استفسار عن الوكس و الكمبوند و البوليش

**zeeka** · 27-12-2011 11:37 PM

بسم الله الرحمن الرحيم

انا كنت عايز اسئل عن الـ 3 حاجات دول و ظيفة كل واحد

هل الكمبوند بيستعملوه عشان الخدوش؟
و ايه الفرق بين البوليش و الوكس و استخدامتهم؟

انا عندي خدوش في الاكصدام و باين لون اسود و لون العربية فضي (فاتح) هل ده خدش سطحي و لا عميق (معلش استحملوني) و هل ده ينفع معاها اي حاجة غير الرش؟!

و انا شوفت اجهزة بترد الخبطات البسيطة (فيديو على اليوتيوب) هل دي موجود منها في مصر و لا لا؟

**zeeka** · 27-12-2011 11:40 PM

معلش استفسار كمان عن اسعار
الكمبوند و البوليش و الواكس و رش الاكصدامات
وهل رش الاكصدامات بيأثر في سعر العربية عند البيع

**Moe86** · 28-12-2011 12:04 AM

حسب معلوماتى, الكمبوند فكرته إنه يسيح الطبقة السطحية من دهان العربية علشان يدارى بيه الخرابيش فى منطقة محددة, طبعا إستخدامه بيبقى فى مكان الخرابيش بس و تجنب تستخدمة أكتر من مرة فى نفس المنطقة

البوليش (ورنيش) مادة بتخلى دهان العربية يلمع شوية كأنها لسة جديدة, و فى منه أنواع بتبقى بنفس لون العربية علشان يدى مفعول أفضل و يدارى الخرابيش بالمرة, و لكن للأسف مفعوله بيدوم لشهور معدودة

الواكس مادة شمعية بتعمل طبقة رقيقة جدا , فى محاولة لحماية دهان العربية من عوامل التعرية (الشمس و التراب)
ميزته إنه بيخلى الدهان يلمع (بس مش قوى زى البوليش) و ناعم (التراب مايلزقش فى العربية و يتشال أسهل)
عيبه إن إستخدامه محتاج وقت و مجهود و بيدوم لأسابيع بسيطة
الواكس هو الحاجة الوحيدة اللى جربتها شخصيا و العلبة كانت ب 22 جنيه (تكفى مرتين)

رش أى جزء فى العربية بينزل من تمنها, و لكن الإكصدام أقل جزء بينزل من تمن العربية لأنه عرضه إنه يتبهدل فى مصر عادى جدا, عموما الإكصدام الأمامى رشه بينزل الثمن أكتر من الخلفى

**hany63** · 03-01-2012 10:56 AM

الكمبوند خشن ولا ناعم؟

**legend_mohsen** · 09-03-2012 10:51 PM

تصحيح معلومة ......
البولش هو مادة تقوم بإزالة الطبقة الاولى من الدهان تماما وبالتالي تقوم بإضعاف الدهان ولايتم عملة إلا عندما يكون الدهان وصل لمرحلة مبهدلة تماما فيزيل الخربوش والطبقة كلها .
الواكس يقوم بعمل طبقة من الحماية على الدهان .
الكومبوند مادة شبه السنفرة تقوم بأزالة الألوان من على العرية يعني لو عربية حكت فيك ولونها طلع على عربيتك يطلعه .

**dr.hazem** · 09-03-2012 11:41 PM

باختصار شدييييييييييييييييييييييد

الكمباوند لازالة الخدوش (بيصنفر ويسيح حوالين الخدش) طبعا للحاجات السطحية فقط وينفع في حالة البوية السودا على اكصدامك الفضي..

البوليش ملمع وبيرجع للعربية لمعة الفبريكا

الواكس طبقة شمعية للحمايه مش اكتر...

الاسعار
الكمباوند من 27 للحاجات النضيفه
البوليش والواكس من 25

تحياتي

**haroun707** · 13-03-2012 04:47 AM

المشاركة الأصلية كتبت بواسطة SHADOWGHOST

والله الواحد اتلخبط كده يعني الواحد لو عاوز يظبط العربية يعمل ايه ، انا العربية عندي لونها مطفي خالص بسبب واحد ابن حلال غسلها بنزين، وبقت مجيرة كلها حتي بعد الغسيل ، المفروض اعمل ايه دلوقتي

بالنسبة لحلول الخرابيش السطحية والمتوسطة فى نوع بوليش بيكون بلون العربية نوعه ( سونيكس ) انتاج المانى وبيكون معاه قلم بردوا بلون العربيه وهو بيكون على شكل سائل وبيغطى الخدوش بنسبة 90 % اللى 100% بس بيستعمل بالموتور ( الة التلميع )

وانا جبتوا وجربتوا وادانى نتيجة هايله وقريب هعمل تقرير مفصل كامل عنه بالصور

وهو بيتباع فى كارفور بــ 85 جنية وكمان جيبت من هناك موتور تلميع بــ حوالى 65 جنيه يعنى ممكن تعمل ده بنفسك

SONAX Polish & wax color NanoPro :: Exterior, Paintwork and Chrome :: Products :: Car Care - SONAX - cleaning and polishing like a professional

وده الموقع الرسمى للمنتج

http://www.sonax.com/

**SHADOWGHOST** · 15-03-2012 01:42 AM

المشاركة الأصلية كتبت بواسطة haroun707

بالنسبة لحلول الخرابيش السطحية والمتوسطة فى نوع بوليش بيكون بلون العربية نوعه ( سونيكس ) انتاج المانى وبيكون معاه قلم بردوا بلون العربيه وهو بيكون على شكل سائل وبيغطى الخدوش بنسبة 90 % اللى 100% بس بيستعمل بالموتور ( الة التلميع )

وانا جبتوا وجربتوا وادانى نتيجة هايله وقريب هعمل تقرير مفصل كامل عنه بالصور

وهو بيتباع فى كارفور بــ 85 جنية وكمان جيبت من هناك موتور تلميع بــ حوالى 65 جنيه يعنى ممكن تعمل ده بنفسك

sonax polish & wax color nanopro :: Exterior, paintwork and chrome :: Products :: Car care - sonax - cleaning and polishing like a professional

وده الموقع الرسمى للمنتج

SONAX - cleaning and polishing like a professional

شكرا يا باشا علي ردك
طيب بعد الخدوش ما تتعمل المع العربية ازاي

**legend_mohsen** · 16-03-2012 11:17 AM

أنا عندي ال sonax ده بس بردو النتيجة النهائية غير الى توقعتوا.......وعندي الصاروخ بتاع التلميع أفضل نتيجة حصلت عليها كانت لما عملت ال سونكس و بعديها واكس ..يمكن يكون اسلوبي في عمل التلميع غلط لو حد هندوا خبره يقولنا ياريت