صيانه ال5000 فى مركز أوتو أيجـــيبت

**M.Nabeeh** · 29-12-2011 09:14 PM

النهارده أقابلت سحس في الدقي ورحنا أوتو أيجبت وهناك قابلنا ألاستاذ عاطف وهو الصراحه

محترم زي صقورنيسان كلها وهناك قبل مأدخل أقابلنا م راجي قبل الدخول وعرفته بنفسي

والراجل رحب بينا جداً وأهتم كونا أحنا نايل موتورز و جابلي رقم ودخلني عند المهندس بنفسه ووصا

علينا بصراحه المركز تحفه في الخدمات سواء الكافتيريا والتوليت وأماكن الأستراحه وهناك في شاشه

بتوضح مراحل صيانه العربيه لغايه خروجها والميزه هناك أني المهندس بيدك وقت تستلم فيه العربيه

وفعلا بتروح تلاقيها جاهزه

كان ليا شويه حاجات زي

1.غربله الدركسيون والتأكيد علي مراجعه علبه الدركسيون

2. طلب الكشف علي التيل لسماع صوت طقطقه عند رفع الرجل منها(تم تنضيف التيل)

3.مشكله تجعيير في الأزاز الخلفي أثناء نزوله (حطوا أسبراي والصوت بقي أهدي شويه)

4.عدم غلق الباب الشمال الخلفي (لم يتم حلها)

الميزه بقي أنهم بيربطوا العفشه وبستخدموا فيها الشمع وده بيحسن أداء العفشه جداً

غسيل العربيه من بره والموتور فووووم من غير ماأقولهم

خلصنا وقابلت م/راجي سألني علي اللي حصل وأطمن بنفسه وقعدنا ننكلم شويه معاه وكان معانا

أ/عاطف بر اللي كان خلص عربيته

وبعديين خلصنا وروحنا كارفووووور قعدنا هنا شويه ومشينا

وكانت فرصه للتعرف علي أ عاطف بر

ويشكر سحس اللي تعيب معايا من أول اليوم