+1111111111111
الله يسلمك
ربنا يخليك و يكرمك
هى مره و خلاص و ان شاء الله مش هتكرر
الف سلامه عليك و الحمد لله انك بخير ,انا جربت الدريفت ده قبل كده بردو فى ظروف مماثله انت عارفها ..
بالنسبه للحوار اياه ...........
مفيش نتيجه ايجابيه .. بس مستنى اول ردة فعل سيئه من ناحيتة و انا ساكت و مش هعمل حاجه .و لكن مع اول رد فعل تانى هتصرف معاه ,مش هيبقى عندى شىء اخسره .
و لكن ........... الشخصيه دى جبانه و فئه الواحد ميحبش يتعامل معاها تانى .و هو عمره ما هيجرؤ يعمل اى شىء تانى , و طوب الارض اشتكى منه و اغلب اعضاء المنتدى اشتكوا منه ,بس للاسف .دى غلطتى انى مسالتش عنه كويس او حتى قرات عنه فى المنتدى بعدها بلاوى كتير و نصب و كلام فاضى .
عموما منه لله و كويس انه انطرد من المنتدى بعد مشاكله الكتير ,و ان شاء الله ربنا يوقعه مع حد غلط زيه كده يخليه يلف حوالين نفسه .و انتقام ربنا كبير و اقوى و اعظم من انتقام البشر بكتير .
يا جماعة خلاص الرحمة حلوة :) دا انتو ناقص تمدوة :)الراجل اعترف بغلطتة و ندم:) و ربنة يستر طريق الجميع بس للاسف السرعة ليها نشوة لا تقاوم :)
منور الموضوع
بس فعلا الناس سلخونى جامد .هههههه
لو جيت تشوف المواضيع اللى زى دى من سنه كنت هتلاقى كلام مختلف جدا .
وقت اما الناس كانت بتشتم فى العربيه و بيقولوا عليها كلالم كتير و مبتعديش ال 160 او 170 و بيقولوا عليها مش ثابته و كلام كتير .و كانت الناس بتدافع عنها بكل استماته . و بعد لما الدنيا هديت خلاص .............. المينى كوبر ده شكله كان معدى ال 250 مستريح هو و عربيه تانيه كمان . و فعلا الطريق مشفتش انضف منه فى مصر فعلا و ملفاته متعتبرش ملفات اصلا لان كلها استريت .و كل الناس كانت بتاخدها على سرعه عاليه جدا اقل واحد كان ماشى فى الطريق كنت انا 120 و بعد كده بيبدا من 160 170 و الله حتى فيرنا و ميجان و عربيات كتير كانت ماشيه فوق ال 160 . و الطريق كان فاضى جدا و اغرى كل اللى فيه انهم يجرو ...... و لما جريت كنت بعدى من عربيات براحه و انا 213 كم /ساعه و الملفات على 190 و 180 و مكنتش مقلق خالص .عكس ما كنت متوقع قبلها . يبقى باقى العربيات ماشيين كام و انا بقرق عنهم براحه مش الفرق الجامد ؟؟؟؟؟؟؟ .
ﺍﻟﻄﺮﻳﻖ ﺩﻩ ﺧﺪﺗﻪ ﻣﺮﺗﻴﻦ ﻣﺮﻩ ﺑﺎﻟﻔﻴﻮﻡ ﻭﻛﺎﻥ ﺃﻫﻠﻲ ﻣﻌﺎﻳﺎ ﻭﻛﺎﻥ ﺍﻟﺴﺎﻋﺔ 3 ﺍﻟﻔﺠﺮ ﻭﻣﻌﺎﺷﻲ ﺍﻝ 140 ﻷﻥ ﺃﻫﻠﻲ ﻣﻌﺎﻳﺎ ﻭﺍﻟﻌﺮﺑﻴﻪ ﻣﺶ ﻣﺴﺎﻋﺪﻩ
ﺍﻟﻤﺮﺓ ﺍﻟﺘﺎﻧﻴﻪ ﻛﻨﺖ ﻣﻊ ﻧﺎﺱ ﻣﻦ ﺍﻟﻤﻨﺘﺪﻱ ﻭﻛﺴﺮﺕ ﺍﻝ 215 ﻭﻣﺠﺒﺘﺶ ﺑﻌﺪ ﻛﺪﻩ ﺑﺲ ﻛﻨﺖ ﺣﻄﺖ 92 ﻭﻫﻴﺎ ﺍﻟﻤﻔﺮﻭﺽ 95
ﻭﻣﺶ ﻫﻘﻮﻟﻚ ﺑﻼﺵ ﺟﺮﻱ ﻷﻧﻲ ﻣﺪﻣﻦ ﺟﺮﻱ ﺭﺑﻨﺎ ﻳﻬﺪﻳﻨﻲ
هههههههههههههههه
منور الموضوع
انت عداد عربيتك 240 و الا كام؟؟؟
بس انا عارف ان انت بتجرى جامد فى اى حته .و ان عربيتك تربو ما شاء الله . ربنا يباركلك فيها و يكفيك شرها .مع انى عارف ان انت اخدت عيون كتييييييييييير و حكات بدون سبب .
