الموضوع: هوندا تبدأ فى تخريد سياراتها التالفة بسبب الفيضانات الأخيرة فى تايلاند

اعتقد انهم بيعدموت العربيات الى اتاثرت جامد و اتخبطت و باظت و الباقى زى ما هو ممكن اعادة تشغيل له فى خط النتاج تانى و شكراا على كده

لا اله الا الله
طيب عربيات الحوادث شغال مش محتجين يصلحزا بيرموا ويجيبوا كتير
انما بقيت العربيات اللى فيها زجاج مكسور والباقى شكلها عربيات سليمة مهما كان فيها مغهاش الحاجة اللى تستدعى انها تتحول لخردة
دة لو كانوا عملوا عليها مزادات كانت زمان نص العربيات دى فى مصر وكانوا هيعملوا احلى شغل
بس احساسى ان الموضوع فية حاجة غامضة

الفيضان ده كان فيضان بحري
يعني مياه شديدة الملوحة احتمال كبير جدا تكون أثرت على الصاج وسببت تاكل لأجزاء منه (حتى لو بنسبة ضئيلة)
بالاضافة انها محملة بالرمال، يعني كل الفراغات بين جميع الأجزاء في السيارة مهما صغر حجمها حتلاقي فيها رمل لو فكيتها، يعني لازم تفك جميع أجزاء السيارة بالكامل وتنظفها وتعيد تجميعها ( دا أصلا اذا كان لسه سليم وملوحة المياه والشمس لسه مكلتوش)

أيضا جميع الحساسات وكمبيوتر الموتور والجير بوكس ومعظم ان لم يكن كل الالكترونيات اتكلوا على الله

صعب اوى انهم يغامروا بسمعتهم ببيع الاجزاء السليمة حتى وبيعدموها فى العلن عشان يبقى معروف انهم مش بيستخدموا اى اجزاء من العربيات اللى غرقت فى الفيضان يا سلام لو الواحد يمد ايده فى الصور دى يجيب شوية قطع غيار يلا اهو الواحد لما يشترى استيراد يبقى مطمن انه سليم شكرا ع الصور

اعتقد هما كمان مش بيبيعوها كقطع غيار لان لو عملوا كدا هيبقى فيه قطع غيار للموديلات دى بالهبل ومش هيبيعوا الا قطع غيار جديده قليله جداا

طب حتى يدونا قطع الغيار او اي جنوط او مقص مش كدة ..:(