أهلا بك في عالم التيريوس :party: .. مبارك عليك التيريوس :3gears: .. وربنا يديلك خيرها ويكفيك شرها
عرض للطباعة
أهلا بك في عالم التيريوس :party: .. مبارك عليك التيريوس :3gears: .. وربنا يديلك خيرها ويكفيك شرها
الف مبروووووووووووك عليك التريوس :embarrassed2:
أنا أصلا باموت في العربية دي.. من زمان و هي لافتة نظري :)
ربنا يبارك لك فيها يا رب و تستعملها في الخير دايما :)
السلام عليكم ورحمه الله وبركاته .
ومع احترامى لردود الكل التريوس مش اختيار جيد وعن تجربه !!
العربيه معايا من اغسطس 2007 وباختصار شديد
المميزات: الرحابه الداخليه ,abs,شنطه واسعه جدا لانها تعتبر Suv , عاليه عن الارض وطبعا شكل خارجى تحفه .كمبيوتر الرحلات.
العيوب :
اولا الماتور ضعيف جدا جدا وصوته مع التكييف بيبين العيب ده ,صحيح التسارع جيد خصوصا [gear2,3]وبعد 3500لفه العربيه بتفتح لكن بعد كده العربيه كبيرها 140كم/ساعه .(للعلم العربيه عدادها 180 بس)
ثانيا الثبات والله ربنا يستر!!!!!
ثالثا الخامات الداخليه معدومه الجوده . ومايسويش الثمن اللى ادفع فيها....!
الراجل فرحان بالعربية الجديدة والمفروض الناس تباركله عليها دى لو حتى كانت 126 قديمة برضه مش مفروض نقول كدهاقتباس:
السلام عليكم ورحمه الله وبركاته .
ومع احترامى لردود الكل التريوس مش اختيار جيد وعن تجربه !!
العربيه معايا من اغسطس 2007 وباختصار شديد
المميزات: الرحابه الداخليه ,abs,شنطه واسعه جدا لانها تعتبر Suv , عاليه عن الارض وطبعا شكل خارجى تحفه .كمبيوتر الرحلات.
العيوب :
اولا الماتور ضعيف جدا جدا وصوته مع التكييف بيبين العيب ده ,صحيح التسارع جيد خصوصا [gear2,3]وبعد 3500لفه العربيه بتفتح لكن بعد كده العربيه كبيرها 140كم/ساعه .(للعلم العربيه عدادها 180 بس)
ثانيا الثبات والله ربنا يستر!!!!!
ثالثا الخامات الداخليه معدومه الجوده . ومايسويش الثمن اللى ادفع فيها....!
شكرا اخي العزيز علي نصيحتك الغاليه وطبعا انا متاكد انها لله و لمصلحة الاخرين وجزاك الله خيرا لان نصيحتك دي تسعدني جدا بس ليا تعقيب واحد علي كلامك ان عربيتي الحاليه عربيه ثابته جدا علي الارض و ناس كتير بتمشي بيها 160 و 170 و انا جربت مره فتحت علي 160 عشان اتاكد من كلامهم و فضلت ماشي بالسرعه دي حوالي ساعتين علي طريق الغردقه مرسي علم لانه فاضي خالص و مفيهوش مطبات خطره و لكن انا عمري ما بمشي بسرعه زياده عن 120 لان اولا انا مش بركب في العربيه لوحدي و ثانيا اي عربيه حتي لو مرسيدس 600 خطر انها تمشي علي سرعه اكتر من كده وانا اتعلمت القياده في الامارات وطبعا انتو عارفين الطرق عامله ازاي و كمان عربيتي كانت كامري و بعدها برادو و عمري ما فكرت ازود عن 120 يعني المختصر انا مش بحب اسابق حد انا بحب اوصل بالسلامه بتوفيق ربنا ان شاء الله.
ثانيا موضوع الثبات انا زي ما قولتلك اني كان عندي من فتره عربيه برادو و كل العربيات العاليه عن الارض فيها نفس الاحساس بتفاوت علي حسب حجمها ووزنها وطبعا بما اني بمشي مشي بعقل مش زياده عن 120 فا الاحساس ده بيكون ضعيف جدا.
موضوع الخامات الداخليه بقي ده بيختلف من شخص للتاني علي حسب الزوق و علي حسب المحافظه و الاهتمام بالصالون و غالبا الفور ويل فيما عدا الفئات العاليه منه بيكون اقل في الفخامه من السيدان و دي حاجه مهمه و طبعا اكيد انت شفت الشيروكي لحد 2002 كانت عامله ازاي مع فرق السعر الرهيب.
انا عارف كويس اني اشتريت عربيه رباعية الدف و طبعا مختلفه كل الاختلاف عن الصالون او السيدان و كمان انا عارف اني اشتريت عربيه بالنسبه لفئتها رخيصه جدا عشان البديل هو راف 4 تويوتا و طبعا اكيد انت عارف فرق السعر.
انا متاكد ان كل عربيه في العالم ليها مميزات و ليها عيوب والفيصل بيكون ان انا محتاج ايه او هدفي من العربيه ايه و هل الهدف ده اتحقق بالمميزات اللي فيها و هل عيوبها هتمنع استخدامي بطريقتي و لا لاء.
العربيه دي واخده تقييم عالي جدا في اختبارات الامان و كمان واخده احسن سيارة دفع رباعي محدودة التكاليف و مدمجة التصميم لعام 2008
وخلي بالك كويس من محدودة التكاليف مدمجة التصميم و حط تحتها 100 خط عشان تعرف حدود عربيتك.
اسف علي الاطاله.
وربنا يوفقنا كلنا لما فيه الخير و اسف علي الاطاله
الف مبروك يابوحميد وربنا يديك خيرها ويبارك لك فيها
اكيد اللون فيرانى :049: :049:
الله يبارك فيك اخي العزيز ولكن للاسف توقعك مش في محله انا اشتريتها سوداء
كلامك تمام .. انا مش عارف ليه عربية شخصية الواحد بيشتريها يبقي من عيوبها انها مش ثابتة بعد 140 !ّّ! حتي لنفرض ان ده حقيقي .. ايه المشكلة !! هي عربية رالي !؟
كمان اضيف علي كلامك ان العربيات ذات التصميم العالي عن الارض غير مخصصة للجري و مش عربيات سباق و ثباتها مش كويس عالسرعات العالية لأنها عالية عن الارض .. دي عربيات هدفها التعامل مع الطرق الغير ممهدة .. العربية كل ما كانت واطية كل ما كان ثباتها اعلي بس طبعا مصر عايزة عربية 4 ادوار بسبب الشوارع اللي زي الفل .. و الكلام ده قالوا اخوة كتير من المخضرمين في المنتدي
الف الف مبروك... ربنا يبارك لحضرتك فى العربية. ربنا يكتب لحضرتك خيرها ويبعد عنك شرها.
انا كمان معجبة بالعربية ديه.. بس جبت اختها الصغيرة (سيريون) و على فكرة انا ليا زميلة فى الشغل ساكنة فى مصر الجديدة و بتيجى كل يوم للعجوزة ومبسوطة جدا بالتريوس. الطريق مطبات.. كوبرى اكتوبر الخ وكله تمام.
هيا كمان كانت جديدة فى السواقة وماشاء الله العربية مريحة جدا فاتعلمت بسرعة :)