تطور الفولكس فاجن بيتلز بالصور

**Ahmad Allawy** · 25-05-2008 11:39 PM

المشاركة الأصلية كتبت بواسطة karim_monir

معشوقتي ال 1303
ماتعملش منها غير 3 سنين بس فعلا وخاصة موديل 1975 كانت على اسكترة وكان دركسيون ناعم جدا كانة باور
ولما فولكس باعت خط الانتاج للبرازيل ادولهم خط الانتاج القديم بتاع الموديل الشباك الصغير
ودي اللي ما زالت تنتج في المكسيك حتى اليوم
وقفت صحيح سنة 2004
لكن عادت للانتاج بناء على طلب الجماهير في مختلف دول العالم
وافتكر اني مسنتين حبيت اجيب واحدة جديدة من البرازيل من عشقي ليها
لقيتها هاتوقف عليا ب حوالي 85 الف جنية
شكرا خالد على المعلومة والصور

هي ال1303 دي اللي هي شكلها حلو مش كده..؟؟
انا باعشق العربية دي علي فكرة يا كريم..
وسوقتها مرة قريب مكنتش عايز انزل منها..
خسيت انها متفرقش كتير عن عربيتي الكورسا الموديل 97
مع فارق الثبات الرهيب للبيتل طبعا..بس صوتها كان علي حبتين..
وكان نفسي اشتري واحدة فعلا.. بس مكانش ينفع بقي عشان بابين بس..

**YoussefMostafa** · 25-05-2008 11:40 PM

الف شكر يا سبعاوي باشا

**NaderNabil** · 25-05-2008 11:47 PM

العربية دي يمكن اتعودنا علي شكلها عشان كده تحس انها عربية عادية....لكن بعد الموضوع ده تتفحصت فيها كويس و اكتشفت انها من اغرب التصميمات اللي ممكن تشوفها في حياتك....و اكيد عملت ثورة وقت ما نزلت....

في واحد جنب بيتنا موديل 54 مركونة بقالها 10 سنين و صاحبها مات....بدهان الفابريكة بس عايزة تتشد شدة حلوة و هاترجع زيرو

شكرا يا سبعاوي علي الموضوع :)

**Karim_Monir** · 26-05-2008 11:21 AM

اه يا احمد انا بعشق ال 303 الازاز البومبية
التابلوة الصغير بتاعها وفتحات التكييف
لو موتورها 1600 ابو صبابات كبيرة تحفة
طب والله مقطع واحد صاحبي معاه جولف رابيت 1600 بواحدة 1300 موتور1300
وكانت مستغرب انها بتجري بالغباء ده مع فرق الثبات
ولما كان معايا اللي موتورها 1600 ماكنش حد بيسد معايا
اصلي ركبت 3 فولكس كاتو بتوعي
غير اللي كنت بشدهم لاصحابهم وكدة
1303 النضيفة موديل 75 النهاردة تعد 30 الف مستريحة
ولو مش اسكترة ممكن من 22 الى 27 حسب حالتها
-------
نادر ال 54 دي هاتلاقي جنط 5 مسمار وعفشة قديمة وازاز صغير
انا بحب فوق ال 68 عشان الازاز كبير شوية وعفشة متعدلة 4 مسمار

**ابوهاشم** · 01-08-2009 02:58 PM

الغريبه ان العربيه دى بالتحديد
مافيش حد ركبها الا وعشقها
ومافيش حد اشتكى منها ابدا
انا عن نفسى معايا بيتلز لثانى مره
بعد مابعت عربيتى القديمه وقررت اشترى 4 باب
احترت كتير ومالقيتش حاجه هتريحنى زيها خصوصا فى الفيات
ورجعت تانى اشتريت بيتلز حبيبتى اللى بعشقها
على فكره يااستاذ سبعاوى
انا افتكر انى قريت موضوع انت اللى عامله زمان
3 سنين تقريبا كان مقارنه بين البيتلز وال 128 وال سيات
وكان تحيزك لل128 وقتها وان اشتريت البيتلز لعشقى لها
ولما جبتها زاد عشقى ليها
وبدون تحيز والله وعن تجربه
بداية المقارنه للبيتلز مع ال131 مع العلم ان البيتلزتكسب
انا ركبت عربيات كتير وعمرى ماحسيت انى راكب عربيه
جباره غيرها صوت موتورها اللى الناس بتفتكره عيب فيها
ده نغمه باستمتع بيها وانا سايق
صفارة الشكمان بتاعها بقى مزاج عندى واتعكنن لو مش موجود
ربنا يديمها علينا نعمه