السلام عليكم جميعا
كان فى كلام من فتره على انذار اسمه ايزى كار ... الانذار تو واى وبصراحه امكانياته ممتازه بس ماكانش فى حد نزله مصر ... كان سبير كار بس عامله اعلانات على الموقع بتاعه ولما كنا بنكلمه كان بيقول لسه مانزلش ... من اسبوع كلمتهم وقالولى انه نزل وروحت امبارح شوفته فى فرع التجمع الخامس

الجهاز مكتوب عليه كورى وفيه منه 2 موديل
الموديل الاول بدون ستارت انجن الموديل التانى معاه ستارت انجن
الموديل الاول ب 1250 والتانى ب 1500 مع العلم ان الاتنين مافيهومش شاشه فى الريموت ... يعنى الريموت عادى زى اى انذار بس هو فخم شويه وتقيل ورفيع جدا

انتوا ايه رأيكوا انا حاسس ان كده سعره غالى ومع انى كنت هاجيبه بس تراجعت
هما هناك قالولى انهم مش بيركبوه وانما بيتم التركيب فى التوكيل بتاع الانذار اللى هو باناسونيك

حد يعرف حاجه عن ان باناسونيك مصر نزلت الانذار ده فعلا؟
ولو حد يعرف مكان تانى بيبيعه ياريت يقولنا