السلام عليكم
اهل منتدي السوزوكي ارجوكم تساعدوني
معروض عليه عربية سوزوكي التو موديل 2008 و هيا 800 سي سي و عاملة 40 الف كيلو. الحالة العامة للعربية كويسة و الصيانات بالتوكيل و متركبلها سنتر و انذار بس مافيهاش تكييف ولا ازاز كهربا
العربية بالمواصفات دي تعمل كام
مع العلم اني هاغير كاوتش وبطارية بعد ما اشتريها
ارجوكو تساعدوني اخد قرار بسرعة لان صاحبها مستعجل و ممكن يشوف حد تاني لو اتأخرت عليه
هو صاحبها ما قالش هو عايز كام ؟؟؟؟؟ هى كبيرها 32 ألف لو عرفت تنزل عن المبلغ دة يبقى كويس ..
والله الموفق والمستعان
صاحبها عايز فيها 35 الف
بس للأمانه هادفع كاش 20 الف و الباقي اقساط باقية من تمن العربية هاسسدهم 920 في الشهر لمدة سنة و نص
اقتباس:
المشاركة الأصلية كتبت بواسطة elwakeel
لو كويسة و مفيهاش خربوش و لا شعره يبقي المبلغ كويس شوف الجديد بتاعها بكام دلوقتي معدي الــ60 الف و هو ساعة ما جابها كانت واقفة عليه بــ45 الف
و عامة حاول تخفض معاه ع اد ما تقدر انت أولي باي قرش يعني لو مشيت أقل يبقي خير و بركة
بس عشان تبقي عارف لازم تكون عامل حسابك و تبقي عارف ان قطع الغيار سعرها غالي نسبيا يعني مثلا طقم بوجيهات في حدود 75-80 جنيه طقم دبرياج الـ3 قطع 450-500 جنيه و خاصة ان موديل 2008 ليه قطع غياره المخصوصة بتختلف عن باقي الموديلات زي سير الكاتينة مثلا
و ناس محدودة اللي عندهم قطع الغيار بالاضافة للتوكيل طبعا
و بالتوفيق ان شاء الله
اقتباس:
المشاركة الأصلية كتبت بواسطة axel
أنا متشكر جدا يا فندم علي رد حضرتك.
العربية الشنطة فيها خبطة بسيطة, و زي ما قولت لحضرتك الكاوتش جايب اخره و هاغيره و كمان البطارية.
صحيح ايه اخبار موضوع قطع الغيار النادرة دي يعني فعلا ممكن احتاس بيها؟ و حضرتك ممكن تشرحلي ايه الحاجات اللي المفروض اغيرها بعد 40 الف كيلو هوا الراجل لسه رايح صيانة ال 40 الف و انا كنت هاروح معاه اكشف علي العربية في التوكيل
انا قصدي مفيهاش حاجة يعني ميكانيكيا عفشة رشة و هكذا الحاجات اللي تضيع العربية يعنياقتباس:
المشاركة الأصلية كتبت بواسطة elwakeel
انما لو خبطة بسيطة طالما العربية فبريكة و متلعبش فيها و لا ادب فيها مفك خلاص
و موضوع الكاوتش ده عادي شئ دوري كل كام سنة و هي ماشية والبطارية طالما كويسة خليك في الفبريكة لغاية ما تحس بحركات نص كوم اقلبها
بالنسبة قطع الغيار مفيهاش حوسة ان شاء الله الناس اللي تلاقي عندهم قطع الغيار نضيفة محدودين شوية
مبيعات مورن موتورز في الدقي بس طبعا غالية عن برة
سوزوكي سنتر في التوفيقية لكن سعره الي حدا ما عالي و اللي اعرفه انه بيستورد القطع الاصلية بتاعتها من الهند تقريبا
و اكرم حمدي في شارع دمشق و سعره اغلي من سوزوكي سنتر شوية
اما الباقيين معنديش فكرة عن اخبار قطع الغيار عندهم بس ناس كتيير بقولوا بلاش منهم
بالنسبة الصيانة غير زيت العربية و الفلتر عشان تبدأ صفحة جديدة مع العربية هههههه و يفضل تعود العربية علي تخليقي بلاش معدني دلوقتي خالص و منصحش بموبيل لأن جالي عقدة منه بعد استخدام حوالي 15 سنة
و غير زيت الفتيس و زيت الفرامل كله
و ظبط باقي سوائل العربية زي الريداتير و البطارية
اكشف ع تيل الفرامل الامامي لو محتاج يتغير
فلتر البنزين
و شوف حالة فلتر الهوا لو كويسة خلاص نضفه بس بالهوا عند اي بتاع كاوتش
و بقيت الحاجات الخفيفة بقي زي الترصيص و الزوايا
ع 50-60 الف غير سير الكاتينة وممكن سلك الدبرياج كذلك و البوجيهات كل 30-40 الف عشان العربية تفضل محافظة برده ع الاداء معاك
و متجيش ناحية طقم الكهربا الفبريكة , اللي يتغير بس البوجيهات و لو فيه مشكلة في الابلاتين يتغير غير كده لأ عشان فيه عباقرة كتيير :36_2_33:
و قدام شوية لو حسيت بفرق استخدم منظف انجيكشن عشان الانجيكشن يفضل ادائه كويس
اتمني مكونش نسيت حاجة كل ده عشان نقول انك تبدأ صفحة جديدة مع العربية و تتعامل من اول ما استخدمتها وملكش دعوة باللي قبلك
و عامة لو هتتوكل ع الله و تشتريها خلي حد يبصلك ع العربية من تحت و يبص ع الموتور و القواعد و كل حاجة فيها من الاخر
أنا كنت بابيع في نفس العربية دي من فترة قريبة وبنفس المواصفات تقريبا. مع فروق بسيطة:
سوزوكي التو موديل 2008 و 800 سي سي و عاملة 24 الف كيلو. الحالة العامة للعربية كويسة بس من غير سنتر ولا إنذار وطبعا من غير تكييف ولا ازاز كهربا.
السعر اللي بعت بيه كان 31500 والبطارية كانت تمام التمام وطقم الكاوتش كذلك. والصاج زي الفل بدون خدوش. م الأخر تمن السنتر والإنذار كام, ب 1000 جنيه مثلا ؟
حاول تنزل السعر شويه. يعني 33500, أو 34000
لو عربيتك كانت بالحالة دي و مية مية كانت تجيبلك اكتر من كدهاقتباس:
المشاركة الأصلية كتبت بواسطة zemanovaxxx
للأسف بقي أنا بعت خلاص, بس للعلم اللي عايز يبيع لازم يتهاون شويه. أما اللي مش لازمه الفلوس أوي هتلاقيه دايما مغلس ومبينزلشاقتباس:
المشاركة الأصلية كتبت بواسطة axel
أنا عن نفسي كنت مزنوق ف البيع لدواعي سفر وكده