استشارة فنية من رجالة الانسر بخصوص كريستالة
يا جماعة انا ربنا وفقنة واشتريت كريستالة 99 جاميو 2 ايرباج وجنوط وفتحة سقف ، لونها رمادى
العربيية راشة بره ، بس الدواخل كلها سليمة ، بس فيها شوية حاجات عايزة تتعمل وارجو انكو تفيدونى فيها لان اول مرة اركب لانسر وعرفش فيها اى حاجة :
- اولا انا خدت العربية بـ 54000 هل ده كويس ولا لأ.
- معظم لمبات زراير التكييف و الفتيس اللى فى الكونسول محروقة كنت عايز اعرف اجيبهم منين ومين يغيرهم .
- باب المخدع اللى فى النص مفصلته مكسوره ، رده كنت عايز اعرف بتتباع لوحدها ولا لازم اغير الباب كله .
- الجريده البلاستيك اللى على السقف مش موجوده ، كنت عايز اعرف اجيبها منين وبكام تقريبا .
- السورتكس بتاع قاعدة الشنطة مكسور ، فهل ده بيتباع جديد او استيراد ولا اخلى سروجى يفصله .
- كنت عايز اعرف برده مين الميكانيكيا الكويسين اللى ممكن يشتغلوا فى العربية فى منطقة مدينة نصر او المعادى او المقطم او الحرفيين.
- عايز اعرف برده ايه الاضافات البسيطة اللى ممكن تتعمل فى العربية زى (المريات الفولدينج ، الشبكة ..... الخ) وجيبهم منين
اسف انى اسئلتى كتير ، و شكرا يا جماعة مقدما على المساعدة .
