عااوز ارش عربيتي ياريت تفيدوني

**ahmed_ph** · 28-12-2011 12:06 AM

السلام عليكم يا جماعه انا النهارده كنت ماشي على الطريق وكان فيه عربية نقل قدامي نقطت حاجات غرقت عربيتي كلها المهم اللي نقط ده طلع حاجه زي مياة نار جابلي بوية العربية فالعربية دلوقتي بقت عبارة عن دواير محرووقة في كل حته في جسم العربية فايه الحل من اهل الخبرة هل ارشها ولا اسيبها كده ولا ايه الحل وهل لو رشتها عند التوكيل هيطلعوها كويسة ولا هيبوظوها ياريت تفيدوني وشكرا ليكم وحسبي الله ونعم الوكيل في اللي كان سايق النقل

**ahmed_ph** · 28-12-2011 12:10 AM

الحمد لله على كل حااال

**ahmed_ph** · 28-12-2011 12:54 AM

مفيش حد يعرف يا جماعه؟؟؟ العربية لسه جديده وحصل فيها كده حاجه تخنق الحمد لله الحمد لله

**HOSSAM99** · 28-12-2011 01:41 AM

و عليكم السلام و رحمة الله و بركاته
لو العربيه المقصوده فلوانس يبقي نشيل فكره الرش دي نهائي من حساباتنا مؤقتا
و يا ريت لو صوره لأماكن البقع و شكلها علشان المساعده و النصيحه تبقي صح
و قدر الله و ما شاء فعل

**ahmed_ph** · 28-12-2011 02:00 AM

اه فلوانس ... طب ليه اشيل موضوع الرش من دماغي امال ايه الحل انا مش هعرف اصورها دلوقت هي عبارة عن بقع في كل جسم العربيه مبتروحش بأي حاجه

**HOSSAM99** · 28-12-2011 02:19 AM

الرش يبقي أخر حل لأنه عمره ما هايكون زي الدهان الأصلي
في الرونق و النضافه و في حالة إعادة البيع السعر بينزل عن الفابريكه

لكن لو البقع دي جابت الصاج يعني وصلت للصاج و شالت طبقات الدهان يبقي لا مفر من الرش و ساعتها لازم يبقي صنايعي نمره واحد و يطلع الدهان زي الفابريكه

و أعتقد بلاش التوكيل لن مفيش توكيل في مصر بيشتغل سمكره و دهان و يطلع نتيجه ترقي إلي المقبول حتي (مجربتش eit)