ايجار سيارة

**Chicco** · 26-05-2008 05:09 AM

طب يا شباب حد عنده معلومات عن تأجير العربية بالسواق ....هل برضه لازم تكتب شيك أو وصل ......الموضوع بره أسهل من كده بكتير

**alaa_dash** · 26-05-2008 06:05 AM

تأجير عربية بسواق لا يلزمك بأي شيء الا زيادة في قيمة الايجار فقط ..عشان السيارة هتكون في عهدة السواق..بس هياخده بياناتك فقط..

**Chicco** · 26-05-2008 06:27 AM

ألف شكر يا علاء باشا ...متهيألي كده أحسن .....طب فيه حد يرشح شركة معينة للتأجير بسواق و لا مش فارقة

**محمد عز** · 26-05-2008 06:35 AM

يا باشا انت تنور

في معرض اسمه سفير

انا كنت دايما بتعامل معاه

اسمه صفوت

ايلي فاكره عنده بومه 2007 و ياريس و النترا

قولي انت جاي امتى بالظبط و عايز اي عربيه و انا اتصلك بيه او اديلك نمرته

ايلي يريحك..

بس عامة كله بيمضي على شيك بتمن العربيه

انا تحت امرك

ربنا يخليك وميحرمينش من ذوقك ، بس انا مش عاوز موضوع الشيكات ده ، اصل بقلق اوى من الحاجات ده

احسنلك اجر من شركة كبيرة و محترمة

كل اللى بيأجروا, بيبقوا مأمنين على العربية, لكن بياخد منك تمن تصليحها, غير تمن الايام اللى بتبقى بتتصلح فيها (ده فى حالة حادة لا قدر الله)

حتى لو حاجة بسيطة, يفضل يتنك عليك علشان معاه وصل امانة او شيك

لو الواحد عاوز يأجر فعلا, يروح للشركات المحترمة زى:

AVIS, Sixt, Hertz, فى برضه Shahd limousine تبع ابو غالى

شكرا يامعاذ ، شكلها كده هوا ده اللى هيحصل

**alaa_dash** · 26-05-2008 06:37 AM

تقدر تاخد من عندنا ....دلوقتي الادارة هتقولك بعمل اعلان :)
فيه مكاتب ايجار عادية و متهيألي في المطار بيبقى فيه مندوبين لشركات تأجير سيارات...تقريبا ..

**Chicco** · 26-05-2008 06:42 AM

علاء باشا جزاك الله خيرا يا أخي الفاضل ....إن شاء الله لما يقرب ميعاد الأجازة لينا حوار أخر :)

**hosiny** · 26-05-2008 08:54 AM

I have dealed with AVIS
no cheques required
just your visa card
toyota automatic 55$ per day
nissan sunny automatic 50$
BMW 318 100$ 2007
they have representetive office in cairo Airport

**hero** · 26-05-2008 01:03 PM

شركة سمارت ايلي علي كورنيش المعادي...
ممكن يوصلوا العربية لاي حتة في القاهر ...وبياخدوا 50 جنية تقريبا...
http://www.smartlimo.com/megane.htm

ممكن تحجز من النت...وفي 10% خصم....

العربيات كلها متامن عليها تأمين شامل....اول 150$ بس علي ايلي راكب العربية...

ممكن تاخد منهم عرض اسعار...وتقارنة بافيس....بس نصيحة اوعي تأجر من مكاتب الايجارات ايلي الناس فتحاها ...عن تجارب كتير لاصحابي....خصوصا لو عرفوا انك مقيم برة مصر...

**محمد عز** · 26-05-2008 01:08 PM

شركة سمارت ايلي علي كورنيش المعادي...
ممكن يوصلوا العربية لاي حتة في القاهر ...وبياخدوا 50 جنية تقريبا...
http://www.smartlimo.com/megane.htm

ممكن تحجز من النت...وفي 10% خصم....

العربيات كلها متامن عليها تأمين شامل....اول 150$ بس علي ايلي راكب العربية...

ممكن تاخد منهم عرض اسعار...وتقارنة بافيس....بس نصيحة اوعي تأجر من مكاتب الايجارات ايلي الناس فتحاها ...عن تجارب كتير لاصحابي....خصوصا لو عرفوا انك مقيم برة مصر...

شكرا ياهيرو
انا بعتلهم اميل ومستنى يردوا عليا
انا مكنتش فاكر ان ايجار السيارات فى مصر غالى كده
لان هنا فى الامارات الايجار الشهرى حوالى 2000 درهم يعنى 3000 جنيه مصرى
بس فى مصر الايجار الشهرى حوالى 5000 جنيه او اكتر
مع ان ظروف المعيشه مختلفه والمفروض ان مصر مختلفه

**alaa_dash** · 26-05-2008 01:23 PM

المشاركة الأصلية كتبت بواسطة hero

بس نصيحة اوعي تأجر من مكاتب الايجارات ايلي الناس فتحاها ...عن تجارب كتير لاصحابي....خصوصا لو عرفوا انك مقيم برة مصر...

ليه بس كده يا استاذ هيرو ما تسيبنا نستقطع الناس شوية .. :)
ملحوظة :
انا لا املك مكتب ايجار ..
---------
يا باشمهندس محمد ليه ماتأجرش عربية بسواق و تريح نفسك ..و ساعتها مش فارقه مكتب ايجار من شركة نقل سياحي ؟بالعكس هتكون ارخص ؟ بس فعلا ما تعرفش حد انك مقيم خارج مصر :) ممكن تيجي هنا و تأجر من اول يوم ...او توصي حد يأجرهالك و يبعتهالك عل المطار ...