ان شاء الله رايح بكره صيانة الـ 1000 عند كارتك ( حد عايز حاجه )

السلام عليكم و رحمة الله و بركاته

عربيتى فيرنا 1600 كامله مانيوال

ان شاء الله رايح صيانة الـ 1000 عند كارتك فى العبور بكره .

فى حد عنده اى نصائح قبل لما اروح و ايه المفروض اخد بالى منه قبل و بعد الصيانة

انا الحمد الله اللهم بارك معنديش شكوى غير ان اريال العربية من ساعة ما استلمت العربية و هو مش شغال و انا لما سألت الاعضاء اكدولى انه بيبقى كهربا فمش عارف هيعملوا فى كارتك و لا هيبعتونى عن حد تانى .

و ياريت لو حد جرب كارتك يقولى اخباره ايه فى التعامل

و ان شاء الله لما اخلص هبقى احكلوا عملت ايه

و الله الموفق،،،،،،،،،،،،،،،،،،، ،،،،،،

بلاش كارتك فى اكتر من عضو جربة ومطلعش كويس
عمتا خلى باللك على قد ماتقدر وكانت المفروض فى التوكيل ابو رواش

ربنا معاااك والف مبروك الـ1000 ك وعقبال 10000000 ك

اقتباس:

---

المشاركة الأصلية كتبت بواسطة bassam nagy

بلاش كارتك فى اكتر من عضو جربة ومطلعش كويس
عمتا خلى باللك على قد ماتقدر وكانت المفروض فى التوكيل ابو رواش

---

شكرا على النصيحة اخى الكريم

اقتباس:

---

المشاركة الأصلية كتبت بواسطة smsmbakr

ربنا معاااك والف مبروك الـ1000 ك وعقبال 10000000 ك

---

الله يبارك فيك و جزالك الله خير

الحمد الله عمات صيانة الالف عند كارتك انهارده و اليكم التفاصيل :
وصلت كارتك حوالى الساعة 9.05 صباحا كانوا لسه فاتحين و سألت على المهندس / بهاء كان نفسى اتعرف عليه بس قالولى انه فى اجازة و قابلت المهندس / عاصم احمد و بصراحة كان فى قمة الذوق و رحابة الاستقبال .
ملى الاستمارة و خد ملاحظاتى على العربية و قالى تعالى نجرب العربية سوا ، المهم ساق هو و طلع على الطريق و فتح لحد 120 ، المهم لقى العربية بتحدف سنة يمين .
استلم العربية و قالى استريح فى الاستراحة و قالى ان الموضوع هياخد حوالى ساعة و نص .
و فعلا روحت الاستراحة شيك جدا و الواحد شايف العربية بيتعمل فيها ايه بالضبط من الالف للياء .
و بعد ما غيروا الزيت و الفلتر و ربطوا العفشة و الذى منه راحت عند بتاع الزايا ، شاب اسمه صلاح هو ذوق جدا و بعد ما عملها قالى يلا علشان نجرب العربية و طلعنا بيها لقينا ان فيها سنه شمال بسيطة و رجعنا تانى و ضبطها و جربناها طلغت تمام و الحمد الله بس للاسف كشفوا على الكاسيت و الاريال الكهربا لقوا ان العيب من الكاسيت و الاريال سليم قالولى لازم اروح توكيل رودوستار اللى عباس العقاد و بعدين روحت الخزينه و دفعت ( 205 تمن الزيت ( 10000 كم ) + 25 فلتر + الضريبة ) و استلمت العربية الحمد الله
و روحت توكيل الكاسيت و عملوه الحمد الله فى نص ساعة

و دى كانت تفاصيل صيانة الاف


و الله الموفق

مبروك وعبال صيانة 100000

معلش هو فين مكان كارتك و ينفع تعمل فية صيانة الاف ان سمعت انه لازم فى غبور

طيب قولنا عملت ايه

اقتباس:

---

المشاركة الأصلية كتبت بواسطة smsmbakr

طيب قولنا عملت ايه

---

اقتباس:

---

المشاركة الأصلية كتبت بواسطة MOHAMEDREFAAT78

الحمد الله عمات صيانة الالف عند كارتك انهارده و اليكم التفاصيل :
وصلت كارتك حوالى الساعة 9.05 صباحا كانوا لسه فاتحين و سألت على المهندس / بهاء كان نفسى اتعرف عليه بس قالولى انه فى اجازة و قابلت المهندس / عاصم احمد و بصراحة كان فى قمة الذوق و رحابة الاستقبال .
ملى الاستمارة و خد ملاحظاتى على العربية و قالى تعالى نجرب العربية سوا ، المهم ساق هو و طلع على الطريق و فتح لحد 120 ، المهم لقى العربية بتحدف سنة يمين .
استلم العربية و قالى استريح فى الاستراحة و قالى ان الموضوع هياخد حوالى ساعة و نص .
و فعلا روحت الاستراحة شيك جدا و الواحد شايف العربية بيتعمل فيها ايه بالضبط من الالف للياء .
و بعد ما غيروا الزيت و الفلتر و ربطوا العفشة و الذى منه راحت عند بتاع الزايا ، شاب اسمه صلاح هو ذوق جدا و بعد ما عملها قالى يلا علشان نجرب العربية و طلعنا بيها لقينا ان فيها سنه شمال بسيطة و رجعنا تانى و ضبطها و جربناها طلغت تمام و الحمد الله بس للاسف كشفوا على الكاسيت و الاريال الكهربا لقوا ان العيب من الكاسيت و الاريال سليم قالولى لازم اروح توكيل رودوستار اللى عباس العقاد و بعدين روحت الخزينه و دفعت ( 205 تمن الزيت ( 10000 كم ) + 25 فلتر + الضريبة ) و استلمت العربية الحمد الله
و روحت توكيل الكاسيت و عملوه الحمد الله فى نص ساعة

و دى كانت تفاصيل صيانة الاف


و الله الموفق

---

اتفضل يا باشا