تبقى لسه راشش العربيه و تتخبط تانى .ربنا معاك بصراحه .
يا باشا الموضوع منور بصاحبة :) انا عندى مبداء اسمة السرعة الامنة يعنى احب اجري بس و الطريق فاضى من غير غرز و بتاع عشان بردة بخاف و المشكلة ان نشوة السرعة لو تملكتك بتكون من جواك رافض تهدي حتى لو اضطريت تعدى بين مقطورتين لزق :) المهم انا كنت عايز اسالك على الكيا سول هل التسارع بتاعها محترم كدة زى السيراتو ؟؟ و الثبات ؟ سؤال كمان و انت ماشى على 200 الثبات شكلة اية ؟ حاسس ان العربية خفيفة و متبت فى الدركسيون ؟ ولا عادى ؟
حمد الله على السلامه و ربنا يستر طريقك و مبروك التقفيل لكن بجد بلاش تعمل كده الا على طريق انتا واثق اوى منه و بلاش تطول على السرعات العاليه دى
الاخ الى بيسال على السول السول تسارعها حلو جدا انا جبت بيها ال 180 اقصى سرعه الثبات جيد جدا لكن منصحش يتجاب بيها اكتر من 140 على طرق مش اد كده عشان النقر ومطبات الهوا و المفاجات لكن اى طريق هاى واى تقدر تجيب عليها 160 و تكون تمام معاك و هيا مع الكيك داون هتحس ان الموتور عايز يسيب العربيه و يجري لوحده بس مقفلتش بيها عداد بصراحه عشان محتاج طريق يكون مساعد
الله يسلمك و منور الموضوع يا غالى .
الطريق اللى بحب اعمل تيست دريف عليه بمشى عليه عادى بسرعه عاديه و افحصه كويس جدا و بنقى الوقت كويس و حركه العربيات تكون اخف ما يمكن بلفه مره عادى و المره التانيه بعمل التيست ,و بيبقى لمدة دقائق معدوده .يعنى مره قبل الصيانه كنت حاسس ان العربيه مخنوقه و مبتجريش و بتاكل بنزين .رحت جربت لقاتها على طريق مفتوح مقفوله على 160 فقط . و بتاكل بنزين .رحت عملت الصيانه و رجعت جربت الحمد لله اول ما كسرت ال 190 لفات اول يو تيرن و رجعت و بس خلاص . يعنى مش بجرى بشد مع حد او لمجرد نشوة الجرى و خلاص انا بس بعمل تشيك على حاجه عشان بحب امشى بالعربيه و هى مظبوطه مش اكتر .و اللى لاحظته انى لما امشى بسرعه على طريق مفتوح مشوار واحد فقط .العربيه ادائها بيختلف سبحان الله .بتنعم معايا و تتعدل عن الاول .مش عارف ليه مع ان العفشه ملهاش دعوه بالجرى او غيره ........
و لما بعمل تيست بيبقى لمدة دقيقتين ل 5 دقايق بالكتير و خلاص على كده . انا بس احب العربيه تبقى مظبوطه على اعلى اداء و متكسفنيش فى اى وقت . لو قابلك ظرف و عاوز تجرى مثلا غير كده لا.و لانها فعلا كانت بتاكل بنزين بجد و دايقتنى و مركز الخدمه مقدمليش حل .الميكانيكى بتاعى ظبطلى العربيه الحمد لله و اشتريت القطع اصلى من التوكيل بوجيهات و غيرها .و تنضيف بوابات و غسيل موتور كيماوى و تربيط عفشه .
اهم حاجه تمشى و انت مطمن وواثق فى العربيه بضل ربنا .عشان الطوارىء فقط لا غير .انا مش من هواة الجرى اصلا .انا من هواة ان العربيه تكون مظبوطه 10 على 10 و احب الحفاظ عليها .
