متنساش الجزمة ال safety ومضرب الbaseball
اسف طبعا على العنوان المش مفهوم ده بس انا احب ابوس الجزمة السيفتي ومضرب البيسبول لان دول اللي شفو غاليلي امبارح
كنت ماشي في امان الله على 60 في جسر السويس اتجاه الالف مسكن في نص الطريق
لقيت ميكروباص واقف على اليمين وعربية واقفة قدامه والراجل عايز يطلع وبيبص من الشباك وانا عمال اقلبله نور علشان ميطلعش لاني جاي نسبياً بسرعة عالية وطبعا شايف اني جاي سريع يعني المفروض ياخد باله
وفجأة حصل اللي مكنتش متوقعه ... الحيوان خرج فجأة قدامي وملحقتش طبعا اقف روحت لابس فيه والخساير عندي فانوس يمين ( اشتريت واحد جديد ) خبطة في الرفرف وعوجة خفيفة و الاكصدام مجرد خرابيش
طبعا الحيوان نازل يزعق ويقولي انت ( الله يخربيتك انت اعمى ولا ايه مش شايفني خارج؟؟ )
رديت عليه قولتله (انت اللي اعمى وشايفني بقلب نور يعني المفروض تاخد بالك وانت استنيت لحد مااقرب منك علشان تطلع )
قالي ( تييييييييييييييييت ) شتيمة يعني بس بالاب والامع :)))
مسمتش عليه بصراحة خصوصا اني بتجنن لما اسمع حد بيشتمني مهما كان روحت ضاربه بالسيفتي في قصبة رجله وقع عمال يصوت طبعا من الوجع وسامع ناس بتقول ( حرام عليك , انت معندكش قلب , الله يخربيتكو يامفتريين ) وانا منفض لكل الكلام ده
روحت رايح اجيب مضرب البيسبول اللي لسة جايبه واول مرة اجربها كان في اليوم ده
كسرتله المرايتين والفانوسين اللي قدام وبرجلي في الاكصدام الامامي طبعا وقع اتكسر .. مانا لابس سيفتي بقى ومحدش قدي :)))
طبعا كل ده وهو لسة مرمي في الارض والناس عمالة تهدي فيا علشان شافوني ماسك المضرب وممكن اضربه تاني بيها واللي بيقولي برافو عليك واللي بيقولي حرام عليك ميستحقش كدة ..
وارجع اقول مش هشيل الفاميه لحد مالشارع يتظبط وبدل مالشرطة بتتشطر علينا يروحو يشوفو البلطجية بتوع الميكروباصات
وسلملي على شرطة المرور
واحب انصح اي حد ناوي يتخانق .. متستغناش عن السيفتي والمضرب