متنساش الجزمة ال safety ومضرب الbaseball

**eng.m7md.ali** · 28-12-2011 06:59 PM

المشاركة الأصلية كتبت بواسطة formulator

ماينفعش كده يا باشمهندس eng f3lix,
كل يوم تعملك مشكلة فـ جسر السويس.. وتضربلك 2 ثلاثة..؟؟!!!
ههههههههههههههههههه

بص بقى يا باشا, بجد والله:
انا كـ عاطف.. اتبسطت من اللى انت عملته, ولو مكانك كنت اتمنى اعمل كده..!
بس ده مايمنعش انه غلط جدا جدا جدا...؟!!

ليـــــــــــــــــــــه؟ ؟!!! :
- لاااااااااازم يبقى بالك طويل شوية عن كده, فـ السواقة نفسها.. (مش فـ الخناقة)..؟؟!!!
يعنى:
عادى لو كنت هديت سرعتك سيكا, وخدته قدامك.. مفيهاش حاجة,
حتى لو هو "retard" ومعرفش يقدر سرعتك مضبوط.. كنت تضرب فرامل جاااااااااامد, منعا انك تلبس فيه.. ويحصل اللى حصل.. :o_stupid[1]:

وبعدين تيجى جنبه تهزأه بالأدب برضه..؟!!
لكن نبقى تفادينا المشاكل (فـ العربية وفـ الأشخاص)..

أمال ايه اللى فرق بقى انك انت شايفه من الأول (وهو بيخرج).. من لو كنت مش شايفه..؟؟!!!
ايه اللى خلاك تفترض انه هيبقى عنده دم أو مفهومية.. وهيقف لحد مانت تعدى..

طب أهو طلع تيييييييييييييييييييييييت .. أيه اللى حصل,

حاول تطول بالك شوية فـ الشارع, ياما هتقابل طول النهار..

الفن والذوق والأخلاق فـ السواقة: بييجوا من ناس زينا فـ الأول,

مش من سواقين الميكروباصات يا معلم..؟؟!!!
يعنى احنا اللى لااااااااااااااازم نعمل الـculture دى.

كلامك جميل يااستاذ عاطف :))
بس عارف . تحس انه عمل كدة قصد
لانه باصص عليا وانا جاي والمسافة بيني وبينه حوالي 40 متر وماشي بالسرعة دي ... ده كان طالع من الشباك علشان يشوف اللي وراه وانا بقلبله نور .. وفجأة طلع قدامي وانا مسكت فرامل جامد بس ملحقتش نفسي خصوصا اني قربت قوي
بس الفكرة كلها وسبب اللي انا عملته ده انه:
اولا : نازل يزعق
ثانيا : بيشتم
ثالثا : نظام خدوهم بالصوت ( علشان يجيب عليا الغلط ) بس على مين ده انا فاهم الاشكال دي :)
بس اللي خلاني اكمل طريقي انه مخرجش عن الطريق هو كسر العجل علشان يخرج بس :) واللي خلاني بردو اني مهديش حتة انه فضل في مكانه وطلع من الشباك وباصص عليا شايفني جاي بسرعة

وربنا يسترها عليا وحسبي الله ونعم الوكيل في اللي سايبهم

**HeMa_LanCeR** · 28-12-2011 07:09 PM

لاتعليق

**Ralliart** · 28-12-2011 07:19 PM

والله انا نفسي اعمل اللي حضرتك بتعمله من زمان بالذات مررة واحد على طريق المنصورة عمل معايا حركة مشابهة وانا ماشي 130 بعد ماديته نور وكلاكس راح مطلع ايده من الشباك ومشوح بيها ودايس بنزين وعديت منه بعد ما المراية الشمال اتقفلت في السور الخرسانة والمراية اليمين اتكسرت في مرايته!!

بس المشكلة ان العنف بيولد العنف بالذات مع الاشكال دي المفروض ان حياتك اغلى منهم ومن العربية وممكن واحد مستبيع يأذيك لا قدر الله وحضرتك شكلك عصبي وكل يوم بتضربلك اتنين سواقين ،حاول تسيطر على غضبك شوية عشان مصلحتك مش علشانهم....... انا عن نفسي بقيت ماشي بالمبدأ ده لحد ما اطلع من البلد دي على خير واسيبهالهم يفرحو بهمجيتهم

**mrghost** · 28-12-2011 07:20 PM

المشاركة الأصلية كتبت بواسطة hema_lancer

لاتعليق

+1111111111111

**AhMeD MeTwAlY** · 28-12-2011 07:24 PM

هو حضرتك مشهور هنا بضرب السواقين

**mrghost** · 28-12-2011 07:24 PM

معلش انا عاوز اقولك حاجه
لو كل الناس عملت زيك كده هنبقى فى غابه
ونفترض حاجه انك انت او والدك او اخوك او اختك مكان الراجل ده وغلطت وعملت اللى هو عمله انك طلعت والعربيه جايه من وراك بسرعه وخبطك فعلا هل تقبلها ان واحد يضربك ويكسرلك عربيتك زى ما انت عملت حتى لو انت غلطان؟
حتى لو هو زعق او شتم مكنش لازم تعمل اللى انت عملته ده
وزى ما الاخ اللى قالك انك شايفه كاسر العجل من الاول كان على الاقل تهدى علشان لو لتجنن وطلع بالعربيه انا بشوف ناس كتير بتغلط غصب عنها (وبالذات الناس الكبيره ) اللى يرمى عليك او يقف مره واحده او زى ماحصل معاك كده بس بعذره ومش بكلمه حتى وبسيبه وامشى لانى بتخيل نفسى لما اكبر ممكن ابقى زيه او والدى او اخويا او اختى

