حل مشكله دراع النور للشبوره بسهوله بدون فك الدريكسيون والايرباج
المشكله اللى بتواجه بعض العربيات الكيا ان الشبوره فجاه وانت ماشى تلاقيها قطعت ومتنورش تانى السبب ان السلك بتاع الشبوره اللى جوه الدراع بتاع النور قصير جدا بحيث ان بيتقطع من جوا الدراع نفسه او لحام القصدير اللى عليه بكون مش قوى مع قصر السلكه فبتتقطع المشكله دى وجهتنى مرتين اول مره روحت للتوكيل قالى الدراع ب 550 جنيه غير المصنعيه فرحت للكهربائى بتاعى قالى ان المشكله دى فى كل الكيا ف حل الدراع عن طريق الابره الصغيره اللى جوه الدراع ودى بتاخد وقت كبير جدا لانى زى ما قولت ان السلكه مقطوعه ولحمه بعد شهر تقريبا فصلت برده فاكتشفنا ان السلك قصير جدا فانا بقول لكل شخص بيواجه المشكله دى انه يغير السلكه دى ويطولها شويه وكدا هيحافظ على حركه السلك جوه الدراع بحريه وبلاش يفك الدريكسيون والايرباج هو مسمار صغير جدا فى اول دراع النور من فوق بس لازم يطلعه بحاجه رفيعه جدا جدا زى الابره كدا وتكون ليها زاويه او ملويه شبه السناره الموضوع كله بياخد تقريبا ربع ساعه بالكتير نص ساعه اما بالنسبه للمصنعيه اخد 50 جنيه مع العلم ان انا من بورسعيد وسلامى لكل رجاله كيا سيراتو
