بلاعه غبيه اوى بس الحمد لله جت بفايده والله اعلم !!!

**dado_256** · 28-12-2011 06:15 AM

السلام عليكم ازيكم كلكم نفسى القسم ده يشتغل زى بقيت الاقسام المهم

كنت رايح مشوار كده فى ابوقير وخلاص قبل المطب الاخير اللى عند محطه ابوقير فى بلاعه كبيره اوى فى الارض ولا مش عارف بير ده ولا ايه المهم محفور اوى ونازل فى الارض وانا ماشى غالبا على سرعه 80 لاقيت دى قدامى على ما جيبت يمين وحاولت اتفاداها هوووب فى العجله اللى شمال قدام لاقيت الدركسون غربل فى ايدى وسمعت صوت سسسسسسسسسسسس المهم على ما لميت نفسى وهديت وعديت المطب ورحت مكمل وداخل اول شارع شمال نزلت لاقيت فسسسس العجله بتريح والجنط فى شفه كده رحت بسرعه جايب مفتاح العجل وفضلت ادق عليها لحد ما التسريب منع الحمد لله بس طبعا الكاوتش ريح شويه وبصراحه الاستبن كان نايم هو كمان المهم كملت دخلت جوه وركنت وخصلت المشوار والحمد لله رجعت لاقيت العجله زى ما هى بس طبعا الدركسيون تقيل شويه المهم على اول بتاع كاوتش رحت مزود العجل كله وخليته يدق على الجنط لحد ما اتعدل الحمد لله بس الغريب بقى ايه ؟؟؟؟ ان الدريكسون بقى خفيف جدا جدا جدا اخف من الاول مع ان ضغط الهو زى ما كنت بظبطه على طول فا انا مش عارف يكون حاجه حصلت فى المقص او الاسكترا ولا ايه بصراحه موقف غريب وعايز رايكم فيه

معلش طولت عليكم انا اسف

**mo7madbakr** · 28-12-2011 07:52 AM

أولا الحمد لله على سلامة حضرتك وسلامة العربيه

أنا مش عارف ايه اللى ممكن يكون حصل فى العربيه بتاعت حضرتك
بس انا برد علشان حصل معايا موقف مشابه من شهريين
عربيه 131 دخلت فيا من ناحية الرفرف اليميين طبقته خالص, المهم انا كملت مشوارى عادى جدا بس لاحظت ان الدركسيون بقى خفييف اوى بزياده و انا بلف شمال زى ميكون فى حد بيساعدنى و يلف الدركسيون معايا

بصراحه انا مطنش و مستريح كده بس مش عارف هل ممكن يكون فى مشكلة بجد و لا ايه

يا ريت اللى عنده معلومة ميبخلشى علينا بيها

**mo7madbakr** · 28-12-2011 07:55 AM

الحمد لله

**medododo** · 28-12-2011 08:17 AM

الحمد لله على سلامتك
وصحيح شوارع مصر أحسن من التوكيل المفروض شركة سكودا تدي العبقري اللي عمل الشوارع عندنا جائزة الابتكار

**mada3030** · 28-12-2011 08:59 AM

لا طبعا لازم تربط العفشه تانى وتخلى العفشخى يعيد عليها تانى لان خطر جدا انت ماشى على كبالن يا باشا

**mo7madbakr** · 28-12-2011 09:20 AM

شكرا على الرد و التو ضيح يا mada
انت كده خلتنى ماشى على أعصابى, بالمناسبه هو يعنى ايه كبالن

**mo7madbakr** · 28-12-2011 09:26 AM

شكرا على الرد و التو ضيح يا mada
انت كده خلتنى ماشى على أعصابى, بالمناسبه هو يعنى ايه كبالن

**medododo** · 28-12-2011 09:32 AM

الكبالن دي اللي بتنقل الحركة من الماتور إلي العجل الامامي
وده النظام في معظم السيارات الحديثة
ماعدا البي إم والمرسيدس والادا طبعاً(على سبيل المثال)
الحركة بتم عن طريق عمود كردان وكرونة تنقل الحركة للعجلتين الخلفيتين