السلام عليكم ورحمة الله وبركاته
من قريب كدة كنت بجدد الرخصة
روحت مرور عين الصيرة اجيب شهادة مخالفات من النيابة عشان اطلع بيها مرور المقطم واجدد
المهم روحت هناك وانا بركن العربية برة المرور على جنب لقيت واحد كدة تقريبا بتاع شاى
قالى حضرتك داخل المرور يابيه قولتله اه قالى طيب عايز حد يخلصلك اوراقك من غير ماتقف طوابير ولا تتعب نفسك قولتله لا شكرا قالى طيب ومتنهاش
وبعد ماركنت ودخلت من البوابة كدة ب 20 متر لقيت واحد واقف وماسك ورق فحص سالنى ورق فحص يابيه قولتله لأ شكرا مش جى افحص قالى طب اى خدمة قولتله انا جى اجيب شهادة مخالفات قالى اخلصلك انا الحوار ده بدل متقف طابور قولتله لا شكرا ومشيت
دخلت جوة عند النيابة شوفت منظر خيالى زحام رهيب ومش طبور باه هو ناس وقفة ورة بعض اه بس يعنى فى ناس يمين وناس شمال وناس جوة بين الطابور وبين الناس الى وقفة شمال والعكس قولت جوايا ياخرابى انا ايه الى خلانى اقول للراجل ده لا شكرا ارجعله تانى ولا اعمل ايه ولو رجعتله هيزود عليا الفولس الى كان هياخدها كمان
المهم وقفت شوية متأمل كدة بالمنظر الى ادامى
طلعلى شب كدة قالى اى خدمة ياباشا عايزنى اخلصلك اى حاجة قولتله عايز اعمل شهادة مخالفات قالى عنيا هات البطاقة والرخصة قولتله هتاخد كام الاول قالى لو مفيش مخالفات هاخد 50 جنيه
قولتله يعنى ايه هو لو فيه مخالفات هتاخد اكتر قالى لأ هاجى اقولك فيه مخالفات اد كذة ولو عايزنى اخلصلك الحوار هخلصهولك
المهم خد الرخصة والبطاقة وقالى اعد استريح ادام النيابة ,,, فى النوص كدة كان فى واحد قبليا وخلصله الشهادة وخد منه 50 جنيه ومكنش عليه مخالفات
المهم جالى بعد عشر دقايق قالى العربية عليها 792,90 قرش مخالفات
طبعا انا اتفجئت جدا واتخضيت من المبلغ ومش مصدق قالى نخلص الحوار ده
قولتله ازاى وانا مزبهل طبعا قالى هشيلك المخلفات دى قولتله وهتاخد كام قالى هاخد 300 جنيه اعدت افكر كدة شوية
المهم قولتله ماشى انا موافق بس قبل ماتخلص قولى المخلفات دى ايه ومكانها فين وتاريخها
قالى لا مش هينفع اقولك لان مش عارف ايه ودخلنى فى حوار كدة قولتله لا خلاص سيبنى انا اتعامل وهدفعهم وخلاص عشان انا عايز اعرف هما بتوع ايه
قالى طب ثوانى دخل وخرجلى بورقة كانت مرمية فى الارض كدة ومكتوب عليها
عكس اتجاه 19/4
حزام 22/6
كسر اشارة 11/9
قولتله شكررررررااااااااااا واخدت بطاقتى ورخصتى وقولته انا هقف الطابور وهدفع ال 800 جنيه وامرى لله
وقفت طابور مثلا بتاع ساعتين وبعد ماوقفت اكتشفت ان الطابور الى واقفه بتاع شباك عين الصيرة وانا الى جنبه المقطم وهو كان فاضى بقيت عايز اضرب نفسى
روحت للراجل عند الشباك بحثلى على الكمبيوتر وملقاش اى مخالفات سمعت الخبر فرحت جدااااااااا ,,,,خد 5 جنيه وادنى وصل بيها وادانى الشهادة ومشيت
ابص انى الاقى الراجل عشان اضرب واهزق فيه لقيته فص ملح وداب
والحمد الله ان ربنى الهمنى وخلانى اقف اعمل حاجتى بنفسى
ومن وقتها بجد قولت بينى وبين نفسى اخدم نفسك بنفسك
معلش انا اسف على الاطالة بس بجد انا حبيت انقل تجربتى للموضوع للافادة
لان ممكن فى ناس كتير بتتخم وبتدفع والحمد الله
المفضلات