صور تركيب فرش صني عند جينز كار

**Dr'AhmZZong** · 31-12-2011 01:53 PM

المشاركة الأصلية كتبت بواسطة sehsss

كده يا سونة يا خاين، ما تسألش فيا، أحبك .. أعبدك .. أدوب في هواك هههههههه

ههههههههههههههههههههههههه ه

**hossam_elwani** · 31-12-2011 04:45 PM

مبروك وفرش الكراسى تمام بس الارضيه مش عاجبنى عشان فيها تمويج فى الشكل النهائى للتركيب يعنى مش مسطح فيه اعوجاج وتنايات فى الزوايا مفيش خامه احس تطبع على الارضيه وشكلها يبقى زى الاصلى ؟؟

**Powert** · 01-01-2012 09:18 AM

الله يبارك فيكم ياجماعة

ومعلش في عدم الرد لاني معنديش نت غير من الشغل دلوقتي

فرش الارضية فعلاً مش ظاهر حلو في الكاميرا الموبايل

والتموجات دي اثناء التركيب وبتكون تحت الكرسي هي مش ظاهرة لحد

كل الناس لما شافت الارضية و افتركتها الارضية الاصلي لعربية ومحدش كان مصدق

اني مركب ارضية

وبصدفه دكتور يوسف كان موجود هناك وهو شاف الارضية ( أسألوه عليها)

بس بجد حاجة جميلة وتحفه

**Gelgel2004** · 01-01-2012 10:37 AM

مبروك
ربنا يهديك لخير ما صنع له
جينز كار ناس محترمين و ا/ احمد مشعل واخوه ناس تعتز بالتعامل معاهم.

**Youssef.Awad** · 01-01-2012 11:32 AM

المشاركة الأصلية كتبت بواسطة powert

والتموجات دي اثناء التركيب وبتكون تحت الكرسي هي مش ظاهرة لحد

كل الناس لما شافت الارضية و افتركتها الارضية الاصلي لعربية ومحدش كان مصدق

اني مركب ارضية

وبصدفه دكتور يوسف كان موجود هناك وهو شاف الارضية ( أسألوه عليها)

بس بجد حاجة جميلة وتحفه

فعلا الشكل بعد التركيب بيختلف كليا عن اثناء التركيب والزيادات بتتقص لأن الارضية عبارة عن 4 قطع منفصلة وبتتوصل ببعض واماكن الخياطات بتكون تحت الكراسى او فى الجوانب وطبعا بيفرغ الهوا بنفس المستوى بتاع الكراسى

**Ahmed.TV** · 01-01-2012 07:02 PM

اولا الف مبروك يا بوحميد على تركيب الفرش .. والحمد لله طلع روعة بسم الله ماشاء الله بجد

حاجة جميلة وشغل ناس محترفين بصراحة

وبخصوص الخصم اللى انت اخدته .. على فكرة خصم ال30% ده كان مفروض على الفرش وعلى الخياطة الدبل .. وتركيب فرش الارضية مش بيتعمل عليه خصم الا حاجات بسيطة
بس عشان الحاج احمد بيعز اعضاء قسم نيسان بالاخص .. وكمان عشان عارف بالجمهود اللى بنعمله مع الاعضاء فى القسم .. فعمل الخصم على توتال كل الحاجات اللى ركبتها

والعرض لما ينتهى فى نص يناير حيكون 20% على الفرش فقط
وحيكون فى عرض على التنجيد كمان بظبطه مع الحاج احمد غير العزل الحرارى للارضية وكل دول حيكونوا عن طريق استيكر نايل موتورز تقديرنا لموقعنا وللمجهود المبذول فى القسم

الف مبروك يا احمد على الفرش وانت اخ غالى علينا

ان شاء الله تدوبه فى الخير ..

وبصراحة روعة جدااااااااااا الفرش بسم الله ماشاء الله

المشاركة الأصلية كتبت بواسطة atefadel

هو انا ليا
سؤال
انا حاسس ان الجلد بتاع الارضية مش مضبوط ومعبعب
هل المشكلة في التصويرو لا كان لسة مخلصش
واستفسار اخر اة الفرق بين جلد الارضية ال ب 250 و350 و450
وهعرف اميز بنهم ازاي

المشاركة الأصلية كتبت بواسطة hossam_elwani

مبروك وفرش الكراسى تمام بس الارضيه مش عاجبنى عشان فيها تمويج فى الشكل النهائى للتركيب يعنى مش مسطح فيه اعوجاج وتنايات فى الزوايا مفيش خامه احس تطبع على الارضيه وشكلها يبقى زى الاصلى ؟؟

فرش الارضية على الارض مشدود ولكن على الاجناب بيكون فيه تعريج

وده مش عشان عيب فى التقفيل .. ده عيب فى الارضية الصنى .. وميقدرش يعمل فيها حاجة الحاج احمد .. فمش عيب منه