متنساش الجزمة ال safety ومضرب الbaseball

**eng.m7md.ali** · 29-12-2011 11:01 PM

بشكر كل اللي رد سواء بالسلب او بالايجاب ( النقد ) وطبعا انا قابل اي رأي واي كلام واكيد مش هزعل من اخواتي
بس حاجة عايز اقولها للناس علشان الاغلب فاكرين اني مفتري وبلطجي
انا عمري ماعملت حادثة والحمد لله وكل الخبطات اللي في العربية من سواقين ميكروباصات وعملت محضرين قبل كدة عن ميكروباصيين خبطوني وجريو طبعا ده انا كنت ساعتها طيب جدا
اللي هشوف العربية بتاعتي هيلاقيها متشحورة من كل حتة
مرة المراية ومرة الفانوس اللي قدام ومرة الفانوس اللي ورا ومرة الرفرف ومرة الباب
ومرة واحد لبسني في الرصيف ( قال ايه كنت جاي من شماله وانا كدة ماشي غلط ) طبعا عملت محضر وخدت رقم العربية ولا حياة لمن تنادي طبعا
من ساعتها وخدت عهد على نفسي اني مسكتش تاني ولا ابقى طيب مع حد مدام الطيبة هتكلفني فلوس .. وطز في القانون مدام مفيش قانون اصلا واي حد هيكسر عليا بس هيعرف شغله وخلو بالكو بقى واتقو شري :))

واللي يقولي غابة .. احنا فعلا في غابة مدام الضعيف بيتداس عليه والبلطجي بلطجي وبيبلطج على خلق الله
وتقبول احترامي جميعا

**Mandible** · 30-12-2011 01:41 AM

انت راجل عالمي

**Dr_Mido** · 30-12-2011 01:48 AM

بالمناسبه سواققين الميكروباص متعاونين لابعد حد قبل كدة واحد عربيه نقل خبطته الصبح طلعو 3 تانين جرو ورا العربيه النقل وبقو بيكلمو بعض ومسيطرين على طريق اكتوبر ومسكو سواق النقل فعلا فخد بالك وانت بتعدى من خط السير دة

**Scuderia.M** · 30-12-2011 07:47 AM

من زماان واللهِ وأنا بفكر في المضرب بس مفكرتش في الsafety قبل كده, فكرة عظيمة!

**abo_lamar** · 30-12-2011 11:09 AM

والله العظيم راجل .... دي عالم يابا واخدة الموضوع عافية و خدوهم بالسوط قبل مايغلبوكو... الطريق بتاعك اساسا طب الباشا بيطلع ليه قبل مايتأكد ان الطريق فاضي ....
والله انا لو منك كنت فتحت دماغه كمان ويالا اياكش تولع