يا جماعة انا محتا ر بين اللوجان وال byd
اللوجان كله بيشكر فيها بس بصراحة مش حابب شكلها وبرده ال BYD ناس بتشكر فيها بس بيتقال عليها صيني بس انا ميال اكتر لل BYD
ياريت يا جماعة حد يساعدني في الاختبار
عرض للطباعة
يا جماعة انا محتا ر بين اللوجان وال byd
اللوجان كله بيشكر فيها بس بصراحة مش حابب شكلها وبرده ال BYD ناس بتشكر فيها بس بيتقال عليها صيني بس انا ميال اكتر لل BYD
ياريت يا جماعة حد يساعدني في الاختبار
طب حضرتك عيزها مانيوال ولا اوتوماتيك ؟؟
logan
رينو لوجان ومش هتندم طول عمرك
لوجان أفضل من حيث قطع الغيار و الصيانة و التوكيل المحترم بتاعها و العربيه عامة أوربى
ال byd عربيه ممتازه مسمعتش عنها عيوب كتير بس معرفش عنها حاجه و لو حضرتك ميال لنوع معين استخير ربنا و اتكل على الله و حاول تجرب الإتنين قبل الشراء
أنا ركبت ال byd تاكسي وكانت لسة بكيسها وماتبسطش من التقفيل,ولا العفشة , يمكنعاشان كانت لسة زيرو
اللجان بقى سقتها كتير ماشاء الله واسعة وعافشتها تحفة وتوكيل محترم , أعتقد توكيل ال Byd هو شركة الأمل بتاعت اللادا , أحسن ابعد عنهم عشان سمعت مشاكلهم كتير
el-byd تتفوق في الموتور الميتسوبيشي سحبته أحلى من اللوجان.
اللوجان أفضل طبعا
byd العربية ممتعة و صالونها تحس فى فخامة و قطع غيارها سعرها معقول و منتشرة علشان التاكس
توكل على الله فى ال byd
واعمل صلاة استخارة
[QUOTE=Ahmazong;3874016566]طب حضرتك عيزها مانيوال ولا اوتوماتيك ؟؟[/QUOTE
عاوزها مانيوال
مادام منوال يبقى خليك في اللوجان .. توكل على الله
كل اللى هقدر اقولهولك ابعد عن الصينى و عنيـــــــــــــله
و اللوجان عربية ممتازة و اثبتت جدارتها فى السوق .
انا معايا لوجان بس للامانة اقولك ان معظم الى معاهم byd بيشكر فيها وديه اول عربية صينى اشوف الغالبية العظمى من ملاكها بيشكروا فيها
ده الجانب الايجابى فى ال byd على قد معرفتى لانى مركبتهاش ولا حتى تاكسى ومعلوماتى عنها كلها سماعية
لكن انا خوفى منها بعد كده تظهر عيوب مع الاستعمال ( بعد اول 5 سنين ) وعمر افتراضى ممكن ميكونش طويل خاصتا ان الماركة نفسها مبقلهاش كتير منتشره وخبرتها فى تصنيع السيارات
اللوجان = رومانى تقفيل مغربى - موتور ميجان 1 - قطع غيار غاليه جدا - توكيل محترم جدا - محدش يعرف يعملها صيانه غير توكيلها - منتشره بس مش للشكل الكبير فى الشارع المصرى
byd = صينى تقفيل مصرى - موتور لانسر بوما - قطع غيار رخيصة - توكيل سيىء جدا - ممكن اى ميكانيكى يابانى يشتغل فيها بكل سهوله - منتشره جدا كتاكسى فى القاهره و اسكندريه
القرار بتاعك انت مش بتاعنا احنا ... احنا بنقول اراء و حضرتك تقرر ما تراه و ربنا يهديك للخير و تبعد عن الصينى
معلش عندى تعقيب على كلام الاخوة
اللوجان الميكانيكا بتاعتها بسيطة و اى ميكانيكى بيشتغل فيها عادى و قطع غيارها التجار بدأوا يجيبوها
هو ال byd F3 تقفيل مصرى؟؟؟ أعتقد انها تقفيل صينى...أرجو من الاخوة مراجعتى فى المعلومة
انا خبرتى مع ال byd f3 انى ركبتها تاكسى و الصراحة لما بركب تاكسى بفضلها عن الفيرنا و اللنوس عشان واسعة و مريحة بس اللى مش بيعجبنى فيها جودة الخامات ان كانت احسن شوية من باقى الصينى بس لسة فيها اللمسة الصينية التوكيل عن تجربة صديقى معاه BYD FLYER سىء و غالى
[quote=مواطن مصرى;3874025325]اللوجان = رومانى تقفيل مغربى - موتور ميجان 1 - قطع غيار غاليه جدا - توكيل محترم جدا - محدش يعرف يعملها صيانه غير توكيلها - منتشره بس مش للشكل الكبير فى الشارع المصرى
اللوجان = تقفيل مغربى - موتور ميجان 1 - قطع غيار غاليه و كمان معمره و مش هتحتاج ليهل طول فترة الضمان لدرجة ان الفتنوس الخلفى ب 200 جنيه اصلى و تركى ب 140 جنيه فعلا عاليه جدا - توكيلها محترم جدا منتشره بشكل كبير من وجهة نظرى و كفايه انها نزلت للشرطة صيانتها سهله جدا جدا و حضرتك ممكن تشوف موضوع معمول هنا فى المنتدى اسمه اعمل صيانتك بنفسك و هتلاقيها سهله ان شاء الله و كفايه انها تصميم أوربى
اللوجان أفضل طبعا
طبعا ماتشتريش عربية توكيلها سيء , ركبت العربية ال"byd" امبارح تاني , ونصيحة ماتجيبهاش وسيبك من موضوع موتور ميتسوبيشي والكلام ده, هو تكنولوجي ميتسوببيشي بس خامات وتصنيع صيني وماعتقدش إنه هيكون أفضل من بتاع السبرانزا اللي بيقفيش و بيغيروه بميتسوبيشي أصلي بعد ما كنا بنسمع إن العربية دي نمساوي على الماني وكانوا بيحسسونا إنها فضائية :majd(4):