ياترى فى حد من وحوش الميجان جرب الزيت ده وخصوصا انى عرفت ان فى زيت اضافى عندهم بيتحط على زيت الفتيس وممكن يعالج موضوع النتشه اللى فى الميجان ،،، ياريت الرد من وحوش الميجان اللى بيفدونا دائما لأن موضوع النتشه ده مضايقنى جدا
عرض للطباعة
ياترى فى حد من وحوش الميجان جرب الزيت ده وخصوصا انى عرفت ان فى زيت اضافى عندهم بيتحط على زيت الفتيس وممكن يعالج موضوع النتشه اللى فى الميجان ،،، ياريت الرد من وحوش الميجان اللى بيفدونا دائما لأن موضوع النتشه ده مضايقنى جدا
طيب ما تجرب وتقول لنا..لو اتحل الموضوع يبقى العيب عيب زيت لو ماتحلش تبقى مشكلة dpo ..انا اعرف إن كل العربيات الـdpo بتنتش
انا اعرف ان زيت فتيس الميجان مش بيتغير مع عدم اقتناعى التام بالكلام ده ، انا عربيتى موديل 2006 وماشيه حوالى 100الف كيلو يعنى زيت الفتيس موجود بقاله 6 سنين هل معقول الوقت ده كله والزيت متأثرش يعنى متبخرش جزء منه مثلا او تلوث او حتى درجه جودته اتأثرت اشك ،،، على العموم انا هاغير زيت العربيه عندى قريب بزيت ليكوى مولى واسأل الموزع على موضوع اضافه لزيت الفتيس وهشوف رأيه ايه ،، فى انتظار اراء ملاك الميجان
كنت فى توكيل المقطم امبارح بغير الكولر اللى بايظ وقولتلهم على موضوع النتشه اللى بحس بيها عند النقلات العكسيه وطلبت منهم اغير زيت ونجرب لان الزيت بقاله حوالى 100 الف لكن رفضوا تماما واصروا ان الزيت بتاع الفتيس مش بيتغير الا لما يتعمل شغل فى الفتيس وان تغييره مش هيفيد فى موضوع النتشه خالص ،، الخلاصه ان زيت الفتيس مش بيتغير
يا جماعة و الله انا كان نفسي اعمل موضوع كامل عن الزيوت بس هي فرصة اقول تجربتي بالنسبة للليكوي مولي انا حاطط زيت الموتور اللي هو w40 تقريبا علي حسب ما انا فاكر من حوالي 6000 كم مع اضافة السيراتك و اضافة زيت الفتيس .
بالنسبة لصوت الموتور كان ناعم و اتهيألي ان السحب بقي انعم حاجة بسيطة جدا بس مش متأكد اوى لأن دا كان بعد الصيانة اللي هى بوجيهات و فلاتر بس الخشونة رجعت عادى دلوقتى يعني بقي صوت الموتور مسموع زي الاول عادي .
بالنسبة لاضافة الفتيس انا غيرت زيت موبيل مع تغيير السولونايد و بعدين تاني يوم اشتريت الاضافة و بصراحة حسيت بفرق في نعومة النقلات ملحوظ بس ما استمرتش كتير 3-4الاف كم بالكتير و بعدين دلوقتي النتشة رجعت ملحوظة زي زمان بس اللي انا لاحظته و خايف منه ان بقي في تأخير ثانية اكتر بين النقلة و الاعلي اعتقد دا راجع للزوجة الاضافة العالي .
الخلاصة ما فيش حاجة سحر مما لا شك فيه ان الزيت دا نظيف بس مش سحر يعني هو افضل من انواع تانية كلنا جربناها و اشتكينا منها و اعتقد الحكم النهائي لما اخلص ال12000 كم و انزل الزيت و اشوفه بعيني .
بالنسبة للنتشة المزمنة اللي هي الواحد اتعود عليها خلاص دي عن سؤال كتير و رد من ناس فاهمة نتيجة لالفرق الكبير في الحجم بين تروس الفتيس الخاص بالميجان يعني التغيير من قطر صغير الي قطر اكبر باضعاف في الحجم فجأة فنصيحة اتعامل مع الموضوع دا علي انه طبيعة عربية زي كدا السحب البطىء في الطلعة المعروف بيه الاوروبي