الموضوع: خبطني و كمان عاوز يضربني :((

نفس الموقف حصل لواحد صاحبى و عيال شبيحة طلعوا ضربوا الواد التانى بردو و نفس السيناريو بالظبط

المشاركة الأصلية كتبت بواسطة Eng_hatemfathy

معلش سؤال ربما مستفز للبعض ولكن فعلا نفسى الاقى صاحب منطق سديد يجاوبنى-ليه الشد بالعربيه قدام الاخرين-نفترض انى شديت مع واحد وخيطته -معذرة فى الكلمه ولكن باسلوب الشباب يعنى سبقته ايه المكسب ونفترض ان لا قدر الله عملت حادثه والمنتدى مليان بلاوى هيكون حكمى عند ربنا ايه سواء فى تلفيات سيارتى او تلفيات سيارة الاخرين او والعياذ بالله لو الخساره فى الارواح
بالتأكيد التأمين على السيارات شجع ناس كتير على التهور والانفلات ولكن اين التأمين الشرعى لافعالنا ونتائجها
اكيد الجرى بالعربيه بيكون ممتع ولكن لازم نفكر ان احنا مش فى صحرا بل حتى لو فى صحرا احنا مأمرين بالحفاظ على امانة ربنا وهيا روحنا اللى احنا مستأمنين عليها وايضا ارواح الاخرين واكيد مشاهد الفيديو من عشرات السنين وخاصة بتاعة السعودية والتفحيط معلمه فى ذاكرتنا ولم ننسها
يا ريت الكل يفكر بموضوعية فى كلامى والاقى رد منطقى ليه بنشد مع بعض ؟؟؟؟؟؟

يا باشا انا مكنتش بشد معاه ولا كنت بشد انا معدتشي سرعه60 كم اصلا كنت بغرز علي الهادي يعني كفانا الشر نسبه الحوادث هتبقا قليله و لو حصلت مش هتبقا قوه يعني
ولله انا مؤمن بالي حضرتك بتقوله و دلوقتي و انا مروح بكون حزين لو صوت الموتور عالي بسبب القرص عليه و بحاول بقدر المستطاع انسي الشد خالص :)

المشاركة الأصلية كتبت بواسطة max_ziro

د

ياباشا كبر دماغك منة ولو قابلتة تانى اضربة
او حتى لو مش هتقدر تضربة اعمل الى عليك عشان متحسش انك معملتش حاجة و كنت جبان
لما كنت فى نفس الموقف دة و ال3 افتكرونى فرفور و بتاع امى و امى الى جيبهالى زى ما الراجل كان بيقولى مسكتة و علمتة الادب و مسبتوش غير و الدم فى ايدى و فى نفس الوقت اخدت كمية بنيات و كشافات و ضرب فى البطن و الجناب من الاتنين التانيين ب الهبل
بس علمت واحد منهم الادب
و لو كان فى وقت اكتر و مكانوش جريو صدقنى كنت فرتكهم الااتين التانيين
اما لو استسلمت للامر كانوا ال3 اتسلوا عليا
و على فكرة انا كنت نازل عشان اتكلم مش عشان اضرب و هو الى بدأ الضرب

ف سيبك منة و لو قابلتة اعمل الى عليك على قد قدرتك حاول تعمل المهم متحسش انك جبان و زى متيجى تيجى
يعنى مثلا انا بقالى يومين بمشى و بروح شغلى و بعمل كل حاجة و انا عينى الشمال وارمة و وشى معلم ازرق
بس نفسيتى و جوايا عارف انى مقصرتش و مش حاسس ب اى حاجة وحشة ولا متضايق من جوايا .. الحمد لله

الحمد لله علي كل شئ يا باشا انا كل الي بحكي ليه بيقول لي نقابله بس و هيتخنقو معاه لكن الواحد مش عاوز مشاكل و خد قرار لو شفته تاني هنفض له ولا هعبره لاني لما حسبتها لقيت ان فعلا انا هقلل نفسي و هخليه يحسب اني جبان لو اتكلمت معاه بالزوق لان الاشكال دي من تصرفهم ميمفعشي تكلمهم بالزوق و لو حاول يعمل حاجه هيبقا هو الي جابه لنفسه بقا :(

المشاركة الأصلية كتبت بواسطة mahmoud_afifi

+1
بالظبط هو ده التصرف السليم.

و ده الي هيحصل بعد كدا ديما

المشاركة الأصلية كتبت بواسطة loshabih

بتفكرني بسواق تكسي كنا في شارع جسر السويس وريحت عليه فيرنا في فيرنا وكان معايا قربتي وريجين للدكتور الخبطه لاتذكر اساسا انا منزلتش هوا نزل اعد يشتم في الاكصدام مش فيا فقلتله حصل خير معلش والاكصدام مفهوش اي حاجه فعلا المهم اترضينا ومشي ونا بجر الجري الهادي ومنت مشغل التكيف ولئيت واحد بيشورلي مخدتش فبالي وكملت عادي لقيت سواق التكسي بيجري ورايا ونا مش فبالي وكان جمبه ست كبيره فقلت يمكن في حاجه ومستعجل هوا كمان المهم بدخل شمال لقيته جري وكسر عليا وزعيق وبتاع انا نزلت عادي جدا بيقولي انت خبطني وجريت ومش هسمحك علي الانت عملته في امي واعد يهلل ونا ماسك نفسي عشان معايا بنات ويقولي انت فاكر هتعرف تجري مني انا سمعت الكلمه دي وبتاعت خبطني وجريت واعدت اضحك قدامه بستفذه لان فعلا لولا الناس اللي معايا كان زمانه بيسلم علي عمود لاني بجد مبجيش علي حد مش عشان معايا بنات يعمل كده بس الصراحه الناس قامت بلواجب وخلص الموضوع علي خير ومن سعتها ونا هموووووووووت وقبله وكون لوحدي او معايا صحابي ونا هعلمه يعني ايه سواقه وخليه يعيط جمب امه

في ناس كدا مشيين بمبدء خدوهم بالصوت لكن للأسف مش كل الناس بتعدي الموقف و لو عدته بتفضل حسه بالظلم و تدعي ربنا يجيب لها حقها و بكدا الي علي صوته ودي نفسه في دهيا
تصرفك تمام و لو شفته بعد كدا سيبك منه متنسلشي مستواك لمستواه و فوض امرك لله

المشاركة الأصلية كتبت بواسطة mmffor

تحية لبلد القان بقيادة طنطاوي

هي دي مصر اللي كنا عاوزينها و حققها لينا طنطاوي؟

اختلف معاك في النقطه دي البلد طول عمرها كدا بعد الثوره عشان غياب الامن كل واحد بان علي حقيقته و التربيه الغلط و الظلم و الكوسه العاش فيها الناس نتائجها بانت لكني شايف ان الطنطاوي مجرد حامل لرساله بطئ او مهمل فهو مجرد حامل رساله و تنتهي مهمته بعد وقت قصير

المشاركة الأصلية كتبت بواسطة smartchoice

نفس الموقف حصل لواحد صاحبى و عيال شبيحة طلعوا ضربوا الواد التانى بردو و نفس السيناريو بالظبط

احلي حاجه في الشعب ده انو مش بيحب يسكت علي الظلم