هو الباور في الكريستاله ياجماعة تقيل شويه عن باقي العربيات ولا دي مشكله عندي انا بس ؟
عرض للطباعة
هو الباور في الكريستاله ياجماعة تقيل شويه عن باقي العربيات ولا دي مشكله عندي انا بس ؟
حضرتك ممكن تغير زيت الباور واكيد هيخف معاك ان شاء الله :)
لا الباور بتاع الكريستالة الطبيعي بتاعو انو ناعم جدا لكن لما الاسكاترا بتقدم بيتقل شوية بس بتتفك الاسكاتر وتتنضف وتتوضب وبيتغير الزيت وبترجع خفيفة تاني وهيا تمنها استيراد 800ج وجديد كوري ب 1300 ج
خفيف او تقيل ده حسب العربية التانية الى انت بتقارنها بيها
ممكن تقارنها مع البيجو و ممن تقارنها مع النيو اكسنت
و خلى بالك ان الكريستالة باورها زيت مش كهرباء
و البطة الى هى موديل قبلها باور كهرباء و البطه خفيفة جداااااا
و لو لقيت حل لتقل باور الكريستالة قولى علشان انا عندى نفس المكشلة برضه
السلام عليكم انا اول مرة اعرف ان البطة باور كهرباء انا عندي بطة باور زيت وارنبة باور زيت
شكرا ياجماعه علي الرد
بص ياباشا هي فعلا الباور بتاعها تقيل شويه عن عربيات تانيه على فكره هي كانت معايا من الزيرو موديل 1999 ده غير طبعا عوامل الزمن برده والاستهلاك اعتقد ده طبيعي لو الزيت مظبوط ةالعفشه سليمه يبقى ده عادي
بص ياباشا اانا بصراحه مكنتش بغيره كنت ببص عليه فقط كل فتره وكنت بزوده لو كان ناقص وده نادر مغيرتوش غير مره واحد لما كنت بعمل شغل في الاسكترا واتفكت وطبعا الزيت كله نزل فغيرته ومفرقتش حاجه
وعاوز اقولك حاججه الاسكترا لما بتتفك مبترجعش زي ماكانت والدركسيون بيتقل لان الاكسترا مع الاستخادم والطرق الزفت بتبوش و هتلقيها تتخبط معاك في النقر فالعفشجي بيربط عليها زياده شويه عشان متخبطش وبالتالي الباور بتقل شويه عشان كده قلتلك لو انت متأكد ان الزيت مظبوط وطرمبه الباور سليمه والاسكترا تمام وضغط الكاوتشات مظبوطه يبقى كده مفيش مشكله عندك وده طبيعي نتيجه الاستهلاك والزمن وفك الاسكترا قبل كده كتيير ما تتوقعش انها تبقى بحالتها اكيد انت حضرتك بتتكلم في عربيه بقالها 13 سنه ماشيه في بلدنا برده
اه بالنسبه للزميل اللي بيقول باور كهربه فيالبطه استحاله طبعا !!! ياترى المعلومع دي عرفتها منين ياباشا؟
الباور الكهربه منزلش غير في الشارك فقط ده البطه في منها عربيات مش باور اصلا !!