من يومين عند استخدام الفرامل بسمع صوت فهل معقول دة ممكن يكون التيل مع العلم اني عامل بالعربية 6700 كيلو متر فقط ؟ ولو تيل الضمان بيغطية ولا لا ؟
ارجو الافادة وشكرا
عرض للطباعة
من يومين عند استخدام الفرامل بسمع صوت فهل معقول دة ممكن يكون التيل مع العلم اني عامل بالعربية 6700 كيلو متر فقط ؟ ولو تيل الضمان بيغطية ولا لا ؟
ارجو الافادة وشكرا
الصفارة بتكون فى حالتين
يا اما التيل خلص وطبعا ده مستبعد فى حالة حضرتك
يا اما تراب او وساخه على التيل
طيب يا استاذي المفروض التراب دة يتشال ازاي ؟ يعني اية الحل
و أنت بتغسل عربيتك خلي الراجل يدخل الكاتشر بتاع الميه في أخرام الجنط هتلاقيه بينزل بلاوي سودا
بس خلي بالك لازم عشان تعمل القصه ديه لازم تكون الطنابير بارده يعني ما تكونش عامل مشوار طويل و تعمل الموضوع ده يعني ممكن تقف عند المغسله ربع أو نص ساعه و بعد كده تدخل تغسل عشان الطنابير تكون بردت
اشكرك شكرا جزيلا...
لو التيل خلص وانا عامل 6700 كيلو بس يبقي داخل في الضمان بتاع العربية ولالا ؟
يبقى يتغير ع حساب التوكيل ليه بقى ؟
أقولك أنا ليه عشان المفروض و أنت بتعمل صيانة الــ5000 الفني بيعمل فحص شامل للعربية و معنى أنه ما يقولكش أن العربية محتاجه تيل فرامل يبقى هو عارف أن التيل هيقعد معاك أقل حاجه لحد لما تيجي تعمل صيانة 10000
الكلام ده من ع لسان ناس شغاله في التوكيل
فنصيحة لو أنت غسلت العربية و عملت موضوع التنضيف ده و الصوت لسه موجود أنصحك تكشف عليه عند حد بس يكون ثقة مش فهلوي و لو قالك أنه خلص عليك و ع التوكيل عدل من غير حجز و هما هيغيروه ببلاش إن شاء الله
روح بص على الكاوتشات اضمن عند اي حد 95% هتلاقيها تراااب حد يفك العجلة وينضفهااالك (الطنبورة ) بقماشة .... اول اعمل زي مااستاذ hragheb007 قااال في المشحمة بالمسدس في فتحات العجل بس لاااااااااااااااااااااااا اااااااازم الطنابير تكون بردت
كلام تمام موضوع الغسيل فى البنزينة بالمسدس ولو مجبش معاك نتجه شوف اى ميكانكى كويس يفكلك التيل وينضفه وبالمرة يطمك فاضل فيه اد ايه
ابقى طمنا عليك
واللهي يا أخ بدوي أنا نفس الحكاية كده
العربية كانت معاية زيرو وسمعت الفرامل بتصفر ... قلت أده لحقت خلصت ... تكنش حطين تيل فرامل تيست زي الحبر بتاع البرينتر كده بس علشان تجرب البرينتر وبعدين بتشتري خرطوشتين ليها كده جداد ... فممكن يكون حطين لينا تيل فرامل تيست علشان نجرب بيهم العربية .
المهم رحت جايب الخرطوم المية وقلت يمكن وساخة وضارب المية في طنابير الفرامل ... المهم لقيت الصوت الصفارة راح ... بس لقيت لمبة الفرامل في التبلووة نورت .
انا نفسي حد من بتوع توكيل رينو يرد علينا في موضوع تيل الفرامل ده هو مدة صلاحيتو 10000 كيلو ولا أيه .
المهم يدوبك مشيت بيها نص ساعه كده قلت يمكن علشان المية قامة لمبة الفرامل طفة وصوت الصفارة رجع .
انا برضه عندى صوت بقالى فترة بس الفرامل شغالة كويس الحمد لله .. هل ده بقى معناه انه عاوز يتنظف بس ولا ممكن يكون عاوز يتغير خالص ؟؟ ... وهل لو اتأخرت قبل ما انظفه ده ليه تاثير وحش عليه او على الفرامل