الموضوع: متنساش الجزمة ال safety ومضرب الbaseball

المشاركة الأصلية كتبت بواسطة hema_lancer

اسمحلي اعترض
انا رافض اللي انت عملتة ده جدااا
وانت بتطلب ان الحكومة تدخل بس للأسف هي فعلا لازم تدخل علشان حضرتك متعملش اللي بتعملة ده
بس بجد خدها مني كلمة بكره هيتردلك ده :)
وساعتها بقي هتعرف ده صح ولا غلط
انا مش معني كلامي ده انة صح لأ بالعكس
بس انا حصلي موقف لحضرتك كده بس اتصرفت من وجهة نظري صح
كان اتوبيس سياحي
وريح عليها في الأسارة وكسر الفانوس اللي ورا
نزلت بكل ذوق وأدب وقولتلة هتدفع حق الفانوس بكل أدب
لقيته رد بقله أدب وقالي صلحة لنفسك يا حبيبي
هل انا بقي امسكة اضربة واقل من نفسي ومن احترامي
كل اللي عملتة مسكت زلطه وضرب بيها الأزاز بتاعه وقولتلة كل واحد يصلح لنفسه بقي :)
كده انا شايف اني اخدت حقي بكل زوق وأدب
لكن بقي انزل استقوي عليه علشان معايا حاجة اقوي منه او أني لقيته غلبان فأركبة بقي
لالالالالالالالالالالالال ا طبعا
انا بيقابلني ناس كبيرة كتييييييييييير وللأسف بيبقي قليل الأدب بس غصب عني بعمل حساب لشيبتة دي بس باردو باخد حقي صح وبحرفة :)

اتمني تقبل كلام بصدر رحب :)

طبعا متقبل الكلام ده ومتقبل اي نقد من حضرتك
الاول عايز اقول لحضرتك اني لو غلطان اكيد مش هعمل كدة ولا هشتم لان الشيتمة بالنسبة ليا مش هيا السلاح اللي اقدر اضغط بيه على اللي قدامي علشان يتنازل عن حقه ( لو شتمت هيقولو عليا قليل الادب وبلطجي والناس هتتقي شري )
وكمان اللي غايظني في الحوار كله انه بيجيب الغلط عليا ولما اعترضت راح شتمني . والشتيمة بالنسبة ليا حاجة كبيرة جدا جايز اي حد يتقبلها من باب ان الشتيمة مبتلزقش بس انا بقى بالنسبة ليا بتلزق
وطبعا لو كنت جبت ورا بعد مابلطج عليا ولما ارجع البيت وضميري يقعد يأنبني علشان مخدتش حقي واساسا والدي معلمني اني مسبش حقي مهما كان

كان ممكن بردو اعمل زي حضرتك ماقولت بس انا ميهمنيش اللي حصل في العربية قد ماهمني السفالة اللي حصلت قدامي وفيا ومش معقول هفضل ساكت
وعلى فكرة مفيش سواق ميكروباص غلبان زي ماحضرتك فاهم كلهم ولاد تيت وبقالي اكتر من 5 سنين بسوق في البلد دي مفيش حد فيهم يستاهل بصة احترام

المشاركة الأصلية كتبت بواسطة د.محمود صلاح

مش كل مرة تسلم الجرة

ممكن ينادي على زمايله ويتكاتروا عليك

بالمناسبة :- ايه هو السيفتي شوز ده ؟ اللي هي كاتربيللار ام بوز حديد ؟

ربنا يسترها
سواقين الميكروباصات جبناء لدرجة عالية جدا جدا ووحصلت لواحد صحبي مشكلة عندنا في المنطقة مع سواق ميكروباص وطبعا بما ان صحبي غلبان راح اتصل بينا ومن هنا روحنا شوفنا فيه ايه والراجل كل علقة محترمة ومفيش حد من اصحابه قدر يفتح بقه او يتكلم

وحسبي الله ونعم الوكيل في اللي كان السبب ان احنا نبقى كدة

اما بقى الجزمة السيفتي هيا فعلا كانت كاتربيلار لونها اسود ومقاس 40 كمان هههههههههههههههههههههههه :) بس مش ببوز حديد زي بتاعت زمان

المشاركة الأصلية كتبت بواسطة eng_hatemfathy

للاسف الحياه فى مصر بقت مزعجه والواحد مش عارف يفضل باخلاقه اللى اتربى عليها وفى تفس الوقت اخلاقه ودينه وسمته بتمنعه انه يتعامل زىالعربجية وللاسف مفيش قانون بيحمى المظلوم زى دول العالم المحترمه سواء عربيه او اجنبيه والواحد بيبقى بين نارين بين انه يتاكل حقه قدام عينه او انه يبلطج ويفترى وبرده للاسف مفيش تقطه وسط لان من رابع المستحيلات انك تجيب حقك بس من غير ما تعتدى لانك ببساطه مطلوب منك تكون الحكم والخصم فى نفس الوقت
رد الاساءة له اربع درجات:
ونجهل فوق جهل الجاهلين يعنى نظام اللى يدينى قلم اديله اتنين والبادى اظلم وده طبعا حرام من باب وجزاء سيئة سىئة مثلها
انك تاخد حقك بالضبط وده طبعا مستحيل لان احوالنا واوضاعنا مش سكينه بتقطع فى كيكه ومفيش الية لاخذ الحق من الظالم للمظلوم
انك تسامح
انك تسامح وتحسن وده طبعا افضلهم بس مين يقدرعليه
بالطبع مش كل المواقف الواحد بيقدر يمسك نفسه خاصة ان البلد بقت زباله بسلوك اغلبية الشعب اللى اصبح يعبد الفهلوة وقلة الزوق وطبعا ده بيبان فى السلوكيات اليوميه وعلى رأسها السواقة والطوابير فى اى مصلحة والرشاوى والمصالح اللى بتتعمل على الناس الغلابه الطيبه اللى مش بتدى خوانه لما واحد لابس كويس يقف قدام شهر عقارى مثلا ويقولهم هخلصلكم ورقكم وكلام زى كده او قدام المرور
مشكلة سواقين الميكروباص والنقل مشكله مش سهله لان ليها جذور بيئية يصعب اقتلاعها الا بتغيير بيئة هؤلاء -من اراد ان يفهم معنى كلامى فليذهب الى العشوائيات ويرى ثقافة هؤلاء واغانيهم وملبسهم ومزاحهم وطريقة ترفيههم ونساءهم ولا تأخذكم الدهشه فلقد كتيت من قبل تقرير عن مرورى بعدة عشوائيات وكيف ان النساء هناك انتكست فطرتهن عما يعلمه الناس من الخوف من السيوف والسنج حيث هناك يرقصون مع شباب يمسكون بهذه الاشياء والفتاه العاديه تستحى من الوقوف مع شاب يلبس ملابس داخليه ولكن هناك برقصون مع شباب بالفانلات وشكلهم استغفر الله مقزز من كثرة الطعنات والخياطات وسواد المعصية التى على وجههم وبناء على حياتهم تتبلور نظرتهم للواقع وكيف يكون السائق منهم جرىء او دكر كما يسموه او مقطع الاسفلت ومفيش حد بيعدى منه
اسأل الله ان يمن على هذه البلد بامر رشد لانى بصراحه كرهت العيشه هنا ونفسى اهج

كلام عاقل جدا جزاك الله كل خير
وربنا يسترها علينا .. ده احنا بجد غلابة والله