ايه رايكم فى الفيرنا الاتوماتيك 2012 وياريت لو حد يقولى مميزاتها وايه عيوبها علشان بفكر فيها جدااا ان شاء الله وياريت لو حد معاه فيرنا اتوماتيك يقولى ايه اخبارها معاه؟
عرض للطباعة
ايه رايكم فى الفيرنا الاتوماتيك 2012 وياريت لو حد يقولى مميزاتها وايه عيوبها علشان بفكر فيها جدااا ان شاء الله وياريت لو حد معاه فيرنا اتوماتيك يقولى ايه اخبارها معاه؟
:nemoflow: بالنسبة للسعر من الفئة دي .. ممتازة
انا معايا اوتو موديل 2008 وزي الفل والحمد لله عاملة ( 88888 ) الف
( سيارة عائلية شبابية ) مش سيارة للسباقات
وكل اللي جابو المانيوال ... نفسهم في الاوتو علشان مميزاتها ( الراحة في الاشارات والزحمة )
اهم شيء ..
صيانتها الدورية
عدم التحريق بيها والغرز
زيت موتور في الميعاد ( تخليقي لو سمحت ) ولما تقدم حطيلها المعدني
زيت فتيس بعد ال 60.000 الف مع تغيير فلتر 2.3 لتر ( انا عامل موضيع عن الزيت الفتيس )
طقم سيور عادي 40.000 الف
سير كاتينة مع بلية الشداد والبلية الثابتة علي ال 60.000
تمام
وبالتوفيق :nemoflow:
انا شايف انها انسب من اى عربية تانية فى الفئة دى انا عاجبانى بصراحة
زميلي الفاضل .. العربية في النقطة دي مش بتفرق مانيوال واله اوتو ناحية مواعيد الصيانة (ناحية تغيير السيور بالتحديد)لان كل الاجزاء متشابهه تقريبا ماعدي الفتيس
بمعني ان المواعيد ثابتة اللي بيتغير فقط حسب الموصفة ومختلف عن الاخر ( زيت الفتيس )لان الاوتو حاجة والمانيوال حاجة ( الفتيس مختلف طبعا )
يبقي السيور ثابتة 40 تغيير سيور (سليمة او مش سليمة ) 60 سير كاتينة ( سليم اومش سليم ) مع تغيير البليتين بتوع ( الشداد )
حد عندة معلومة إضافية :bye2:
انا بفكر برضوا اجيب فيرنا أوتو ان شاء الله
بس انا سمعت انها بتاكل بنزين وتيل فرامل اكتر من المانيوال
..........
ونظام استهلاك البنزين فيها ايه ؟؟ انت عارف شوارع مصر الزحمة والاشارات
............
هي فعلا بتاكل بنزين .... يعني ف البلد 160 كيلو ف الصفيحة مثلا بالمكيف
ع الطريق ممكن توصل 260 كيلو بسرعة 90 - 100 كم ساعة
لكن لو سرعة 120 فما فوق بتعمل 200 او اقل حسب سرعتك
....
لكن عموما الفيرنا الاوتو معايا من سنتين ..... وعربية زي الفل
بس مش عربية سباق .....
على فكرة الجنط بتاعها 14 مش 13 زي المانيوال وده بيحسن ثباتها
أنا بأقول برضه القسم منور ليه أتاري الحاج أحمد عدي عليه
واحشني و الله و ياريت نشوفك في مقابلات القسم بما انك طلعت فيرناوي
الاخ / صاحب الموضوع ..
الفيرنا من العربيات الكويسة جدا طالما انك جايبها علشان مشاويرك و بتحافظ عليها زي ما الاخوة قالوا
العربية في السوق بقالها سنين و ما حدش أشتكي منها و بصراحة حمالة قسية و قطع غيارها بتتباع في محلات البقالة و علي الارصفة و لما تزهق منها و تحب تبيعها هتلاقي لها 100 زبون و بسعر كويس لأنها عربية مطلوبة و أثبتت كفائة
أما بالنسبة للأوتوماتيك طبعا هو أحسن من المانيوال في بلدنا دي و طالما بتحافظ عليه هايعيش معاك و مافيش منه خوف
و ربنا يوفقك أن شاء الله