الموضوع: غبت عن الشغل انا ومراتى والبطاريه هى السبب

الصبحيه العربيه يا دوبك دارت ورجعت بطلت وزق واشغل شويه مارش واستنى شويه علشان تشحن وما فيش فايده وازق تشتغل وعلى طول تبطل
المهم اتصلت بالميكانيكى صاحبي جالى ربنا يجازيه عنى كل الخير
ودورنا بوصله ورحت لبتاع البطاريات وكشف على الشحن وبعدين قال لى شغل انوار العربيه وبعدها بشويه قال لى شغل وطبعا ما اشتغلتشي - فقال بطاريه -- طاب يا عم بكام قال لى زى اللى راكبه ((اسدلكو )) 375 وياخد القديمه والمهم اديته 365 والحمد لله العربيه اشتغلت
على فكره حاسس انها اسدلكو من تحت السلم يعنى شكلها مش عاجبنى كما لو انى الورقه اللى عليها ملزوقه - ربنا يستر من الغش اللى مالى البلد
ولا اراكم الله مكروه فى بطاريه وبالذات وانتم رايحيين الشغل

المشاركة الأصلية كتبت بواسطة hpxp

ac delcon ياعم دي الفبريكه عندنا في الاوبترا 55امبير جافه هدورلك عليها في القسم عندنا

ال (Acdelco) كانت عندى وكويسه -- المشكلة ان الجديده شاكك فى انها مغشوشه شكل الورقه وحتى البلاستيك اللى مصنوعه منه مضروب رغم ان الكلام على البطاريه القديمه والجدبيده واحد -- وعلشان كده مقلق منها - بس الحمد لله -وربنا يبارك فيها وتعمر

المشاركة الأصلية كتبت بواسطة ahmed_gamal777

اولا حمد الله على السلامة وكويس انك اجزت من الشغل انت والمدام يا باو رواية (رواية دى عربيتك بما ان سوسن دى عربيتى -عشان زوبة بق قديم وبلدى هههههههههه)
عموما انا وراك وراك تسيب منتدى الادا برضة وراك فى المنتدى العام ههههههه
قدر الله ومشاء فعل -بمناسبة انا بفضل البطارية المياة عن الجافة عشان الحمد لله ما شبتقعد عندى فى العربية اكثر من 4 شهور ههههههههههه تصدق دى


البطارية المياة -النسر درجة اول 285جنية بعد تسليم القديمة -والراجل صاحب البيت -الله يعمر بيتة -قصدى صاحب محل البطاريات عشان انا زبونة المفضل -4 بطاريات فى سنة و 3 شهور -بياخد منى 100جنية وبعد كدة با اسبوع 100جنية واسبوع تانى وياخد 85 جندى (زبون بقى )

عموما الحمد لله وعود حميد لثقافى يا ريس (احمد عيد -من فيلم -فيلم ثقافى )

اجزت فعلا بس مش بمزاجى وكمان اليوم كان مرهق
انا اتصلت بواحد صاحبى فى الغل ودورنا العربيه دارت ووقفت اسخنها فى مكانها وهو مشي والعربيه بطلت
اتصلت بالشغل بعتوا لى عربيه الشغل ادانى وصله ودارت وبطلت ودارت وبطلت
اتصلت بالميكانيكى ودور العربيه وفضلت تقطع وقعد يفك فى البكات وينضف فيها وفك العمه وقعد يشفط فى الكربراتير
يعنى شغلانه واخيرا اشتغلت وبناء على طلبي رحت وراه لحد الورشه وبعدين روحت للكهربائ
واشتريت البطاريه
يعنى يوم متعب متعب متعب ولو كنت رحت للشغل لا كنت تعبت ولا اتغرمت فلوس

كمان البطاريه الجافه او اللى بيتقال عليها جافه بتريح دماغك من الكشف على المياه والحامض وتزويدها كل شويه - يعنى تكبير دماغ-