**eng.m7md.ali** · 28-12-2011 07:28 PM

المشاركة الأصلية كتبت بواسطة ralliart

والله انا نفسي اعمل اللي حضرتك بتعمله من زمان بالذات مررة واحد على طريق المنصورة عمل معايا حركة مشابهة وانا ماشي 130 بعد ماديته نور وكلاكس راح مطلع ايده من الشباك ومشوح بيها ودايس بنزين وعديت منه بعد ما المراية الشمال اتقفلت في السور الخرسانة والمراية اليمين اتكسرت في مرايته!!

بس المشكلة ان العنف بيولد العنف بالذات مع الاشكال دي المفروض ان حياتك اغلى منهم ومن العربية وممكن واحد مستبيع يأذيك لا قدر الله وحضرتك شكلك عصبي وكل يوم بتضربلك اتنين سواقين ،حاول تسيطر على غضبك شوية عشان مصلحتك مش علشانهم....... انا عن نفسي بقيت ماشي بالمبدأ ده لحد ما اطلع من البلد دي على خير واسيبهالهم يفرحو بهمجيتهم

انا فعلا عصبي ولازم اخد حقي بايدي مدام مفيش حد هيجبلي حقي
وكمان الفانوس اللي انا جبته ده جبته ب 600 جنيه يعني حرام بجد اللي حصل ده وهو ينزل يزعق ويشتم كمان
وانا عارف اني لاهاخد منه لاحق ولا باطل ومش هعرف اخد حقي غير بالطريقة دي لانه هو شايف انه مش غلطان
قولت اخد حقي بالطريقة بتاعتي المتبعة
وبعدين هو لو قالي معلش وحقك عليا والكلام ده كان ممكن اعديها بمزاجي وفي داهيا العربية مدام انا كويس

**Amr Axel** · 28-12-2011 07:43 PM

المشاركة الأصلية كتبت بواسطة mrghost

معلش انا عاوز اقولك حاجه
لو كل الناس عملت زيك كده هنبقى فى غابه
ونفترض حاجه انك انت او والدك او اخوك او اختك مكان الراجل ده وغلطت وعملت اللى هو عمله انك طلعت والعربيه جايه من وراك بسرعه وخبطك فعلا هل تقبلها ان واحد يضربك ويكسرلك عربيتك زى ما انت عملت حتى لو انت غلطان؟
حتى لو هو زعق او شتم مكنش لازم تعمل اللى انت عملته ده
وزى ما الاخ اللى قالك انك شايفه كاسر العجل من الاول كان على الاقل تهدى علشان لو لتجنن وطلع بالعربيه انا بشوف ناس كتير بتغلط غصب عنها (وبالذات الناس الكبيره ) اللى يرمى عليك او يقف مره واحده او زى ماحصل معاك كده بس بعذره ومش بكلمه حتى وبسيبه وامشى لانى بتخيل نفسى لما اكبر ممكن ابقى زيه او والدى او اخويا او اختى

يا ريس احنا فعلا بقينا في غابة مش لسه هنبقي
دلوقتي كله فاتح صدره و تلاقيه نازل يمسك فيك بدون اي سبب و يشتمك بدون اي ما تكلمه و خلاص عايز يضربك هتسيبه يضربك اللي زي دول ادخل لوش عالطول
و مش عايزاقولك كمية المواقف اللي فعلا مينفعش فيها غير كده مهو يا تضرب يا تنضرب

**saadelden** · 28-12-2011 08:11 PM

الي عملته اي حد فينا ممكن يعمله اما يبقى مش غلطان و كمان يتشتم

انا سواق تاكسي شاهين مره لبس فيا من ورا و هو الي غلطان لاني كنت واقف و نازل عايز يتخانق قولتله انت الي غلطان روحت سايبه و ماشي
لقيته بيشتم روحت واقف و قولتله يعني انت غلطان و بتشتم قعد يشتم بردو رحت رجعت بالعربيه كملتله علي باقي الفوانيس و مشيت

الخساير عندي ساعتها قاعده الاكصدام اتكسرت و الاكصدام اتشرخ و ماقولتش حاجه و لو ماكنش شتم كنت سيبته و مشيت

قله الادب في البلد دي كترت اوي و مابقاش فيه احترام لاي قواعد
انا الي يشتمني بعديها بمزاجي لكن الي يشتم اهلي مابسيبهوش

-

الموضوع: متنساش الجزمة ال safety ومضرب الbaseball

LinkBack

أدوات الموضوع

عرض

-

-

-

-

-

المواضيع المتشابهه

safety is first

ادخل الموقع دة بس متنساش تقول رأيك ضرورى

VW receives Top Safety Pick Awards from the Insurance Institute for Highway Safety

بوش و الجزمة لعبة جديدة

لما تشترى كاوتش جديد متنساش تخصم حق الكاوتش القديم

الكلمات الدلالية لهذا الموضوع

المفضلات

المفضلات

ضوابط المشاركة