عملت شويه تعديلات تحفه علي جينا بس يافرحه ماتمت
بصو بقي ياشباب انا عملت حركه جريئه اوى رحت اشتريت جنط 17 شكله حكايه وتمنه 5250 بالكاوتش
وبعد كده تقط في دماغي ورحت جبت طقم فوانيس كامل ليدات ورا وقدام وتمنهم 1900 جنيه
وبالمره رحت جبت التيل البوش الاصلي ماهي خربانه خربانه
ومش عايز اقولكم شكل العربيه بقي وهم وهم وهم مهما اتكلمت مش هاقدر اوصف
بس يافرحه ماتمت الاني حصلت معايا مشكله ومش عارف احلها وعايز حد من الخبراء يقولي اعمل ايه
لما ركبت الفوانيس الاماميه اللي هيا بشريط ليدات من تحت ومتوصل مع النور السهاري لما باجي انور النور السهاري والعربيه دايره الفانوس الشمال مابينورش ولمبه شيك انجين بتنور انما لو نورت النور السهاري قبل ما ادور العربيه بينور عادي وبرضو لمه المتور بتنور ولما بدور العربيه من غير ماافتح النور لمبه المتور مش بتنور فياريت حد يقولي العيب في ايه مع العلم اني في المنيا ومش قادر اروح التوكيل ومعلش طولت عليكم
وعقبال كل الناس ماتظبط عربيتها بس من غي ما تشيك انجين تنور هههههههه