و ربنا يسترها علينا كلنا
و عليكم السلام شوف هوا الموضوع امان من الدرجه الاولى و عشان استجابه الفرامل و التحكم فى العربيه يكون تمام لاى مفاجات
لان الى حصل معايا من كام يوم على الطريق الدولى بين اسكندريه و بورسعيد الطريق كان فاضى و الحياه كانت زى العسل و انا ماشي 170 و كل حاجه تمام و فجاه الاقى قدامى الشبيكه بتاعت الشجر هيا حجمها كبير و طويله و للاسف مكنش ينفع افاديها ولا حتى اضرب فرامل لانى كان بينى و بينها مش كتير فاضطريت انى اكلها بالعربيه و طلعت من فوق العربيه و خربشت الازاز الامامى و بعدها ب 200 متر لقيت 2 تانيين بس دول فادتهم
بخصوص النقر و الحفر على اى طريق انا مش بحب اكلهم بصراحه عشان الجنط عندى 18 و مع مطبات الهوا الجامده و نزلات الكبارى على سرعه فوق 140 العربيه بتنط معاها و ده طبيعى على فكره فى عربيات كتيره مش السول بس لكن لان السول عاليه فانا بقلق من الموضوع بس كده
السلام عليكم
حضرتك انا مبزودش عن 90 و مبقلش عن 40 داخل القاهره لان الطرق ما يعلم بيها الا ربنا .
و حتى طرق السفر بردو مقلق منها .
لكن انا قفلت عداد العربيه و كانت ثابته سبحان الله فى بين الكارتتين بتوع العين السخنه لمدة دقائق معدوده و ذلك لنضافة الطريق و نعومته و عدم وجود مطبات هواء اصلا ووسع الطريق و انك بتكون اغلب الوقت كاشف الطريق و كمان الطريق ده اكتر طريق مهتمين بيه فى مصر و بيصلح بسرعه اول ما حاجه تبوظ .و دائما نضيف .
فالقرار يرجع لك .
نصيحتى متجريش باى عربيه حتى لو عربية سباق .
اسال فى اسكندريه اتقلبت بورش و فيرارى و غيرها من موديلات السنه .و طبعا اكيد عيب طريق و سواق و مش العربيه .
فلو هنتكلم صح :يبقى بغض النظر عن نوع العربيه متزودش عن حدود الطريق و حاول تحفظ الطرق كويس جدا بحفرها بمطباتها بكل تضاريسها .و ربنا يستر طريقنا كلنا .
هو فى ملحوظه و كنت فاكر انتى على غلط او بيتهيالى لكن هى :على 160 170 الهوا ممكن ياثر فى العربيه و يزوقها يمين او شمال .و لازم طريقة سواقه معينه .يعنى تلف عكس اتجاه الهواء .بحيث ان المحصله تبقى هى وجهة الطريق الصح بتاعك .
و لكن بعد ال 205 او 210 محستش ان الهوا ماثر اصلا .او حتى اى مؤثرات تانيه .و سبحان الله كانت ثابته جدا و استغربت جدا انا و صحبى و اخدت المافات على 190 و 180 و كانت ممكن تاخدها اكتر بس انا قلت اامن كده لانى جربت الملف ده على 180 190 قبل كده لكن مجربتش اكتر الصراحه .و لما بتكلم مع واحد هوايته انه يقفل عداد اى عربيه .اكدلى كلامى و قالى ان العربيه فى السرعه دى بتخترق الهوا و مبيلحقش ياثر عليها .
و الله اعلم .
و لكن كل ده كان تجربة عدة دقائق للتجربه فقط بعد التعديل على البوجيهات و غيرها .
و السلام ختام
الحمد لله انها عديت على خير المرة دي و المغامرة بتبقى حلوة فعلا و ليها نشوة بس بجد لا العربية ولا الرقم اللي انت جيبتو و صورتو دول هاينفعو لو لا قدر الله - بعد الشر طبعا- حصل اي حاجة و انت على السرعة دي
ربنا يستر طريقك و يحفظك يارب
تمام يا معلم انا نفسي اقفله ولله بس مش بتيجي فرصه خالص :(
بس بلاش السرعات دي العربيه مش تستحملها اظن ان التوب سيفتي سبيد عندنا 184 يعني انت كدا معديها من بدري :)
على فكرة يا جماعة السرعة دية حاجة جامدة جدا و حاجة ممتعة جدا :) و انصح اى حد انة يمشي بسرعة لما تتاح لية الفرصة :36_2_33:
انا من كتر ما بستفتو الراجل جاتلى حالة من العند و عايز انزل اقفل عداد اى عربية :) :) :) الرحمةةةةةةةةةةةةةة
تماممممممممممممممممممم
الطريق ده اصلن كل عربيات مصر قفلت عداد عليه بس متعملهاش كتير
منور الموضوع .بس انا عملت كده دقائق معدوده فقط الحمد لله و ممشيتش الطريق كله بالسرعه دى .
موضوع التوب سيفتى ده معمول عشان عوامل كتير منها المفروض الثبات .و على فكره العربيه بتبقى مقفوله سوفتوير من المصنع انها متعديش ليميت معين .و بسوفت وير جديد بتظبط الاداء و تقفل عداد عادى جدا .بس يستحسن عدم الاستمرار على السرعات العاليه دى لفترات طويله.
