عرض للطباعة
السلام عليكم
انا من المنصورة و نازل دمنهور خلال ايام والطريق العادي اللي اعرفه اللي هوا الزراعي
بس انا عايز اروح دولي انا بمشي دولي كتير وانا رايح اسكندرية بس مش بعدي علي دمنهور بعدي بس علي رشيد
فا ياتري فيه طريق من رشيد لدمنهور؟
وياريت اعرف طريقة الوصول ليه كل اللي اعرفه اني بعدي علي كمين رشيد وبس :d
شوف يا باشا قدامك طريقين
الاول الزراعي المنصوره - المحله - طنطا - كفر الزيات - دمنهور
http://www.nileup.com//uploads/image...2d24bd05f3.jpg
و الثاني الساحلي
المنصوره - دمياط - الطريق الساحلي - كفر الدوار - دمنهور
http://www.nileup.com//uploads/image...1dfbce047f.jpg
طبعا الاسرع و الاّمن الزراعي بس الطريق في مطبات كتير و دغدغه
الطريق الساحله لازم تمشي فوق ال 120 علشان تلحق فرق المسافه بس غير اّمن
في طريق من رشيد لدمنهور طوالي مرورا بالمحموديه و لكنه ضيق و مليئ بالمطبات عدد فوق ال 45 مطب و نفس المسافه لو كملت طوالي و نزلت من الدولي بتاع كفر الدوار لحد دمنهور
توصل بالسلامه
الف شكر ياباشا انا بمشي كتير زراعي وجيت اخر مره زراعي عادي وحافظه وبروح اسكندريه من علي الدولي كتير اووي
ومن علي الدولي اوقات باخد من المنصوره لسكندريه في ساعه ونص عكس الزراعي زي مانت فاهم بياخد وقت كتير
عايز بس اعرف حاجه حضرتك قولت طريق مش أمن اصدك وصلة رشيد دمنهور؟
وعلي فكره تصحيح بسيط لكلام حضرتك لو ومن علي الدولي: المنصورة وتحديدا جمصه - كفر الشيخ - رشيد
فا انا عايز اعرف الوصله اللي من رشيد لدمنهور ادخلها منين من بعد كمين رشيد
واسف ع الاطالة
اكيد يا باشا في طريقين رشيد دمنهور مرورا بالمحموديه او مرورا بادكو
طريق المحموديه
انت نازل من على كوبري رشيد من على النيل اول فتحه يمين و تزل من تحت الكوبري نزله البصيلي
و تاخد طريق ادفينا - المحموديه - زرقون - دمنهور
طريق ادكو نفس الدخله الي فات بس تكمل على ادكو ثم بركه غطاس ثم دمنهور
خدها مني نصيحه كلها نفس المسافه بس الطرق الي انا قولتلك عليها دي مدغدغه بمعني الكلمه حتاخد من رشيد لدمنهور اكتر من ساعه و نصف
اما لو رشيد كفر الدوار دمنهور ساعه الا ربع ساعه بالكتير خالص
توصل بالسلامه
الف شكر ياباشا علي الاهتمام
وكدا يبقا الزراعي احسنلي واوفر في الوقت
الزراعي احسنلك بكتييييييييييييييييير
الزراعي احسن و هيوفر في الوقت
وصلة رشيد ادكو دمنهور هتاخد منك وقت طويل و الطريق من ادكو لدمنهور سيئ جدا و ضيق و مطبات فجأة و السواقين اللي بيمشوا علية مقوللكش