أركب نص قدماني ولا ابيعها كده ولا ممكن تتظبط

**kwasfy** · 31-12-2011 04:00 AM

المشاركة الأصلية كتبت بواسطة shaddadfalcon1

حصلت لزميل ليا في الشغل من شهرين ودخل في رصيف علي الدائري برده وريح دماغه وباعها بحالتها
لو بعتها دلوقتي هتخسر كنيير ولو ركبت نص ولا ربع هتصرف كتيير ولما تيجي تبيع هتقول للمشتري وهتخسر كتيير وفي الأخر ممكن يكون السعر اقل من لو بعتها دلوقتي ولو كان اذيد كام الف اعتبرهم تمن البهدله واللف علي الورش والتدليل عليها عشان تبيعها

تفكر ممكن تعمل كام فلوس يعني تقريبا كده

**kwasfy** · 31-12-2011 04:06 AM

المشاركة الأصلية كتبت بواسطة amado318

انا غيرت النص وما فيش نيه للبيع اصلا الانوس عجبانى ومرتاح فيها ولو حصلت ظروف ميهمنيش انى اخسر فيها خالص غير انها علشان نصين ناوى العب فيها بس لما افضى ان شاء الله دة عن نفسى بس اصلاحها مش هيكلف كتير انا اشتريت نص قدمانى من غير رقم شاسيه 800 جنيه وغيرت رادتير 350 وسربنتينه 250 ومقصات الاتنين استعمال 250 وفوانيس تايوانى 125 للواحد ورفرفين الواحد 200 جنيه وكبوت 400 جنيه وخلصت على كدة وماشيه اخر حلاوة والحمد لله مكنتش صاحب الحادث صديقى الى عملها

والله كلامك جميل .. انا اخدت معايا النهارده سمكري يبص عليها بعد ماوديتها المركز ده
السمكري قالي دي مش محتاجه نص ولاحاجه .. هيا ممكن تحتاج ربع يمين بس و ممكن لأ و هايبان بعد ما تتفك ....

السمكري معرفه واحد صاحبي تاني في الحي العاشر ورا السوق عند الواحه و مركز الصيانه في الأميريه في شارع عمر المختار

.

**kwasfy** · 31-12-2011 04:21 AM

المشاركة الأصلية كتبت بواسطة karim_monir

قدر الله وما شاء فعل
لو هاتركب كام سنة صلح واركب وتبقي ركبت بخسارتك فيها
لو هاتبيع خلال سنة بيع دلوقتي
بس مش هاتجبلك فلوس وهاتسمع ارقام توجعك بجد
01001263030
ده تليفوني
كلمني

العربيتين واحد صاحبي اخدهم وداهم مركز في الأميريه في عمر الختار لأن انا كنت في المستشفي ..
بس دلوقتي المركز عايز يركب نص وانا اخدت سمكري قالي الناس دي بتشتغلك هيا ممكن تحتاج ربع و ممكن لأ ..

انا ما فيش معايا فلوس اشتري حاجه اعلي او اكبر او انضف او حتي لانوس يتمشي بيها ..

فا انا مستني المركز يقولي اسعاره ها تبقي ايه بكره و السمكري ده برده ها يرد عليا بكره و اشوف فرق السعر .
مركز الصيانه كانو زعلانين قوي لما قلتلهم نصلح علي قداللي موجود يعني رفرف كارتيره كده يعني حته حته قالولي لاااا احنا هانجيب نص كامل حته واحده نفس اللون بالتابلوه و دكر طلع مكان اللحام و احنا شغلنا نضيف يا بيه ...

ولو عملنا اللي انت عايزه العربه مش ها تظبط و ها تاكل كاوتش و تكسر كبالن ..

بس يا سيدي ده كل الكلام ..

**mobarak86** · 31-12-2011 04:57 AM

الف حمد الله على السلامة

**adamlion** · 31-12-2011 06:47 AM

الف سلامه ياباشا نصيحه ركب لها نص فى الحرفيينلان العربيه كده مش هتجيب لك فلوس وهتخسر كتير.تحياتى وانا ممكن اساعدك لى صديق شغال فى الاستيراد عند وكاله استعمال .كلمنى على الخاص.0117784710ادم

**adamlion** · 31-12-2011 06:59 AM

العربيه لو مش محتاجه نص امامى انا ممكن اعطيلك تليفون صديقى صاحب وكالة الاستيراد
وهو شخص محترم وبيتقى الله وهيدليك احسن الاسعار لانه بيستورد من كوريا .تحيات ادم
كلمنى على الخاص 0117784710عفوا لا اجد الوقت الكافى للجلوس على الانترنت .

**adamlion** · 31-12-2011 07:58 AM

لو الظروف لاتسمح ممكن اخليك تدخله فى عربيه سليمه ومكيفه
بس موديل اقل وتاخد فرق السعر فلوس .ولاارجواى منفعه
شى سوى الدعاء بالخير وان ارزق بالذريه الصالحه.ادم

**ahmed.zahra** · 31-12-2011 11:19 AM

نصيحة مني بيع على كده، ما تغلطش غلطتي وقت و فلوس و في الأخر حتلاقي انك لو بعتها على كده + الفلوس اللي كنت حتصرفها عليها = تمن عربية سليمة و من غير تضييع وقت( العربية على كده ممكن تجيبلك من20 إلى 25)

**amado318** · 31-12-2011 11:33 AM

صلحها واركبها حاجتها رخيصه ومش هتصرف كتير انا بقالى 4 سنوات راكب العربيه نصين وزى الفل

**more_try2** · 01-01-2012 09:06 AM

المشاركة الأصلية كتبت بواسطة kwasfy

والله كلامك جميل .. انا اخدت معايا النهارده سمكري يبص عليها بعد ماوديتها المركز ده
السمكري قالي دي مش محتاجه نص ولاحاجه .. هيا ممكن تحتاج ربع يمين بس و ممكن لأ و هايبان بعد ما تتفك ....

السمكري معرفه واحد صاحبي تاني في الحي العاشر ورا السوق عند الواحه و مركز الصيانه في الأميريه في شارع عمر المختار

.

انا شايف ان هو ده الراى الارجح صلح عربيتك ومتغيرش نص ولا حاجة انا شايف ان العربيه مش متبهدله قوى اشتغل مع سمكرى كويس هيجبلك كل ده على الزرجينه والعربيه ليها كاتالوج ومقاسات يشتغل عليها بالملى وان شاء الله ترجع زى الفل ال بيغير نص معظمهم بيستسهل بدل ما يشتغل سمكره بيفك ويركب صلح العربيه فقط مع احترامى لكل الاراء