و الحمد لله بعمل على طول تشيك على العربيه و الصيانات قبل مواعيدها .و بحاول على اد ما اقدر انى احافظ عليها . و دى تالت مره ادى ال 200 من ساعة ما اشتريتها .و غير كده مكنتش بجرى خالص الا مره ساعة الثوره .كنت بجرى جرى خوف و كنت هلبس و هلبس معايا الدائرى كله .بس ربنا ستر الحمد لله بس كنت خايف جدا و مستعجل جدا و مش مركز .بس ربنا ستر معايا الحمد لله .
و نصيحه لو مش مضطر تجرى بلاش تجرى من بابه الا فى الطوارىء القسوى .و الله ساعات لما بكون عندى حاجه و مستعجل بمشى براحه عشان اعرف افكر .لانى لما بجرى و غرز و كده اعصابى بتتوتر و مبعرفش افكر كويس زى الوضع العادى و انا هادى .
فمن وجهة نظرى المشى الهادى بيهدى الاعصاب و بيخلى تفكيرك و كل جسمك شغال 100% و العكس صحيح.
و الله اعلم .
منصحش حد بالجرى ابد الا فى الطوارىء القصوى .
هههههههههههههههه
و الله انت راجل زى العسل .بس نصيحه منى لانى بسبب الموضوع ده بطلت جرى اصلا .بقيت مقضيها 60 كم /ساعه هههههههههههههه
بلاش جرى لو انت مش بتجرب تعديل جديد او بعد صيانه و عاوز تشوف العربيه يتاكل بنزين و الا لا بتسحب معاك و فايقه و الا لا .و كده يعنى يكون فى سبب .
و مشكور جدا عن دفاعك عنى و منور الموضوع
+111111111111
دى اول مره اقفل عداد اصلا و مكنتش قاصد و الله .و الله العظيم ما كنت اقصد .انا بس كنت عاوز الحق المينى كوبر اس و معرفتش هههههههههه
انا قبل كده حاولت مره اقفل عداد و معرفتش كان اخرى 205 و كانت مره و خلاص .ههههه
و لما مكنش قصدى يتقفل .هههههههههههههههههههه
منور الموضوع
ما شاء الله
ربنا يباركلك فى السيراتو ويبعد عنك الرادارات :-))
حلوة التجربة وطمنتك على العداد
خد بالك بقا ومتكررهاش العمر مش بعزقة :)
بسم الله ماشاء الله
السيراتو محترمة جدا ومن اكتر العربيات اللى بحترم جريها بصراحة
بس برضوا خد بالك عشان العمر مش بعزقة الواحد مش بيضمن ممكن اي حاجة لاقدر الله تحصل
والله انا نفسي اطلعلي طلعة على الصحراوي اشوف الياريس هتعمل ايه بس كل مرة برجع في كلامي :what:
خاصا لان اخر طلعة طلعتها مع صاحبي بعربيته عملنا حادثة على 240 ! والحمد لله عشان كانت بي ام فئة خامسة فالامان فيها عالي اوي ماحدش فينا حصله حاجة :O_stupid[1]:
ان شاء الله في اقرب وقت هبقى نازل اسكندرية حتما ولابد اجرب :verygood:
لية كدا بس يابو مصطفى .. دا انا بقول عليك هااااادى !! :(
و الله يا رجالة ربنة يبارك فيكوا اخجلتم تواضعنا و انا من هذا المنطلق احب اضيف بعض مميزات السرعة و الدلائل على ذلك :)
1- العمر واحد و الرب واحد
2- المكتوب على الجبين لازم تشوفو العين
3- ما اصابك لم يكن ليخطئك و ما اخطئك لم يكن ليصيبك
4- لما تمشي بسرعة توصل اسرع بربع ساعة مثلا تقعد تاخد الشاى بتاعك قبل المعاد و تدخل ميعادك هادى و مروق :)
5- الحذر لا يمنع القدر
طبعا زاى ما احنا شايفين كل الدلائل بتشير لفوائد السرعة المفرطة :)
و دى شهاده منك انى اصلا مبجريش
انت عمرك مره شفتنى بجرى اصلا هههههههههه
يا عم دا انا خواف جدا و علطول كنت بمشى وراك براحه هههههه,عشان انت طبعا ماشاء الله بتجرى ...........اظاهر الكاربون عمل شغل ههههههههههه
حبيبى يا شادى ..... وحشنا جدا .فى مقابله فى نصف السنه للكيا هتيجى و الا اه ......كل الحبايب هيكونوا موجودين باذن الله .
يا ريت اشوفك قبل ما تدخل الجيش .صحيح انت داخل امتى