الموضوع: هوندا تبدأ فى تخريد سياراتها التالفة بسبب الفيضانات الأخيرة فى تايلاند

المشاركة الأصلية كتبت بواسطة ashraf_ibrahim

لو افترضنا صحة كلامك -وهو صحيح فعليا-
لو هيكسبوا 50% من قيمة العربية احسن ما يخسر 100% من قيمة العربية !
هو كدة مكسبش حاجة خالص انما كان ممكن يكسب مكسب قليل ويقلل خسارته !

لا يا فندم مش 50% ولا حاجه ولا حتى 15% وتعالى نحسبها مثلا على السيفيك
العربيه دي لو اتصلحت هناك هتتكلف كام ؟
مش أقل من 5 الاف دولار فى حين ان المستعمل منها تقريبا فى حدود 10 الاف دولار
انت كمشتري وؤدامك عربيتين واحده مستعمله عامله مثلا 20 الف كيلو وخاليه من العيوب لانها لسه فى الضمان والتانيه متركبتش لكن جت عليها سيول مية البحر والرمل والشمس فوقها يعني أكلو منها لحد لما شبعم اينعم اتصلحت لكن الله اعلم
ساعتها هتختار ايه ؟؟ أكيد السليمه
معنى كده انها لازم تتباع ارخص من سعر المستعمله يعنى بالكتير 8.5 الف دولار لسه بقى هنخصم مصاريف الشحن ومكسب التجار ومننساش الـ 5 الاف دولار الى صرفناهم فوق فى تصلحها
يعنى بالكتير هيبقى مكسبهم فى العربيه 1500 دولار (الف ونص دولار فقط)
تعالى بقى لو عربيه اتباعت وظهر فيها عيب هيضطرو يصلحوها على حسابهم بأكتر من 5 الاف دولار تانيه يعنى ممكن يطلعو خسرانين من البيع اكتر من خسارتهم فى التخريد

ملاحظه اسعار المستعمل الى حسبت عليها الحساب ده على الدول الى بتقبل دخول السيارات المستعمل او الى فات على تصنعها أكتر من سنه
العربيات دي كان هيبقى فيها مكسب لينا وليهم لو كانو جابوها هنا على حالتها كده وصلحناها احنا بمعرفتنا
لكن للاسف استحاله تدخل مصر لان فى مصر لا يسمح بدخول العربيات الى فات عليها سنه أو اكتر الا اذا كان صاحبها المالك الاول لها وتملكها سنه تصنيعها

تحياتي