بليه دبرياج و بليه فتيس ..هل هناك فرق؟

**mero100** · 28-12-2011 06:06 PM

بسمع ناس تقول بليه دبرياج و ناس تقول بليه فتيس ....هل فيه فرق بينهم ولا الاتنين واحد؟
و أنهي فيهم اللي بتعمل صوت ؟

**A.samy** · 29-12-2011 02:04 AM

لو صوت البلية عالى وانت دايس دبرياج تبقى بلية دبرياج ونصيحة لو هتغيرها غير الطقم كلة اسطوانة وبلية ودسك
اما لو صوت البالية بيظهر والعربية على السلانسية ولما بتدوس دبرياج الصوت بيروح تبقى بلية فتيس ونصيحة تعايش مع الصوت لان بلية الفتيس تغيرها صعب وغالبا مش هيرجع زى الاول والتكلفة هتبقى قريبة من سعر الفتيس استيراد ممكن لتقليل الصوت تحط زيت فتيس تقيل وتتعايش مع الصوت .

**mero100** · 29-12-2011 08:33 AM

هوه الحقيقه عشان انا دقيق شويه ف بسمع صوت وانا واقف الصبح في الجراج في الهدووووء ....و مدور العربيه و قافل ازازي ....بسمع صوت حاجة بتزن كدة خفيفه ععلي شمالي و انا قاعد .....ادوس دبرياج الصوت يروح .....اسيب دبرياج يرجع تاني .....كمان بقه فيه تكه صوتها عالي لما بكون دايس دبرياج و اسيب ...بيحصل تكه لما اسيب في نص المشوار.

ليا سؤال تاني : هل صوت بليه الفتيس بيعمل صوت نحره خفيفه تسمعها لو ماشي في شارع هادي بين عربيات راكنين علي الصفين و ماشي علي سرعه من 20 : 40 كم؟......و لا دي بليه دبرياج اللي في مجموعه الدبرياج ...مع ملاحظه ان بقالي اسبوعين العربيه بترعش في الطلعه بس لما تاخد مشوار و تقف في الزحمه و مش عيب من رجلي لاني بسوق بقالي 16 سنه ...و االتوكيل مش عاوز يعترف بتغيير طقم الدبرياج .....لانه خارج الضمان ...طبعا مقدرش افتح بقي معاهم . و هل ممكن اعيش بالرعشه اللي في الطلعه دي؟...مبتظهرش الصبح....بتظهر في الزحمه بعد فتره سواقه كبيره ..اسف للااطاله بس بحب اشرح الموضوع كويس .
تحياتي
عمرو ابراهيم

**MMamdouh** · 29-12-2011 11:12 AM

على فكرة يا عمرو... انت بتقلق نفسك بزيادة 3 شويات مش شوية ولا اتنين

MMamdouh

**al_manara** · 31-12-2011 12:53 AM

المشاركة الأصلية كتبت بواسطة mero100

هوه الحقيقه عشان انا دقيق شويه ف بسمع صوت وانا واقف الصبح في الجراج في الهدووووء ....و مدور العربيه و قافل ازازي ....بسمع صوت حاجة بتزن كدة خفيفه ععلي شمالي و انا قاعد .....ادوس دبرياج الصوت يروح .....اسيب دبرياج يرجع تاني .....كمان بقه فيه تكه صوتها عالي لما بكون دايس دبرياج و اسيب ...بيحصل تكه لما اسيب في نص المشوار.

ليا سؤال تاني : هل صوت بليه الفتيس بيعمل صوت نحره خفيفه تسمعها لو ماشي في شارع هادي بين عربيات راكنين علي الصفين و ماشي علي سرعه من 20 : 40 كم؟......و لا دي بليه دبرياج اللي في مجموعه الدبرياج ...مع ملاحظه ان بقالي اسبوعين العربيه بترعش في الطلعه بس لما تاخد مشوار و تقف في الزحمه و مش عيب من رجلي لاني بسوق بقالي 16 سنه ...و االتوكيل مش عاوز يعترف بتغيير طقم الدبرياج .....لانه خارج الضمان ...طبعا مقدرش افتح بقي معاهم . و هل ممكن اعيش بالرعشه اللي في الطلعه دي؟...مبتظهرش الصبح....بتظهر في الزحمه بعد فتره سواقه كبيره ..اسف للااطاله بس بحب اشرح الموضوع كويس .
تحياتي
عمرو ابراهيم

انا اعرف ان البلية واحدة وبنغيرها مع الديسك والاسطوانة وعلي قد علمي المتواضع انها بلية الفتيس
وبالنسبة للصوت الي بيحصل وانت بتشيل رجلك ممكن تكون قاعدة الفتيس بايظة .

**mailo** · 31-12-2011 03:54 AM

هل صوت بليه الفتيس بيعمل صوت نحره خفيفه تسمعها لو ماشي في شارع هادي بين عربيات راكنين علي الصفين و ماشي علي سرعه من 20 : 40 كم؟

متأكد إن الصووت ده مش صوت الهوا فالفواصل بين العربيات
جرب كده امشي على الدائري في طلعة مثلا أو على جنب الطريق في حتة فيها حواجز اسمنت وشوف

**mero100** · 31-12-2011 08:38 AM

لالا مش صوت الهوا في الفواصل .....هوه احسن حاجة اني اروح التوكيل و يرفعوا العربيه و يدوها غيار و نشوف الصوت ...المهم انه بيبان بعد ما العربيه بتاخد مشوار مش اقل من 10 كم مثلا ....
شكرا ليكم جميعا :-)
تحياتي
عمرو ابراهيم

**memoo305** · 31-12-2011 11:56 AM

با شا صوت التكة بتاع فصل الدبيرياج وتعشيقة كان فعلا أررفني جدا وكنت حاسس أني راكب فيات قديم (مع كامل إحترامي له). المهم بعد عسعسه عن الموضوع ده موجود أكتشفت انه موجود عند معظم الانوس. وتغيرة يفضل بفتيس أستيراد فقررت أني أتعايش لأنه واضح أن دية من عيوب العربية (ماتنساش أن راكب عربية من أرخص السيارات الكوري)

**mero100** · 31-12-2011 10:37 PM

المشاركة الأصلية كتبت بواسطة memoo305

با شا صوت التكة بتاع فصل الدبيرياج وتعشيقة كان فعلا أررفني جدا وكنت حاسس أني راكب فيات قديم (مع كامل إحترامي له). المهم بعد عسعسه عن الموضوع ده موجود أكتشفت انه موجود عند معظم الانوس. وتغيرة يفضل بفتيس أستيراد فقررت أني أتعايش لأنه واضح أن دية من عيوب العربية (ماتنساش أن راكب عربية من أرخص السيارات الكوري)

شكرا لردك :-)
الواحد بس بيتأكد الحاجاات اللي ف عربيته دي طبيعيه ولا لأ ....يعني لو موجوده في معظم العربيات اللانوس يبقي مفيش مشكله ...اللي قالق الواحد بس ان العربيه بقالها سنه فقط .
تحياتي
عمرو ابراهيم