الموضوع: عايز رأيكوا يا جماعة

وعليكم السلام ورحمة الله وبركاته
والله برافو عليكم
وبالنوسبة (أيوة بالواو!) للفلوس إياك ثم إياك تاخدها. هاتهالي وأنا هتصرف ههههههههههههه
لا بجد في عشرات الطرق تقدر تصرف في الخير
اتبرع بيهم لجمعية خيرية في المنطقة أو اشتري حاجات من السوبرماركت ووديها لملجأ أيتام قريب وممكن كمان تاخد فاتورة منهم، وماتقلقش دي حاجة عادية ومتعودين على النظام ده، بس اسألهم الدار محتاجة إيه قبل ما تشتري
وكمان ممكن تروح دار رعاية المسنين وتسأل الناس المسئولة إيه الأدوية الناقصة وتاخد أسماءها وتجيبلهم كميات

وممكن تعمل حاجة ظريفة جدا إنك تروح انت وأصحابك يوم تزوروا الملجأ /الدار وتتعرفوا على الأطفال/المسنين (حسب ما تختار ملجأ ولا دار مسنين) وتسأل الناس نفسها المقيمة هناك نفسهم في إيه وتجيبهلهم

وربنا يجازيكم خير على اللي بتعملوه ده عشان بلدنا محتاجة البناء والعمار ينتشر والرحمة ترجع فينا من تاني

اللهم صل على محمد وعلى آله وصحبه أجمعين

المشاركة الأصلية كتبت بواسطة diablo1231

يا جماعة جزاكم الله كل خير , هو خلاص كده انا هقول للناس ينسوا موضوع اننا نقسمها دي هههههههههه , هحاول اشوف اي جمعية او حاجة حوالينا نقدر نقدملها الفلووس دي ويستفاد بيها

صحيح بالنسبة للاسم بتاعك، عمري ما تخيلت إن فيه Diablo في الدنيا ممكن يعمل خير :))))))))

المشاركة الأصلية كتبت بواسطة diablo1231

الاسم عملته لما كنت بلعب ديابلو علي الكومبيوتر مش اكتر هههههههههههههه , المشكلة ان لما الموجة راحت كل واحد انششغل انا في هندسة ومش لاقي وقت اصلا و مفيش حد مشجعنا وحتي الناس اللي معايا مش هيعملوا حاجة اوي , الشعب متغيرش لسه !!

ههههه
الدنيا هتتغير للأحسن إن شاء الله
شوية بشوية :)