لذلك أعتقد إن أكلهم فى الشرق الأوسط عموما بيبقى حلال 100%
على فكرة كلمة ham فى Hamburger معناها لحم خنزير, و رغم كدة فى مصر السندويتشات بتبقى لحم بقرى عادى
و كذلك ال hotdog فى أمريكا و أوروبا بيبقى خنزير, إنما عندنا بيبقى بقرى

---

معلش انا اسف المعلومة دي خطا شائع
كلمة همبورجر نسبة لمدينة هامبورج في المانيا زي ما فرانكفورتر نسبة لمدينة فرانكفورت
اما موضوع هام انها خنزير فده خطا شائع في مصر ، كلمة هام مش نوع لحمة هام نوع تقطيع اللي هي تقطيعة اللانشون والروستبيف
ولو دورت في صور جوجل اكتب chicken ham حيطلعلك لانشون الفراخ
علشان كده في هام خنزير وهام بقري وهام فراخ وهكذا

اقتباس:

---

المشاركة الأصلية كتبت بواسطة abou_ruqi

معلش انا اسف المعلومة دي خطا شائع
كلمة همبورجر نسبة لمدينة هامبورج في المانيا زي ما فرانكفورتر نسبة لمدينة فرانكفورت
اما موضوع هام انها خنزير فده خطا شائع في مصر ، كلمة هام مش نوع لحمة هام نوع تقطيع اللي هي تقطيعة اللانشون والروستبيف
ولو دورت في صور جوجل اكتب chicken ham حيطلعلك لانشون الفراخ
علشان كده في هام خنزير وهام بقري وهام فراخ وهكذا

---

فعلا كلامك صح , أصل الكلمة من "هامبورج" فى ألمانيا
الفكرة إن لما رحت أمريكا شوفت فى محلات السندويتشات نوعين : هامبورجر (لحم خنزير) و بيف برجر (لحم بقرى) , و سألت شيخ قالى إشترى سندوتشات البيف برجر عادى و سمى بالله قبل ما تاكلها

اقتباس:

---

المشاركة الأصلية كتبت بواسطة mailo

كنتاكي
هارديز
ماكدونالدز

بالترتيب كده الاقذر فالاقل قذارة

---

ماكدونالدز انا مش بدافع عنه بس همه بيتبعوا نظام صارم فى النضافه بس دة حسب مدير الفرع لو مدير تمام بتلاقى الفرع تمام لو مدير مكبر دماغه الفرع بيكون مش ممتاز بس اهوة ينفع يتاكل منه انما هارديز اساسا الى شغالين فيه لابسين هدوم قذرة

مالها البيتزا بتاعت البيت :)

اقتباس:

---

المشاركة الأصلية كتبت بواسطة mostafaismail

مالها البيتزا بتاعت البيت :)

---

اهم من بيتزا البيت خبرة الى هيعملها

مين صلاح وعبدالفتاح دول ؟
وهو لانشون دايم ده قدين انا اول مرة اسمع عنه من اعلانات التليفزيون

ده موضوع مشهور يا سما واتكلمنا عليه هنا كتير
http://www.youtube.com/watch?v=1_VFOPSlecQ

انا فاكرة موضوع اللانشون بس معرفش مين الناس دى فعلا ولا ايه اللانشون بتاعهم